sosial evlər



facebook twitter əjdaha lazımdı   izləmə   lələ   mən   googllalink

    1. tanım: aztəminatlı əhali üçün dövlətin ucuz qiymətə və uzunmüddətli ödənişlə evlər tikməsidir.

    Sosial evlər deyəndə, dünya təcrübəsində istifadə olunan “social housing” üsulu nəzərdə tutulur. Bu təcrübə ilk dəfə Honqkonqda tətbiq edilib. 1953-cü ildə 53 min adamın yaşadığı Şek Kip Mi gecəqondu məhəlləsində yanğın olub. Hakimiyyət sakinlər üçün yeni evlər tikərək uzunmüddətli (təxminən 10 il) kirayə müqavilələri bağlayıb və bu müqavilələrdə müştərinin istəyi ilə uzadılmaq imkanı da qeyd edilib. Həmin evlərdən alınan kirayə haqqı kirayə bazarındakından 10 dəfə aşağı olub. Həmin vaxt Honqkonqda evlərin orta kirayə haqqı 100 dollar olduğu halda, Şek Kip Mi sakinləri ilə bağlanan müqavilələrdə aylıq kirayə qiyməti 10-14 dollar təşkil edirmiş.

    Dövlət sosial mənzil fondu üçün yeri pulsuz ayırır, tikinti şirkətlərini isə tender əsasında seçir. Ekspertlərin rəyinə əsasən, Azərbaycanda sosial mənzil fondunun yaradılması dövlət büdcəsi üçün heç bir çətinlik yaratmır. Onların fikrincə, dövlət büdcəsindən ildə 300 milyon vəsaitin ayrılması gəncləri mərhələli şəkildə mənzillə təmin edə bilər. Bu vəsait həmçinin mənzil bazarının rentabelliyinin qorunması baxımından da təhlükəsiz olar.

    link link
    3. ilk əvvəl başda oturan acgözlər hərəsinə 3,4 ev götürəcək,göstəriş üçün beş-altı ailədən rüşvət alıb həmin bu evlərdən paylayacaqlar həşdatsəkkiz dənə evi olan adamlara.vəssalam.ad da olacaq dövlət gənc ailələrin qayğısına qalır.sisteminizi sikim sizin..
    4. Hələ də belə layihələrə inanan və ümid edən saflarımız var. Sosial evlərdən qabaq dövlət hesabına ipoteka məsələsi ortaya atılmışdı. illər ərzində nə yenilik oldu? ilkin ödəniş yüksək, faiz yüksək, maksimal məbləğ də 50 min manata kimi. Biraz ortabablar güclə mənzil sahibi oldular, qalanlar qaldı. Bu il üçün 200 milyon pul ayrımalı idi ipoteka üçün. il qurtarır, ancaq hələ də, ipoteka adı çəkən yoxdur yuxarılarda.

    indi isə gələk sosial evlərə. Şəxsi fikrimdir ki, mən bu layihənin uğurlu olmayacağına inanıram. Birincisi, heç sona qədər çatdırıla bilməyəcək. Hazırda dövlətin vəsaitləri çox azalıb. ikincisi, şəhər ətrafı yerlər olduğundan orada infrastrukturun yaradılması illər tələb edir. Nəzərə alsaq ki, bizimkilər asfaltı çəkib sonra söküb altından su xətti çəkirlər, olacaqları təsəvvür etmək çətin deyil. Üçüncüsü, mənzillərin ölçülərinin ən yaxşı halda 25-35 kv.m olacağını düşünürəm. Dördüncüsü, mənzillərin həqiqətən də ehtiyacı olanlara əlçatan olub-olmaması qaranlıq olaraq qalacaq. Beşincisi, bu layihəyə birinci Bakıdan kənarda başlamaq lazım idi ki, pilot layihənin özünü doğruldub-doğrultması görülərdi. Altıncısı, binaların keyfiyyətinin yüksək olacağını düşünmürəm. Köçəndən sonra qonşu ilə divara bir divar da siz əlavə edərsiniz. Yeddincisi, sosial evlər məncə, tikilib təhvil verilə bilsə sonradan yataqxana təsiri bağışlayacaq. Səkkizincisi, kirayə haqqları aşağı olduğundan və diqqətdən kənar ərazilərdə inşa edildiklərindən orada yaşayanların sonradan muxtariyyət tələb etmə ehtimalları var. Ok, ok. Axrıncını mırta yazdım.
    5. Yeni yaradılmış Mənzil inşaatı Dövlət Agentliyi məhz sosial evlərin tikintisi üçün yaradılıb. Bunu ANS PRESS-ə millət vəkili, Milli Məclisin iqtisadi siyasət, sənaye və sahibkarlıq komitəsinin üzvü Vahid Əhmədov Azərbaycan Respublikasının Prezidenti yanında Mənzil inşaatı Dövlət Agentliyinin yaradılması barədə fərmanı şərh edərkən bildirib.

