three billboards outside ebbing, missouri sözaltı sözlük

three billboards outside ebbing, missouri



əjdaha lazımdı   izlə   lələ   mən   googllalink

    1. bu gün izlədiyim çox ləzzət edən film. filmin mövzusu barədə falan danışmağa həvəsim yoxdu. ən yaxşı film oskarına namizəddi, hansı ki son illərdə belə filmlər çox sıxıcı olur. filmi izləyərəkən heç sıxılmadım, çox babat ssenarisi var. dramdı amma yer gəlir güldürür babat. woody harrelsonPeter Dinklage var heç darıxmayacaqsız yəni.
    2. Filmin klassik oscar'a namizəd overrated film olduğunu zənn edərək izləməyə başladım. Frances McDormand'ı görəndə düşündüm ki, bu film də fargo kimi olacaq. Klassik cinayət, sonra da qisas və s...
    Bu film qisas filmi deyil. Ədalət, qisas, irqçilik kimi məsələlərə toxunan bir filmdir.

    --spoiler--

    Qızını zorlayaraq öldürən bir qatili tapmaq istəyən ana; tapıla bilməyən bir qatil; irqçi, vecsiz polislər, və birdən birə ortalığa çıxıb günahkar kimi görünən bir qatil tipləməsi.
    Diqqət çəkən nöqtə heç kimi saf olmamasıdır. Qızına "yolda səni zorlasalar yaxşı olar" deyən bir ana; irqçi polis; vecsiz bir ata. bu cəhətdən film reallığı əks etdirir. Həyatda da belədir heç kim tam saf yaxşı və ya tam pis deyil.
    Ortaya çıxıb mildrey'i təhdid edən bir əsgər əvvəlcə qatil kimi görünür. Amma sonradan "qumlu bir yerdə" xidmət etmiş bir əsgər olduğu ortaya çıxır. Əsgər əslində bir qızı zorlamışdı böyük ehtimalla iraq'da və ya əfqanıstan'da. Sonda qatili tapa bilmirik ya da qız zorlamış əsgərin acı içində ölümünü görə bilmirik. Həyat da belədir; bəzən hər şeyin üstü açılmır. Sonluq bir az da insana "ala iki saatdır baxıram ən azından cındır əsgərin ölümünə baxardım ən azından," dedirtsə də yenə də mükəmməl sonluq idi.

    --spoiler--
    3. --spoiler--

    frances mcdormand'ın ən yaxşı qadın aktrisa oskarını almasını təmin edəcək filmdir. çox gözəl bir film idi. həyatda yaşayan insanlardı sanki obrazları. mildred mənə öz anamı xatırlatdı. onun kimi sərt bir insandı, zaman zaman olub ki, o da mildred kimi mənə qışqırıb get filan filan şeylər başına gəlsin, təbii bu o demək deyildi ki onu ürəkdən arzulayır. bu səbəbdən qızının arxasınca qışqırdığı səhnəni biraz mənasız hesab etdim. guya demək istəyirdilər ki o da müqəddəs ana deyil, amma o sadəcə hirsləndiyi üçün elə demişdi.
    dixon kimi insanlar azərbaycanımızda o qədərdir ki. yetərsiz, həyatdan narazı, işindən başqa heç bir dayanacaq nöqtəsi olmayan, yetərsizliyini digərlərini əzmək ilə kompensasiya etməyə çalışan bir polis. amma axırda içindəki yaxşı insanı kəşf etdi.
    canımı sıxdı film, ona görə yox ki qatil tapılmadı, ona görə ki, bir daha anladım, məqsədlərin uğrunda mübarizə aparmaq bəzən həddən artıq çətin olur, bütün tanıdıqların qınayır səni, psixoloji basqı qururlar üstündə, ağlına belə gəlməyəcək çətinliklər görürsən. burada da ən vacib məqam çox möhkəm olmaqdır. dünya belə qarşında dursa vaz keçmə. ölüm qədər çətin olsa da. mildredi buna görə də çox sevdim.
    ən yaxşı film oskarını məncə almayacaq amma mildred obrazına mütləq oskar düşür.


    --spoiler--
    4. Oscar mükafatlarında "ən yaxşı film" nominasiyasında the shape of water'ə uduzan "three billboards outside ebbing, missouri", baş roldaki Frances McDormand ilə "ən yaxşı aktrisa" nominasiyasında və Sam Rockwell ilə "ən yaxşı köməkci aktyor" nominasiyasında oscar əldə etdi.


sən də yaz!