+3 əjdaha
1. tez hazırlanması və ucuz qiyməti səbəbilə uzun müddətdir istehlak etdiyim kofe növüdür. düzü, buna kofe demək olmaz, sadəcə kofe dənəciklərinin artığından hazırlanmış toz ilə kimyəvi ağardıcı tərkibli olan və üstəlik qlukoza ilə yanaşı adını saya bilməyəcəyim bir sürü də kimyəvi maddə var tərkibində. sağlamlığa zərər olduğunu bilirəm, amma seriala baxanda çay içməkdən zövq almıram, ən azından 3-ü 1-də kofe içərək az da olsa həzz almaq olur. imkan da yoxdur ki, kofe maşını ilə əsl kofe hazırlayaq.hazır kofelərin də müxtəlif növləri var. *nescafe* ən bilinənidir. sadə, yumuşaq, sərt kimi növləri var, azərbaycan'a əsasən rusiya istehsalı olanlar gətirildiyinə görə məhz onların saydığım bu üç növü olur. türkiyə istehsalı *nescafe* də tapmaq mümkündür, rus nescafe'sindəki növlərə əlavə olaraq türk nescafe'sində "sütlü köpüklü" növ də var ki, ən sevdiyimdir. həm köpüklənir, həm də dadlı olur.
digər sevimli hazır kofe növü də *jacobs*'dur. "cappucino", "latte", "shock-o-latte", "original", "sərt" kimi növləri var. ən çox çeşid bu jacobs'dadır. qiyməti ucuzdur, lakin qramı çox az olduğuna görə böyük fincanda hazırlayanda dadı qaçır. cappucino olanı ən dadlısıdır. latte də pis deyil. shock-o-latte olanı isə ən pisidir.
türkiyə'nin *ülker* firmasının istehsalı *cafe crown* da yaxşı hazır kofedir. səhərləri içmək üçün idealdır. yanında *eti cicibebe* ilə yaxşı gedir. üstəlik şəkəri da azdır "sadə" növündə.
geridə qalan markalardan bəhs etməyə dəyməz.