platonik sevdiyin birinə hər şeyi etiraf etmək
salam, 3-4 aydır bir qıza platonik eşq bəsləyirəm. onu gördüyümdən bəri obsesif şəkildə onu fikirləşir, hər yerdə gözlərim onu axtarır. bir ümidlə hər yerdə qarşıma çıxacağına inanıram. son 1 ayda gecələr yuxusuz qalır, telefonla belə məşğul olmadan, tavana baxıb onunla bağlı xəyallar qururam. artıq hər şeyin sonuna gəldiyimi və içimdə bəslədiyim bu sevgini ona etiraf etmədiyimdə mədə sancıları və ağır yuxusuzluq yaşadığımı görürəm. biz sadəcə 2 dəfə həmsöhbət olmuşuq və cəmi 1 dəqiqə çəkib. onu bəyəndiyimi etiraf edə bilməmişəm. dərs və.s bəhanəsi ilə yaxınlaşmış və söhbəti aça bilməmişəm. anladığım qədərilə içinə qapanıq qızdır. bu arada qızın nə nömrəsini, nə instagramını nə də başqa sosial şəbəkə hesablarını bilirəm. sadəcə ad və soyadını bilirəm, amma heç yerdə tapa bilmirəm. bəlkə də başımı itirmişəm və hallüsinasiya görürəm. bilmirəm, bunun mənası yoxdur. sadəcə ona "etiraf" etmək istəyirəm.
ona necə yaxınlaşmalı və necə "etiraf" hissəsinə gəlməliyəm.
2. əgər münasibət qurmaq istəyirsənsə əvvəlcədən yaxınlıq qurmalısan. yoxsa çox ümidlənmə. əgər sadəcə "etiraf" etmək istəyirsənsə uzatmağın mənası yoxdur. vaxt itirmə. tanımırsansa əgər münasibətiniz olsa belə yəqin ki soyuyacaqsan.
thewalkingfrog @96453
3. Xeyirli olsun, aşiq olmusan. (:
Əvvəla bunu bil ki, Bu duyğu həqiqi sevgi deyil. Uşaqlıq tərbiyəndən qaynaqlı beynində yaranmış rol və ya obraza duyduğun məhəbbətdir. Reallıqla və həmin o qızla heç bir əlaqəsi yoxdur və real həyatda beynində yaradıb xəyallar qurduğun obrazla real həyatda qarşılaşmayacaqsan. Nə qədər tez fərqinə varsan, o qədər yaxşıdı.
Birinci yazılan məsləhətə qulaq as. İçində saxlama. Saxladıqca daha çox xəyallar quracaq, o qıza beynində rol geyindirəcək və reallıqdan uzaqlaşacaqsan. Yaxınlaş qıza, söhbət aç. Dərs bəhanəsiylə yaxınlaşmaq əla variantdır. Hansı tərəfə gedirsə onu soruş, yoldaşlıq elə, gəz bir az. Havadan-sudan danış, oxuduğu kitablardan, baxdığı film və seriallardan, hobbilərindən soruş, gününün necə keçdiyini, nələr etdiyini maraqlan. Belə-belə söz sözü gətirəcək. Birbaşa sevirəm zad söhbətlərinə girmə. Ara yerdə diqqətini çəkdiyinə filan söz vur, zövqünə kompliment et.
İlkin olaraq 2 dənə taktik deyim.
1) yuxarıda dedim dərs bəhanəsiylə danış. amma dərs mövzusundan çox danışma. Çünki zatən abituriyent və ya tələbə biri dərslərdən bezib. Sadəcə bəhanə olaraq dərsdən giriş, amma ilk fürsətdə mövzunu dediyim yönlərə dəyiş. Eyni şey iş yoldaşları üçün də keçərlidi. İş yoldaşıyla işdən danışmaq sıxacı və yorucudur. Əsas odur çoxlu suallar ver, qoy qız özündən danışsın. Kimliyindən asılı olmayaraq bütün qızlar diqqət görməyi xoşlayır və suallar verib danışmasına şərait yaradaraq sən də onda bunu formalaşdırmış olacaqsan. Və ona danışmasına şərait yaradaraq daha çox tanıyacaq, həqiqətən sevib-sevmıdiyini aydınlaşdıracaqsan.
2) söhbəti elə ayarla ki, maraq oyansın. Nədənsə şikayət etmə, özün haqqında neqativ nəsə demə. Ən əsas maraq isə söhbət yarıda kəsiləndə olur. Bunu ilk başda eləmək çətindi amma söhbət çox şirin alınsa, axıra kimi getmə. "filan yerdə işim var, getməliyəm, sonra danışarıq" kimisindəm bir bəhanə ilə sağollaş. Çünki belə olanda aranızdakı xoşsöhbətlilik kuliminasiyasına çatmamış yarıda kəsdiyindən şüuraltı olaraq bu nöqtəyə çatmaq üçün can atacaq və yenə söhbətləşmək istəyəcək ki yarıda kəsilmiş şey tamamlansın.
Heç nə olmasa belə sırf indi yaşadığın duyğuların dadını çıxar. Çünki illər ötdükcə azalıb itəcək və gələcəkdə qız üçün yox, sırf o duyğular üçün darıxacaqsan. (: uğurlar.
Edit: qızın sevgilisi varmış, qaqaşə geri çevirib. :')
4. əgər qızın xarakteri,xasiyyətinə bələd deyilsənsə çox güman ki,bu sadəcə zahiri görünüşdən xoşlantıdır.uzun müddətli münasibətlər üçün onun daxili keyfiyyətlərinə bələd olmalısan.əgər sadəcə görünüşcə gözəldirsə və xoşun gəlibsə məncə bu keçəcək.yox əgər deyirsənsə qızın davranışı,şəxsiyyəti,hərkətləri xoşuna gəlir, razı olsa davamlı münasibət qura biləcəksən,onda get etiraf et.
qaçan kəpənək @96482
1. etiraf eləməyini məsləhət görməzdim. Get yaxınlaş normalni söhbət açıb dost ol. Haqqında heç nə bilmədiyin qıza qarşı insan heç vaxt sevgi bəsləməz. Çox güman sonra soyuyacaqsan. Neynəyirsən elə amma uzaqdan baxa-baxa qalma. Sonra başqasıyla görsən daha əzablı olacaq.
gizli @96452