Sözaltı Sözlük - Azərbaycandilli Fikir Ensiklopediyası

+4 əjdaha

1. son vaxtlar ədəbi portallarda "gəncləri həvəsləndirmək üçün yazı müsabiqələri" ilə çox rastlaşıram. bir neçə dəfə bu müsabiqələrdə iştirak etmək istəmişəm lakin elə ki, hekayəmi göndərmək istəyəndə hekayənin ağlamsımmış və kimsəsiz baxışları mənə mane olub. yəni hekayələrimə yazığım gəlib. düzü bu müsabiqələrdən zəhləm gedir. birinci səbəb kimi gənc yazara müsabiqənin psixoloji təsirini göstərirəm. təsəvvür edin yazar nə qədər həyəcan keçirir, yer tuta biləcəyinə əmin olur( bütün yazarlar öz yazılarını ən yaxşı hesab edirlər) , bütün günü müsabiqəni düşünür və qaliblərin elan olunduğu gün o qədər həyəcanı qəlb qırıntıları əvəz edir. öncə yazar xüsusi bir səbəb axtarır və qalibləri ədəbi portalın az qala qohumu da çıxarır.(bəlkə də haqlıdır!) özünə təsəlli verir amma bir müddət sonra həvəsi ölür və yaxşı yaza bilmədiyini düşünür. bəziləri özlərinə qapanır, bəziləri isə eqoistə çevrilir. digər səbəb isə azərbaycanda bu tip müsabiqələrdə daha çox tanışlara yer verilməsidir. məsələn mənə yaxın bir insan keçən ay bir müsabiqədə iştirak edirdi. təqdimat günü öz adını heç ilk 10luqda belə görə bilməyib çox üzülmüşdü. 3gün sonra qalib gələn müəllif və hekayə paylaşıldı portalda. müsabiqənin adı "gənc yazarlar bla bla" olsa da müsabiqəni qazananın 50yaşı var idi. bu bir tərəfə. hekayəni oxumağa sərf etdiyim 3dəqiqəyə heyfim gəldi bu da ayrı mövzu. sonra ilk 10luqdakı hekayələr paylaşıldı və gördüm ki,həmin müəlliflər daha yaradıcı idealarla zəngin hekayələr yazmışdılar. yəni ədalətsizlik göz önündə idi. bir neçə həftə sonra həmin 50yaşlı yazarı başqa müsabiqədə qalib gördüm. (təbii ki, hekayəsini oxumadım.) 50yaşlı bir insan əgər yazıçılıqda özünü təsdiq etmək istəyirsə o gənclərin müsabiqələrində iştirak etməli deyil orada münsif olmalıdır. (ən azı bunu özünə yaraşdırmamalıdır) digər tərəfdən portalın redaktoru nə qədər ədalətsiz və iki üzlü ola ki, hansısa gəncin haqqına girə bilə! anlayacağınız bu müsabiqələr yazarların həvəslərini öldürməkdən başqa bir işə yaramır. əgər aranızda yazarlar varsa belə müsabiqələrə qatılmalarını məsləhət görmürəm. ətrafımda bir çox ədəbiyyatçılar var. onların çoxu münsif olublar bu müsabiqələrdə. və özləri də etiraf edirlər ki, seçim zamanı tanışlar digərlərindən öndə olur. yəni çox da baş qoşmayın.

gənc yazarlar üçün müsabiqələr