darıxmaq

rumpeltelskin · 2012-11-08

kvadratın içində yeriyib, hər küncə başqa bir ümidlə yaxınlaşıb, heçnə tapmıyıb, üşüməkdir...

| anket
174,445 | 159 | 840

əjdahalar googlla

yalita09

hattori

sözaltı günlük - keçən ayın ən bəyənilənləri - ən poxdan hiss - sözaltı etiraf - azərbaycan üçün darıxmaq - yazarların paylaşmaq istədikləri şeirlər - əsgərlik - azərbaycan üçün darıxma səbəbləri - qatar

« / 13 »

💛

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

Sözlük yazarları olaraq səni hər zaman dinləyə bilərik.

Əgər yalnız hiss edirsənsə, qaynar xəttə zəng et:

☎ 860

101. Ən nifrət edilən emosiya, hiss sayıla bilər. Boğazı düyünlənmək yazıb kimisi, həyəcanla bitməsini gözləyənlər də var. Rayona gedəndə mama üçün darıxırdım uşaq vaxtı. Elə hey ağlıyırdım ki mamamı da gətirin zad. O yanımda olana qədər yemək fln yemirdim. isyan idi bildiyin. Yaş artdıqca məsələnin daha uzun qollarının olduğunu görürsən. Məsələn, Ölmüş biri üçün darıxanda çarəsizliyi dibinə qədər hiss edirsən. Durduq yerdə səsi qulağında cingildəyir. Özünü bir xatirənin içərisində görürsən. Yaddaşına qazınmış bir xatirə. Hansı ki bir daha yaşamaq üçün nələr verməzdin -* amma sənin əlindən heç nə gəlmədən boşluğa baxmaqla yetinirsən. Boğazın quruyur, dilin söz tutmur, gözündəki yaşlar səndən asılı olmadan axır. Qısaca, ən poxdan hiss darıxmaqdır.

10 əjdaha!

26.08.2022 11:18, vincentcatgogh

#358120

102. ən çox sevindiyin anlarda belə adamın boğazından yapışa bilən hissdir. bəzi duyğular o qədər şiddətlə yaşanır ki, yerində qalan boşluğu doldurmaq olmur. bu kimi üst duğyular insanı kökəldir, çox kökəldir. lazım olandan çox daha artığını yeyirsən. o qədər yeyirsən ki, şişib yüz əlli kilo olursan, paltarların da o nisbətdə genişlənir. sonra yavaş yavaş ya çörəyin qiyməti qalxır, unun qiyməti qalxır, ya yemək əvvəlki qədər dadlı gəlmir, ya yemək bişirənin önlüyünü atıb çıxıb gedir, ya işiq kəsilir, qaz kəsilir. yeməyə bir şey tapmadıqca arıqlayırsan təzdən, əvvləkinnən də çox. əriyib sısqa bir şey qalırsan. sonra baxırsan ki, əynindəki köyəyin, şalvarın içinə bir üç dənə sən yerləşər. amma nə əyninə geyməyə başqa bir şeyin qalır, nə əynindəkiliri doldura bilirsən. köhnə platarların belə gen gəlir. harasından tutsan əlində qalır. o qədər darıxırsan əlində qalanı da atıb qaçmaq istəyirsən sadəcə.

6 əjdaha!

14.02.2023 23:24, jack frost

#367450

103. Dünyanın ən ağır və insanı ən çarəsiz vəziyyətə salan duyğusudur bu zəhrimar hiss. Tam hər şeyi yaddan çıxartdım deyirsən ki, gecə yatarkən yuxuda o yaşadıqlarını yenidən görərsən və gecənin bir aləmi diksinib oyanarsan. Sondaki günün isə bildiyiniz poxa çevrilər və bu hal vaxt keçdikcə durmadan artar. (bax: öldürməyib süründürən şeylər)

1 əjdaha!

15.02.2023 01:51, adsızinsan

#367462

104.

(youtube:

)

0 əjdaha!

05.03.2023 14:48, sözaltı yazarı

#368290

əlaqəli xəbər

Nvidia tərəfindən dəstəklənən bu süni intellekt (AI) çip şirkətinin CEO-su sadəcə 10 milyon dollara Öz səhmlərini satın aldı. Pərakəndə İnvestorların Darıxmaq istəmədiklərini Gördüyü Budur.

ABŞ-ın kommersiya xam neft ehtiyatları 3 milyon barel artıb hamısı →

105. Dəyərləndirə bilmədiyin, ömründən itirdiyin zaman üçün darıxmaq ən acısıdır mənə görə. Çünki bu dünyada gecikməyin çarəsi yoxdur, sonradan istədiklərini etsən də, o gedən zamanla bərabər sənin heç nə edə bilməməyin, o boşluq ağır bir yük kimi qalacaq ruhunda.