    "Regionlarda işsizliyin azaldılması və maddi imkanları aşağı olan aztəminatlı əhalinin mənzil probleminin həlli üçün bütün şəhərlərdə, rayon mərkəzlərində sosial mənzillərin tikintisinə başlanacaq".

    "Bu evlər əhali üçün həddindən əlverişli olacaq. Sosial mənzil alanlar ayda 80-90 manat ödəyəcəklər. 25-30 ildən sonra isə mənzil onların tam mülkiyyətinə veriləcək”.

    Artıq ilk addım atılıb və ölkə başçısı tərəfindən sosial mənzil tikintisi üçün 10 milyon manat ayırılıb. Bu evlər əhali üçün həddindən artıq əlverişli olacaq. Sosial mənzil alanlar ayda 80-90 manat ödəyəcəklər. 25-30 ildən sonra isə mənzil onların tam mülkiyyətinə veriləcək”.

    Əslində, sosial mənzillər ucuz başa gələcək və onların vətəndaşlara belə aşağı qiymətlərlə təqdim edilməsi elə də ciddi problem yaratmayacaq. Birincisi, bu mənzillər dövlət tərəfindən ayrılmış ərazilərdə inşa ediləcək, buna görə tikinti məsrəfləri xeyli aşağı düşəcək. Bu mənzillərin dövlət tərəfindən tikilməsi bir sıra qeyri-rəsmi xərcləri də ortadan qaldıracaq. Mənzillər həm də yığcam olduğuna görə, baha başa gəlməyəcək. Vahid Əhmədovun sözlərinə görə, əsasən 1-2 otaqlı mənzillər tikiləcək. Təbii ki, bu zaman sovet illərində Bakıda tikilmiş tipik mənzillər evlərin layihə sənədlərindən istifadə etmək olar ki, bu da xərcləri xeyli aşağı sala bilər. Bakıda əksər ailələrin yaşadığı bu cür iki otaqlı evlərin maksimum ölçüsü 50 kvadratmetrdir. Halbuki, şirkətlərin tikdirdiyi yeni binalarda ən kiçik iki otaqlı mənzillər 80 kvadratmetr ətrafında dəyişir.

    Türkiyədə sosial mənzil almaq istəyən ailələrin aylıq gəlirlərinin yuxarı həddinə limit qoyulur, mənzili olan ailələr də sosial mənzil ala bilməzlər. Şəhid ailələri, dul qadınlar və yetimlər xüsusi güzəştlərə malikdirlər.

    Vahid Əhmədovun sözlərinə görə, hazırda normativ sənədlər üzərində iş gedir və sənədlər hazır olandan sonra hansı vətəndaşların sosial mənzil ala biləcəyi məlum olacaq. Bu zaman Türkiyə hökumətinin həyata keçirdiyi sosial mənzil siyasəti məhz aşağı gəlirli vətəndaşlar üçün nəzərdə tutulub və Azərbaycan da bu təcrübədən yararlana bilər. Həmin təcrübəyə görə, sosial mənzil almaq istəyən ailələrin aylıq gəlirlərinin yuxarı həddinə limit qoyulur, mənzili olan ailələr də sosial mənzil ala bilməzlər. Şəhid ailələri, dul qadınlar və yetimlər xüsusi güzəştlərə malikdirlər. Təbii ki, bu şərtlər daxilində verilən sosial evlər Azərbaycanda sosial rifahı gücləndirəcək, ölkədə daha istiqrarlı bir əhval-ruhiyyə yaranmasına imkan yaradacaq.

