+10 əjdaha
1. dünəndən bəri adı tez-tez hallanan, günəş sistemində günəşdən uzaqlığına görə ikinci yerdə olan planet. bir anda bütün astronomiya həvəskarları və elm adamlarının maraq dairəsinə düşməsinin səbəbi isə veneranın səthində fosfin adlı qazın tapılmasıdır. bilindiyi qədər bu qazın yaradıcıları canlılardır, deməli, venerada da canlı orqanizmlərə rast gəlmək mümkündür.veneradakı fosfin molekullarının izinə ilk dəfə 2018-ci ildə kardiff universitetində çalışan kosmonavtika üzrə professor Jane Greaves rastlamışdı. buna baxmayaraq, hələ tam dəqiqləşmədən bu nailiyyəti bildirmədi və iki il ərzində kardiff və massaçusets alimlərindən ibarət komandanın işləri davam etdi. nəhayət, 14 sentyabrda keçirdikləri press-konfransda venerada fosfin maddəsinə rast gəlindiyi ictimaiyyətlə paylaşıldı.
veneranın səthində temperatur həddən artıq yüksəkdir (təxminən 464 dərəcə selsi). buna görə planetin səthinə kosmik aparat göndərmək qeyri-mümkün olur. planetlə bağlı araşdırmalar isə yer kürəsindən, daha dəqiq havay adalarındakı James Clerk Maxwell teleskopu və Atakama səhrasında yerləşən 45 ədəd antena vasitəsilə aparılırdı.
veneranın səthində temperaturun bu qədər yüksək olmasına rəğmən səthdən 50-80 km məsafədəki ərazidə temperatur 30 dərəcədir və bu ərazidə yaşayışın olmasına və gələcəkdə burada uçan platformalar üzərində şəhərlərin yaradılmasına ehtimal verir. yenə də bu ərazidə yüksək miqdarda sulfat turşusu reallığı var ki, bu da ən azından burada mikrobların yaşamasına imkan yarada bilər, çünki bəzi mikrob növləri 5%-ə qədər sulfat turşusu ilə yaşaya bilirlərmiş.
ümumiyyətlə, texnologiya və elmin inkişafı ilə canlı yaşamın olduğu yeni planetlərin kəşf edilməsi və ya mövcud planetlərdə bunun sübuta yetirilməsi bu sahə ilə bağlılığı olmayan məni belə marağa kökləmişdir. deyəsən, bundan sonra astronomiya ilə xəbər və yeniliklərlə daha çox əhatələnəcəm.
mənbə: barisozcan.com, sciencesprings.wordpress.com, elementy.ru
günəşin qabağından keçən balaca nöqtədir. şıltaq, dəcəl, nazlı və tərs gözəlçəmizdir. cünki, öz ətrafında hamıdan fərqli, tərs istiqamətdə fırlanır və bu planetin öz ətrafında fırlanma periodu bir ildən uzundur. bənzər hadisə bizim peykimiz ayda baş verir. əgər yer işıq saçsa idi. ayda ümumiyyətlə gecə-gündüz olmazdı. eyni zamanda istixanamız, qızmar qonşumuzdur. istixana ona görə ki, atmosferindəki qazlar istixana effekti yaradır. içəri girən yüksək enerjili şüalar çölə çıxmır. qızmar ona görə ki, səthində çox aktiv vulkanik fəaliyyətlər var.