+11 əjdaha
1. yunan mifologiyasında bir qrup dənizçi qəhrəman.əfsanə təxminən eramızdan əvvəl 1300-cü illərə təsadüf edir.
hələ *troya müharibəsi*ndən əvvəl yunanıstanda,iolk şəhərində *ezon* adlı çar hakimlik edirdi. ezon taxta gəldiyi gündən bəri qardaşı *peliy* onun taxtda olmasını qısqanır,onu devirmək üçün planlar qurmağa başlayır. axırda peliy bunu bacarır və ezon taxtdan salınır,peliy iolkun yeni çarı olur. ezon isə məcbur qalıb peliyə tabe olur və adi kəndli həyatı yaşamağa başlayır. ama ezon oğlu *yazon*u peliyin varislik məsələsindən ehtiyat etdiyini bildiyi üçün gizlin pelion meşələrinə,vəhşi kentavrların yeganə müdriki *xiron*un yanına göndərir. xiron burda yazona müəllimlik edir,onu öz yanında böyüdür.
peliy isə öz hakimiyyət qorxusu ilə bütün potensiyal rəqiblərini aradan çıxarmağa çalışır. bir gün o kahindən ona hardan zərər gələ biləcəyini soruşanda hakim ona "bir ayağı yalın olan adamdan qorx" cavabını verir. beləcə peliy getdiy hər yerdə,sarayında,dostları arasında ilk növbədə insanların ayaqqabılarına baxmağa başlayır.
yazon,20 yaşı tamam olduqda doğma şəhəri iolka,atası ezonun yanına qayıtma qərarı verir. o xironla vidalaşıb yola düşür. yazon iolk yolunda bir çayı keçməyə çalışarkən arxada yaşlı bir qadın olduğunu görür və qadına kömək etmək üçün onun yanına qayıdır. o qadını çayın içi ilə keçirdərkən ayaqqabısının bir tayını su aparır. çayı keçdikdən sonra yaşlı qadın - hekayənin sonrasında məlum olacağı kimi *zevs*in arvadı ilahə *hera* yazona təşəkkür edir və bu yaxşılığı unutmayacağını deyir. yazon iolka qayıdır,atasını axtarmağa başlayır. bir gün o şəhərdə olarkən çar peliy araba ilə şəhərdən keçir. o diqqət cəlb edən görünüşlü yazonla qarşılaşır və bir ayağında ayaqqabısı olmadığını görür,qorxaraq ondan kim olduğunu soruşur. yazon kim olduğunu deyəndə o qorxusundan arabaya tullanıb saraya qaçır. yazon atasını tapır,və onun hakimiyyətini bərpa etmək üçün peliyin sarayına gedir.
peliy yazonu xalqın gözü qarşısında öldürə bilməzdi,buna görə də onu öldürmək üçün planlar qurmağa başlayır. nəhayət,o plan qurur. yazon onun yanına gələndə o yazona bu taxtda 20 ildi oturduğunu,qarşılıqsız onu ezona qaytarmaq istəmədiyini bildirir və taxt qarşılığında yazondan bulud ilahəsi *nefeda*nın *qızıl yunlu qoyun*unun dərisini istəyir. o yazonun bu yolda ölümə getdiyini bilirdi. yazon bunla razılaşır
beləliklə,yazon heranın köməyi ilə gəmini iolkun ən məşhur mühəndisi *arqa*ya hazırlatdırır. gəmi hazır olduqda gəmini arqanın şərəfinə *arqo* olaraq adlandırır və ilahə *hera*nın şərəfinə gəminin burun hissəsinə onun qızıldan heykəlin hazırladır. bu gəminin xəbəri bütün yunanıstana yayılır və *ellada*nın hər yerindən böyük yunan qəhrəmanları könüllü olaraq yazonla səyahətə getmək üçün gəlirlər. içlərində zevsin oğlu *herakl*,məşhur musiqiçi *orfey*,afina hakimi *egey* və başqaları da olan bu heyyət özünü arqonun adı ilə arqonavtlar adlandırır,və səyahətə başlayırlar.
hekayədə bu səyahətdə onların başlarına gələnlərdən bəhs edir.