    Sosial mənzillərin tikintisi Azərbaycanın regionlarında minlərlə yeni iş yerinin açılmasına da imkan yaradacaq. Sifarişçisi dövlət olan binaların tikintisi təkcə inşaatçıların işə cəlb edilməsi ilə qalmayacaq, manipulyativ effekt verərək tikinti materialları istehsalında və nəqliyyatda da canlanma yaradacaq.

    link link
    6. Yasamalda güzəştli şərtlərlə 2 minə yaxın mənzil tikiləcəyi nəzərdə tutulur

    Dövlət başçısının tapşırığına əsasən, ölkə vətəndaşlarının yaşayış sahələrinə olan ehtiyacını ödəmək, güzəştli şərtlərlə mənzilə sahib olmasını təmin etmək məqsədilə həyata keçirilən ilk layihənin icrası istiqamətində işlər davam etdirilir. ilkin olaraq Yasamal rayonu ərazisində salınacaq şəhərcikdə 2 minə yaxın mənzil tikiləcək.

    Milli.Az AZƏRTAC-a istinadən bildirir ki, paytaxtın Yasamal rayonu, Xarici Dairəvi Avtomobil yolunun kənarında yerləşən bu ərazi vətəndaşların mənzil-məişət şəraitinin yaxşılaşdırılması məqsədilə Prezident yanında Mənzil inşaatı Dövlət Agentliyi tərəfindən güzəştli mənzillərin inşası üçün seçilib. Vətəndaşların əlverişli şərtlərlə əldə edəcəyi mənzillərin yerləşəcəyi ərazinin sahəsi 11,6 hektardır.

    Artıq çoxmənzilli binaların inşa olunacağı ilk yaşayış kompleksinin "Şəhərsalma əsaslandırılması"nın hazırlanması başa çatdırılıb. Tikintinin layihə-smeta sənədləri üzərində iş gedir. Bununla yanaşı, ötən qısa müddət ərzində ərazidə geoloji və mühəndis axtarış işlərinin aparılmasına başlanılıb. Eyni zamanda, çoxmənzilli binaların tikintisinə hazırlıq işləri çərçivəsində mühəndis-kommunikasiya təminatı üçün texniki şərtlər də alınıb.

    ilkin hesablamalara görə, salınacaq şəhərcikdə 2 minə yaxın mənzil tikiləcək. Bu ərazinin seçilməsində rahat yaşayış üçün bir neçə mühüm məqam nəzərə alınıb. Şəhərin ekoloji cəhətdən təmiz, sağlam və əlverişli hissəsində yerləşən ərazinin yaxınlığında 5 hektara yaxın yaşıllıq zonasının olması isə onun ekoloji durumunu daha da yaxşılaşdırır. Bu ərazi həm də paytaxtın əsas iş yeri mərkəzlərinə yaxındır. insanların çox vaxt itirmədən iş yerlərinə çatması məqsədilə yeni şəhərciyin nəqliyyat sisteminin paytaxtın mövcud nəqliyyat şəbəkəsi ilə inteqrasiyası təmin ediləcək.

    Şəhərcikdə çoxmənzilli binalarla yanaşı, insanların rahat yaşayışı üçün hər cür şəraitin yaradılması, normalara uyğun olaraq həyətlərin, yaşıllıq zolaqlarının, uşaq meydançalarının, vətəndaşların zəruri ehtiyaclarının ödənilməsini təmin etmək üçün məktəb, uşaq bağçası, məişət xidmət obyektləri, həmçinin digər müvafiq sosial infrastrukturun yaradılması nəzərdə tutulur. (c)
    link link


sən də yaz!