+16 əjdaha
1. “The tale of the princess kaguya” da belə bir səhnə var; yetkinlik yaşına çatan kaguya, baxıcısının təkidi ilə dişlərini qara rəngə boyayır və qaşlarını tamamilə alır.Yaponlara görə, bəyaz dişlər gülüşü pozur və estetik görünmürmüş. Dəmir və sirkənin qarışımı olan bu boya incə fırça ilə dişlərə çəkilirdi. Təbii ki dəmirin nə dərəcə zərərli olduğunu deməyə ehtiyac yoxdu. 1800 cü illərin sonunda da məhz bu səbəbdən- dəmir zəhərlənmələrinin qarşısını almaq adına bu ənənə qadağan olunur.
Onu da qeyd edim ki bu ənənə sadəcə yüksək təbəqə üzvlərinə məxsus idi. Yəni aşağı sinif qadınları bu boyalardan istifadə edə bilməzdi.
Qara dişlərin başqa bir mənası da var idi: cinsi yetkinliyə çatmaq. 18 yaş altı qadınların bu boyadan istifadə etməsi də xoş qarşılanmırdı.
