bugün məsləhət təsadüfi
sözaltı sözlük
Yoxlama mesaj

...

asosial insan tipi


4,944 | 8 | 64

əjdahalar  googlla
sözaltı günlük - sözaltı etiraf - ən nifrət edilən insan tipi - sözaltı sözlük - yalnızlıq - azərbaycandakı insan modelləri - keçən ayın ən bəyənilənləri - ata - türklərin sevilməyən cəhətləri - yazarların hazırda düşündükləri

    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    1. asosial insanlar hər yerdədi. ancaq çox zaman gözə görünməz olurlar. çünki cəmiyyətə atılmaq onlar üçün çox çətin məsələdir. onları cəmiyyətə atılmağa məcbur edən faktorlar (universitet, iş yeri) çox zaman asosialların daxili böhranına gətirib çıxarır. çünki həmin yerlərdə insanlarla əlaqə qura bilmir, danışanda həyəcanlanır və bəzən də gülüş obyekti olur. belə olan halda asosial şəxs hər şeydən kənarda qalır. məsələn, qrupda bazar günü üçün program hazırlanır kino-teatra gedilir. amma asosial şəxs yada düşmür. yalandan təklif edilsə belə o qəbul etməz, çünki asosial şəxs bilir ki, qrupda heç kim onu xoşlamır, sadəcə təklif edirlər. həm də ki, kino-teatra getsə nə edəcək? birdən yanında oturan şəxs film haqqında nəsə soruşar o necə cavab verə bilər? bu mümkünsüzdür. asosial şəxslər üçün ən adi şey, marketə getmək belə çətindir. belə bir misal deyim: bir dəfə banka getməli oldum. bankda sıra deyilən şey demək olar ki yox idi. yəni o sıra almaq üçün istifadə edilən aparat işləmirdi. belə bir vəziyyəti xoşlamadım amma geri qayıtmağa çəkindim. boş stolun birində oturdum. təbii ki, sonuncu kimin olduğunu soruşmadım. 1 saatdan artıq sıra gözlədim. sıra mənə çatana yaxın (məndən sonra gələnlər oldu və bilindi ki, ən axırıncı mənəm) ürəyim sanki yerindən çıxacaq qədər möhkəm döyünürdü. çünki həyəcanlanmışdım. birdən mən xidmət yerinə yaxınlaşanda birisi mənə sıranı pozduğunu desəydi? nə edə bilərdim? xidmət göstərənin qadın olması da məni daha da həyəcanlandırmışdı. qadınlarla danışanda daha çox həyəcanlanırdım. ağlımda bu fikirlərlə gözləyəndə sıra mənə çatmalı idi. amma məndən sonra gələn qadın özünü qabağa atdı. ona sıranı pozduğunu deyə bilmədim. bir az daha gözlədim və nəhayət sıra mənə çatdı. yaxınlaşdım xidmət göstərən qadına, alçaq səslə salam verdim amma eşitmədi. qadın məndə qəribə bir şeylər baş verdiyini sanki hiss etmişdi. buna görə də mənə çox qəribə bir tərzdə baxırdı. ona bankda hansı əməliyyatlar aparmaq istədiyimi desəm də sanki məni ciddiyə almır, eşitmirdi. qəribə, mövzu ilə əlaqəsiz suallar verirdi. şəxsiyyət vəsiqəmə sanki ilk dəfə görürmüş kimi baxırdı. mənə qəribə-qəribə baxaraq əlinə telefonu aldı kiməsə zəng etdi. telefondakı şəxs buna nəsə dedi və qadın mənə bugün bu əməliyyatı aparmağın mümkünsüz olduğunu dedi. halbuki məndən qabaq bir neçə şəxsə həmin əməliyyat uğurla aparılmışdı. qadın mənə ertəsi gün gəlməyimi dedi amma bunu deyəndə sanki üz ifadəsi və gözləri ilə mənə bi daha buraya gəlməməyimi deyirdi. məyus olaraq bayıra çıxdım evə getdim və bir daha belə iş görməyəcəyimə dair özümə söz verdim. dediyim misal yəqin ki, bir asosial insanın çəkdiyi əziyyətləri ifadə etməyə qadirdir.

    21 əjdaha!

    07.01.2017 22:47, adtapabilmedim
    2. әsasәn iki növü olur. ya sosial olaraq aktiv olma qabiliyyәtinin azlığı, ya da sosial aktivasiyalara hәvәssizlik, biganәlik kimi. yuxarıdakı entry birinci hal üçün bir nümunәdi. asosiallığın ikinci növünü isә mәn yeniyetmәlik dövründә yaşamışam. әslindә bütün problem ünsiyyәt yetәrsizliyi deyil, ünsiyyәtә hәvәsimin olmaması idi. hәrdәn bütöv bir hәftәni boş-boş uzanıb tavana baxaraq keçirә bilәcәyimi düşünürdüm. insanlarla әlaqә saxlamaq ürәyimi bulandırırdı. qohumlar evә gәlәndә özümü otaga kilidlәyib çıxıb getmәlәrini gözlәyirdim. sinif yoldaşlarım zәng edib harasa görüşә çagırdıqda müxtәlif bәhanәlәrlә yola verirdim. insan içindә olmaq cәhәnnәm kimi gәlirdi. nәqliyyatdan istifadә etmәmәk üçün kilometrlәrlә yolu ayaqla gedәrdim. küçәdә gәzәrkәn kimsә mәnә nәsә soruşmasın deyә qulaqcıgla gәzәrdim. psixoloqlara görә belә hal yaş dövrü ilә әlaqәdar hormonal pozulma ilә әlaqәli imiş. universitetә başladıqdan sonra bütün bu hallardan qurtuldum, nәhayәt.

