+4 əjdaha
2. ispaniyanın ən məşhur aktyorlarından olan javier gutierrez-in ulduzunun parlamasına səbəb olmuş filmdir. 2014-cü ildə çəkilib və həmin il 62-ci san sebastian beynəlxalq film festivalında nümayiş olunub. Bir çox nominasiyada ispaniyanın oskarı olan goya mükafatına layiq görülüb.Ölkədən asılı olmayaraq, keçmiş dönəm filmlərini bəyənən biri olaraq, bu film də çox xoşuma gəldi. Hadisələr 1980-ci ildə, post-franco ispaniyasında baş verir. madriddən detektivlər pedro suarez və juan robles şəhər kənarında yerləşən bir qəsəbəyə gəlirlər. Carmen və estrella adlı iki yeniyetmə bacı itib. Bacılar əvvəllər də tez-tez evdən çıxar, ancaq hava qaralmadan qayıdardı. Bu dəfə isə qayıtmayıblar və detektivlər də bu hadisəni araşdırırlar. Ortaqlar bir-birinə zidd iki insandır. Juan, franco dövründə rejim polisi olub və keçmişi problemli biridir. Pedro isə keçmiş rejimə hər zaman düşmənlik bəsləyən biridir.
Filmin çəkiliş keyfiyyəti çox yaxşıdır və keçdiyi dövrü gözəl əks etdirir.
Qeyd: sirli və düşündürücü bir sonu var.