+7 əjdaha
1. məcazi mənada işlədilən, özünə əl qatmağın bir üst versiyası.#254760 nömrəli entrydə yazar iddia edib ki, bu ifadəni işlətməklə onu təhqir etmişəm. moderatorlara müraciət edib, onlar da anındaca entryni silib. yəqin təhqir dediyi şey tuman sözü imiş. əvəzinə "don" yazsaydım təhqir olmazdı.
biri mənə desin ki, söyüşün istifadə olunmadığı bir ifadəni səbəb kimi göstərərək entryni silmək nə dərəcədə düzgündür? sabah hansısa yazar öz entrysində "belə yazarları sözlükdən rədd eləmək lazımdır" kimi bir cümlə işlətsə və mən durub desəm ki, "rədd eləmək? bu nə cür ifadədir belə? bu cümlənin ağır təhqir olduğu aşkardır. moderlər baxsın zəhmət olmasa". sonra da moderator durub entryni silsə düzgün olar bu? hərənin bir sözə qarşı kompleksi var. inancı güclü olan bir müsəlmana "kafir" desən, deyər ki, çox pis təhqir etmisən onu. belə misalları say-say bitməz. onda gərək minlərlə entry silinsin sözlükdə.
inkişaf etmək lazımdı, moderatorlar. kobud ifadələrə qarşı bu cür radikal davranmaq olmaz. o boyda entryni "tumanı başa çəkmək" ifadəsinə görə silməyin heç bir məntiqli açıqlaması ola bilməz.