1 əjdaha!

22.08.2023 00:39, willgraham_

#377888

106. Üzünü belə görmək istəmirəm. Amma necə it kimi darıxmışam təsəvvür edə bilməzsən. Bütün günah səndə də olsa. Mənə elədiyin hər şeyə rəğmən indi gəlsən qapını döysən, üzr belə istəmənə ehtiyac yoxdur, elə darıxmışam. Sənə son toxunuşumun üstündən 3 il keçib miladi təqvimi ilə, son görməyimin, aramızda deyilən son kəlimənin üstündən 2. Ama bu pox keçmir ki keçmir. Yerinə birini qoymaq nədi, sevməyə, toxunmağa çalışdığımın hamısını bir yerə yığsan böyük bir evə ancaq sığar da düymə boyda adamsan, bir səni niyə əvəz eliyə bilmir axı. Nifrət edirəm buna görə özümü. Məni sevməyə çalışanların da ağzına pox qoyuram sənim ucbatından. Sən sevə bilmədin, niyə başqa kimsə sevə bilər deyə bu qədər qorxuram mən?

6 əjdaha!

22.02.2024 05:02, jack frost

#382783

107. bu başlığa 2ci dəfə, oxşar motivlərlə yazıram. çox qəribədi ki, həmin vaxt həyatımda var olan, həmçinin sonrakı illərdə tanış olacağım insanlar indiki entrymin səbəbidi. o vaxt başqa insanları, başqa xatirələri düşünərək o entryni yazanda çevrəmdəkilərin də ən az o qədər "xatirə"-yə çevriləcəyinin yetəri qədər fərqində deyildim.
o vaxt yazmışdım ki, xatırladın, darıxdın, vəssalam. qaytarmağa çalışma. indi də eyni fikirdəyəm, amma indi bir o qədər əmin deyiləm. mümkün mənfi təcrübələri yenidən yaşamamaq üçün nə qədər müsbət təcrübə itirdiyimi hesablayıram.
o gün dostluqlarla bağlı bir edit gördüm, "məni sənli həyatımdan sonra tanıyıb sevən hamı əslində ikimizi də sevib". tərcüməm nə qədər uğurlu alındı bilmirəm -* ama bəzi insanlarla bir birivizə kökdən təsir edəndən sonra yollarınız nə qədər ayrılsa da heç vaxt tamamilə bir-birivizdən qopa bilməzsiz deyə düşünürəm. bütün bu düşüncələr sentyabrdan bəri ağlımdadı, yenə də addım atmıram. ümid edirəm ki bu başlığa yazacağım növbəti entrydə darıxmaq hissinə təslim olmağı öyrənəcəm

8 əjdaha!

27.04.2025 14:03, daayrı

#390769

108. Rei'nin "Ah canım sevgilim" mahnısını dinləyərkən rastlaşdığım başlıq. Mahnını dinləyənlər bilər, bu mahnı insanı çox qəribə bir boşluğa salır. Gələk mətləbə. Darıxmaq, bəlkə də dünyanın ən cındır, amma eyni zamanda ən gözəl hisslərindən biri. Sözlə ifadə olunacaq bir hiss deyil. Bəzən elə bu saatlarda insanın içinə elə çökür ki, canını qoymağa yer tapmırsan. Biri üçün darıxmaq, birinin səsi üçün, yazdığı mesaj üçün, onunla olan dava dalaş üçün, xatirələr üçün, bir sözlə onunla bağlılığı olan hər şey üçün darıxmaq. Bəzən tutqun bir havada, bəzən bir mahnıda, bəzən də heç bir səbəb olmadan darıxmaq. Dediyim kimi, cındır olsa belə eyni zamanda gözəl hissdir. Bu hissləri vaxtı ilə çox yaşamışam, indi də ara sıra yaşayıram. Bəzən içimə elə çökür, ürəyimi elə sıxır ki, nəfəs almaq belə çətin gəlir. Bəzən darıxdığımı qəbullanmıram, amma darıxmırmsa nədir bu? Bilmirəm..

1 əjdaha!

14.05.2025 20:38, Əzrahıl

#390845

▶ laboratoriyadan

sərgi

çox otaqlı 3D saray — gəz, otaqları kəşf et

109. qiyməti bilinməyən hiss. yarada biləcəyi potensial yaradıcı qüvvə qiymətsizdir. sadəcə təmbəllik sayəsində yaşana bilən müqəddəs hiss

0 əjdaha!

18.05.2025 02:10, molecularviolence

#390915

110. oğraşdı necə darıxıramki bu sadəcə sevgi üçündə deil ən çox keçmiş özüm üçün darıxmışam

0 əjdaha!