əjdaha lazımdı
izlə
dostlar
mən
googlla
khael
-
sözaltı: mafiya
başlıqdakı ən bəyənilən yazılar:
+16 əjdaha
9. sözaltı respublikası ali məclisi'nin sədri, sözaltı əjdaha partiyası'nın lideri, ölkə başçısı, zat-ı aliləri *timidus* yeni il münasibətilə sözaltı xalqına təbrik ünvanlayıb. təbrikdə deyilir:
"əziz həmvətənlər və ölkəmizin ziyarətçiləri, eləcə də ölkədən kənarda yaşayan sözaltı respublikası'nın keçmiş vətəndaşları; sizi 2021-ci ilin gəlişi münasibətilə təbrik edirəm.
2020-ci il respublika üçün ağır bir il olmuşdur.
Məlum olduğu kimi 2020-də dünyada yayılan koronavirus sözaltı respublikasından da yan keçmədi. Dəhşətli virus respublikada həyatı iflic vəziyyətinə saldı. iqtisadiyyat zəiflədi, iş yerləri bağlandı, inkişaf planları dayandırıldı. Virusla olan müharibəmiz 2021-ci ildə də davam edəcəkdir. Bunun üçün hazırlıqlı olmalıyıq.
2020-ci ilin ikinci yarısında sözlükistan respublikası silahlı qüvvələrinin təxribatları sözaltı kiber-hücumdan müdafiə qüvvələri tərəfindən uğurla alınmışdır. Qarşı tərəfə artıq sözaltı'nın müstəqilliyini tanımaq şərti qəti olaraq aydın olmuşdur.
Əziz həmvətənlər, Uzun müddətdir ki, ölkə ictimaiyyətdən kənarda qaldığım faktı bir sirr deyil. 2019-cu ilin ilk aylarından başlayaraq, Öz vəzifə səlahiyyətlərimin icrasını partiyanın yazarlarına tapşırmışdım. Buna səbəb hökümətdə baş verən qeyri-sabitliyə son vermək idi. Respublika konstitusiyasının partiya daxili ziddiyyətlər nəticəsində qəbul edilməməsi, eləcə də umbay partiyası'nın pozuculuq fəaliyyəti nəticəsində xalq itaətsizliyi riskinin qarşısını almaq məqsədi ilə bir müddətlik idarəetmədən uzaqlaşmaq qərarına gəlmişdim. Beləliklə hökumət istefaya getməmiş və ölkədə yarana biləcək xaosun qarşısı alınmışdır.
Mənə yenidən qüvvə verən isə gənc yazarların respublika adına gördükləri işlər olmuşdur. Gənclər mənə tunelin sonunda bir işıq olduğunu göstərdi.
Gələn il vəziyyəti sabitləşdirmək, əvvəlki üsul-idarəni bərpa etmək üçün mühüm addımlar atılacaqdır.
Bütün bunların fonunda qərara aldım ki, 31 dekabr "sözaltı xalqının birlik günü" kimi elan edilsin.
Bilgi gələcəkdir! Bilgi inkişafdır! Bilgi gücdür! Bilgi sözaltıdır!"
Sonda ölkə başçısı timidus "sözaltı xalqının birlik gününün elan edilməsi haqqında" sərəncamı imzaladı. Hökümət yazarlarına bu sərəncamdan irəli gələn digər məsələləri həll etmək vəzifəsini tapşırdı.
+11 əjdaha
1. sözaltı umbay respublikası ali məclisində keçirilən 11 oktyabr 2016 tarixli iclasında umbay respublikanın müstəqilliyi mövzusu müzakirə edilib. müzakirənin nəticəsində keçirilən səsvermə 8 qəbul, 1 rədd, 1 qərarsız səs nəticəsində sözaltı umbay respublikasının adından “umbay” sözü çıxarılıb və sözlükistan respublikasından müstəqilliyin elan edilməsi haqqında qərar qəbul edilib. sözaltı yazarları arasında keçirilən referendum nəticəsində yazarlar yekdilliklə müstəqilliyə tərəfdar çıxıb. beləliklə, 11 oktyabr tarixi sözaltı respublikasının müstəqillik günü kimi elan edilib. sözlükistan respublikası ali məclisinə göndərilən “sözaltı respublikasının müstəqilliyi haqqında” qanun layihəsi müzakirə edilərək səsverməyə qoyulmuş, 10 qəbul, 32 rədd, 3 qərarsız səs ilə sözaltı respublikasının müstəqilliyi tanınmayıb və sözaltı respublikasının “umbay” statusu bərpa edilənə qədər sözaltı respublikasının blokadaya alınmasına dair qərar verilib. sözlükistan respublikasının bu qanununa cavab olaraq qardaş ekşistan və uludağıstan respublikaları sözaltı respublikasının müstəqilliyini tanıdığını elan edib.
müstəqilliyin ilk saatlarında sözaltı respublikası ali məclisi bir sıra vacib qanunlar verib:
bayraq haqqında: bərabər enli iki üfüqi zolaqdan ibarətdir. yuxarı zolaq boz, aşağı zolaq açıq-mavi rəngdədir. bayrağın tam ortasında qırmızı əjdaha rəsmi təsvir olunub.