    6 əjdaha!

    08.01.2017 20:17, persona_non_drama
    3. bu tipə daxil olanların əksəriyyəti asosiallıqda cığır açmışdır. belə ki, uğurlu insanlara kin qusaraq, əslində, bunun bir növ xəstəlik olduğunu anlamadan "dahi", "üstinsan" və bu qəbildən olan şeylərin havasına girmiş və bir daha onlardan xəbər alınamamışdır. o məşum effektin qurbanları olduqlarından bixəbər dolananan məcnunların öz bacarıqları haqqında şişirdilmiş təsəvvürləri olur. bundan başqa digərlərinin həqiqətən yüksək olan səviyyələrini adekvat qiymətləndirməyə qadir olmamaqla birgə, öz səriştəsizliklərinin dərinliyini də dərk edə bilmirlər. və təlimlərdən sonra sahib olduqları səriştəsizliklərin fərqinə varsalar da, bunu düzəltmək üçün hər hansı addım atmırlar.

    (baxma: dunning–kruger effect)

    3 əjdaha!

    28.12.2017 01:53, homo mendax
    4. matışkaların xoşuna gəlməyən insan tipləridir. çünki aşağı səviyyəli mövzularda söhbət etməyə meyilli deyillər və bu səviyyədə söhbət edənlərə intellektual gözü ilə baxmırlar. bunu dilə gətirəndə isə xəstə, dəli elan edilirlər elə matışka tarqovulular tərəfindən (tarqovu matışkaları ümumidünya matışkalarının lordlarıdırlar). səbəb kimi də onların uzun burnunu ya da hansısa saytda qeyri ciddi istifadəçi adları, ya da geyimləri ola bilər. məsələn bu istifadəçi adından yola çıxıb axmaq polemikalara girib, səfsətə edərək, əsassız arqumentlərlə, yersiz taftalogiya ilə böyük mübaliğə edə bilərlər. məsələn kimsə özünə üstinsan deyib (niyə baz_tanrı yox, üstinsan? guya indi bu təvəzokarlığ edib də) demək ki o meqalomandı, axmaq egosentrikdi. biri də bu matışkaları silkələyib demir ki ay matı bala, onun arqumentlərinin özünə cavab ver, onun həmin fikirlərini səf çıxart. nənəsini erməni, nikini megaloman, burnunu uzun çıxartmaqla onun o arqumentlərini yanlışlamırsan axı. amma məsələlərə bu cür yanaşmasa idilər, matışka olmazdılar da.

    - sən üstinsan deyilsən, sən doşansan!
    - telepuziklərin ciyiltisi sənin entrylərindən daha dərindi!
    - nə havalara girmisən? (ay tupoy bilmirsənsə deyim ki "havalara girməy"i türkiydən öyrənmişəm yəni lovğalıq mənasını verir)
    - sən matışkaları niyə adekvat qiymətləndirə bilmirsən axı?
    - asosyal olacam deyib gedib dəli olmusan, hansı qız sənə atval verdi ki gedib asosyal oldun?
    - allah şəni öldürsün gəl tarqovuda kove içək, sonra kofefe falına baxaq. ərə gedən qızlar sonra niyə hamını dostluqdan silir? gəl bunları müzakirə edək, sonra gedərik bədii ədəbiyyat kitabı seçməyə.
    - əsl üstinsan bu deyil, əsli matışka olmağı bacarmalıdır.
    - ay mans üstinsan! çox ona buna matışka demək özü də matışkalığdı!

    5 əjdaha!

    28.12.2017 10:55, fövqəl insan
    5. axmaq və çənədən saz insanlarla normal həyatda və ya sosyal mediada vaxtını öldürmək yerinə lazımlı işlərlə məşğul olan, elm öyrənən və ya öyrədən, kitab oxuyan, lazımsız sualları sual verənin ağzına dürtən, kimsəyə dəyib dolaşmasa da hərkəsi narahat edən insan tipi.

    7 əjdaha!

    28.12.2017 23:01, qaraməlaikə
    6. yazıq insandır və sınmağa hər an müsaitdir. təklik/ allaha məxsusdur. sən çoxluq yəni kəsrət dünyasındasan. təki çoxluqda axtarmalısan. rəbbin sənə `qullarımın arasına daxil ol` deyə buyurur. o hər şeyi doğru buyurur, ən gözəlini, ən faydalısını. öpüyoram, tək olma, çıx küçəyə, adam içinə qarış. adamsan, adam balasısan, balamsan.

    (baxma: neyçün sevirsən bu insanları sən?)

    4 əjdaha!

    31.12.2017 07:06, oturmuşdumdivanda


üzv ol
Modalı bağla





xəbər lentindən bütün xəbərlər →
azerbaijan Alman biznes iflasları iqtisadi təzyiqlərin davam etməsi ilə 6,9% artdı world Nobel sülh laureatı deyir ki, ABŞ-ın ICC-yə sanksiyaları 'qəbulolunmazdır' health Saç ustaları göre kondisioneri düzgün şəkildə necə tətbiq etmək science İbtidai məktəbli oğlanlar böyük qrupları üstünlük verirlər, yetişkinlərin seçimi isə siyasi mövqelərə işarə edir

...