idarəetmə forması haqqında: keçirilən referendum nəticəsində idarəetmə forması parlamentli respublika olaraq qəbul edilib. idarəetməni sözaltı respublikası ali məclisi həyata keçirir. respublikanın ləğvinə yönələn hər bir addım qanunsuz hesab edilir və təşəbbüskarın cəzasını sözaltı respublikası ali məclisi təyin edir.
konstitusiya haqqında: sözaltı respublikası umbay respublikanın yarandığı tarixdə qəbul edilən “sözlüyün qanunları haqqında” – adlı qanunlar toplusunu konstitusiya olaraq qəbul edir.
kiber-hücumdan müdafiə qüvvələri haqqında: sözaltı respublikası öz təhlükəsizliyini təmin etmək üçün kiber müdafiə qüvvələri yaradır, müdafiə qüvvələri birbaşa olaraq sözaltı respublikası ali məclisinə tabedir. kiber-hücumdan müdafiə qüvvələrinə məcburi olaraq çağırış mövcud deyil.
siyasi partiyaların sərbəst fəaliyyəti haqqında: sözlükistan respublikası dövründə siyasi partiyaların sərbəst fəaliyyətini qadağan edən qanunu ləğv edilir.
müstəqilliyin elanından əvvəl iqtidarda olan “sözaltı umbay partiyası”, müstəqilliyin elanından sonra hakimiyyətdən əl çəkmiş və hakimiyyətə muxalif “sözaltı əjdaha partiyası” gəlmişdir və halhazırda ali məclisdə olan on (10) yerdən səkkizinə (8) sahibdir. qalan 2 yerə “sözaltı partizan partiyası” sahibdir. digər siyasi partiya olan sözlükistan yönümlü “sözaltı umbay partiyası” isə yeni formalaşmış hakimiyyətdə yer tuta bilməmişdir.
+9 əjdaha
3. (baxma: sözaltı x başlıqlarından iyrənmək)
+7 əjdaha
5.
![]()
sözaltı respublikası'nın dövlət bayrağının ilkin təsviri 11 oktyabr 2016 tarixində hazırlanmış, lakin müəyyən səbəblərə görə bayrağın dəqiq variantı hazırlanmamışdır. Müstəqilliyin 1'ci il ildönümündə "dövlət bayrağının dəqiq variantının hazırlanması üzrə müsabiqənin keçirilməsi haqqında" sözaltı respublikası ali məclisi'ndə qanun qəbul edilmiş və 12 oktyabr 2017 tarixində dövlət bayrağının dəqiq variantı ali məclis'in sədri, sözaltı əjdaha partiyası'nın lideri, ölkə başçısı *timidus* tərəfindən təsdiq edilmişdir. Lakin, ali məclis, sədrin bu qərarına veto qoymuş və qərarın qəbul olunmasına imkan verməmişdir. hökümətdə yaranan bu böhran, uzun müzakirələrə səbəb olmuş və nəhayət, ali məclis'in sədri, məsələ ilə bağlı olaraq 22 noyabr 2017 tarixində ali məclis'də bu cür çıxış etmişdir:
"cənablar, verdiyimiz bu qərar gələcək nəsilləri formalaşdıracaqdır. Biz tarixin ortasındayıq, nə böyük savaşımız var nə də böyük böhranımız. Böyük savaşımız özümüz ilədir. Böhran, öz həyatımızdır. Hamımız televiziya qarşısında "analoqsuz inkişaf" nağılları ilə böyümüşük. uzun illər umbaylıqdan əziyyət çəkmişik. Bu ölkənin ümidə ehtiyacı var."
Bu çıxışdan sonra hər iki partiyanın deputatları da ayağa qalxaraq sədri alqışladı. sonraki səsvermədə böyük çoxluqla "sözaltı respublikası'nın dövlət bayrağının təsdiq edilməsi haqqında" ali məclis sədrinin 12 oktyabr 2017'ci il tarixli sərəncamı təsdiqləndi. eyni zamanda, ölkə başçısı, zat-ı aliləri *timidus*, "22 noyabr tarixinin dövlət bayrağı günü kimi qeyd edilməsi haqqında" adlı qanuna qol çəkdi və sonda ölkə başçısı ilə deputatlar "sözaltı saray"da şam yeməyi yedilər.
+8 əjdaha
4. sözaltı respublikası'nın müstəqillik elanından 1 il ötmüşdür. oktyabrın 11'i, müstəqillik günü, sözaltı ərazisində təntənəli surətdə qeyd olunmuşdur.
gənc respublika'nın ilk ilində müstəqillik daha da möhkəmləndirilmiş, çevriliş cəhdinin qarşısı qətiyyətlə alınmış və eləcə də respublika ərazisində baş vermiş komunikasiya problemləri həll edilmişdir.
1 il ərzində yeni iş yerləri yaradılmış, əhalinin məşğulluğu artırılmışdır.
müstəqillik gününüz mübarək olsun!
+5 əjdaha
12. sözaltı respublikası ali məclisi'nin sədri, sözaltı əjdaha partiyası'nın lideri, ölkə başçısı, zat-ı aliləri *timidus* fevralın 8-də "sözaltı respublikası fəxri vətəndaşı ordeninin təsis edilməsi haqqında" əsasnaməni imzalayıb. Əsasnamədə deyilir:
"Sözaltı respublikası'nın ictimai həyatında iz qoymuş sözaltı vətəndaşlarının sözaltı respublikası fəxri vətəndaşı ordeni ilə təltif edilməsi həmin vətəndaşların sözaltı respublikası'nın tarixi irsində əbədi yaşamasını təmin edəcəkdir."
Ölkə başçısı eyni zamanda "adları göstərilən vətəndaşların sözaltı respublikası fəxri vətəndaşı ordeni ilə təltif edilməsi haqqında" sərəncamı imzalayıb. Sərəncamda deyilir:
"*graviton* (ölümündən sonra)
*albert einstein*
sözaltı respublikası fəxri vətəndaşı ordeni ilə təltif edilsin.
Bu sərəncam imzalandığı gündən qüvvəyə minir."
+6 əjdaha
7. sözaltı respublikası ali məclisi'nin sədri, sözaltı əjdaha partiyası'nın lideri, zat-ı aliləri *timidus*, sözaltı respublikası'nın dövlət bayrağı günü münasibətilə sözaltı xalqına təbrik məktubu ünvanlayıb:
"əziz həmvətənlər, bugün qısa amma şərəfli tariximizdə vacib bir gündür. çətinliklə qazandığımız müstəqilliyimizin simvolu olan bayrağımız məhz 1 il əvvəl bugün qəbul edilmişdir. baxmayaraq ki, müstəqilliyimizin iki yaşı tamam olmuşdur; amma bayrağımızın dövlət səviyyəsində qəbulu müəyyən problemlərə görə təxirə salınmışdır. lakin sonunda istəyimiz reallaşdı, bayrağımız sözaltı səmasında ucaldı, gün o gün olsun ki, əjdahalı bayrağımız hər yerdə ucalsın. eyni zamanda bildirmək istəyirəm ki, 2018'ci ilin sonuna kimi müstəqil respublikamızın ilk konstitusiyasını qəbul edəcəyik. konstitusiyamız sözaltı xalqının maraqlarına xidmət edərək, bilavasitə azadlığımızı möhkəmləndirəcəkdir. bayraq gününüz mübarək olsun!"
+3 əjdaha
10. Sözaltı respublikasının alternativ bayrağı və gerbi
Bayrağ- https://i.imgur.com/86QI6JN.jpg
Bayrağ və gerb: https://i.imgur.com/9zGDH7l.jpg
+2 əjdaha
13. sözaltı respublikası ali məclisi'nin sədri, sözaltı əjdaha partiyası'nın lideri, ölkə başçısı, zat-ı aliləri *timidus*, sözaltı respublikasının müstəqillik günü münasibətilə sözaltı xalqına təbrik ünvanlayıb:
"Respublika müstəqilliyinin 5-ci ildönümü münasibətilə bütün sözaltı xalqını təbrik edirəm. Gündən günə çiçəklənən respublikamızIn daha da güclü olacağına inanıram."
+1 əjdaha
11. Pul vahidinin karma olacağını təxmin etdiyim respublika
+1 əjdaha
6. xaos olan yerdə respublika olmur soo
(bax: sg please)
+3 əjdaha
8. Sözaltı Respublikası Ali Məclisi'nin sədri, Sözaltı Əjdaha Partiyası'nın lideri, ölkə başçısı, zat-ı aliləri *timidus* yeni il münasibətilə sözaltı xalqına təbrik ünvanlayıb. Təbrikdə deyilir:
"Əziz həmvətənlər, və ölkəmizin qonaqları, eləcə də ölkədən kənarda yaşayan sözaltı respublikası'nın keçmiş vətəndaşları; sizi yeni il münasibətilə təbrik edir, qarşıdan gələn ilin hamı üçün eləcə də respublikamız üçün uğurlu olmasını ümid edirəm. Arxada qoyduğumuz il ərzində respublikamız böyük uğurlar əldə etmiş, sabitliyin qorunmasına tam nail olunmuşdur. Sizə 2018'ci ilin sonuna kimi müstəqil respublikamızın ilk konstitusiyasını hazırlamaq sözünü versəm də ali məclis'də olan partiya daxili və partiya xarici ziddiyyətlər nəticəsində konstitusiya qəbuluna nail ola bilmədik. Höküməti böhrandan çıxarmaq üçün danışıqlar aparırıq. Ümid edirəm ki, hökümətdə yaranan qeyri-sabitlik ölkənin inkişafına mənfi təsir etməz. Bildirmək istəyirəm ki, əgər ayın sonuna kimi böhran həll olunmasa, hökümət istefa verəcəkdir. Əlbəttə ki, yaranan bu mənfi tendensiya ilk növbədə inkişafımıza böyük təhlükədir. Bütün sözaltı xalqını indiki hökümətə dəstək verməyə səsləyirəm. Sağolun."
hamısını göstər
