+5 əjdaha
1. mercedes amg petronas formula 1 komandasının "cəngavər"* sir tituluna sahip britaniyalı pilotu. 7 qat dünya çempionudur. bu rekordu əfsanəvi alman pilot michael schumacher ilə bölüşür. bundan əlavə ən çox podium, ən çox qələbə və ən çox pole qazanmaq rekordları başda olmaqla bir çox rekordun sahibidir. f1-də ilk sezonunda yarış qazanan üç pilotdan biridir. öz dövrünün ən güclülərindən hesab olunur. son illərdə aktivistlik ilə də məşğul olur. qısa məlumatlardan sonra keçək əsas məsələyə.mercedes komandası 2013-də f1 turbo hybrid temasına keçəndən dominasiya qurub. 2017 və 2018-ci illərin ilk hissəsindən başqa bu komandayla titul uğrunda mübarizə apara biləcək komanda olmayıb. hamilton da 2014, 2015 və 2016-ci illərdə öz komanda yoldaşı nico rosberg ilə dünya çempionatlığı uğrunda mübarizə aparıb və 2-1 qalib olub. 2016-da rosberg çempion olandan sonra təqaüdə çıxıb və yerinə williams komandasından finlandiyalı pilot valtteri bottas gəlib. elə o vaxtdan rəqibsiz çempion olub. ona görə də ona nifrət eliyənlər hədsiz çoxdu. ta ki bu ilə kimi. 2010-13-cü illərdə dünya çempionu olan red bull racing komandası və f1-də axırıncı ili olan honda axırki mercedesdən daha yaxşı maşın düzəldə biliblər. bu sayədə bu illərdir f1-in görmədiyi rəqabəti görmüşük. indi sezonun bitməsinə iki yarış - səudiyyə ərəbistanı gp və əbu dabi gp qalıb. red bullun hollandiyalı pilotu max verstappen hal hazırda hamiltondan 8 xal qabaqdadır. mercedes isə red bulldan 5 xal qabaqdadır. sezonun ortalarından verstappen titula daha yaxın görünürdüsə braziliya gpdə heç kimin gözləmədiyi şəkildə w12yə elə bir yenilik ediblər ki maşın uçur. o yarışda hamiltonun möhtəşəm performansından sonra da verstappenlə arasındakı vəziyyət artıq daha da gərgindir. qətər yarışında göründü ki mercedes artıq yavaş döngələrdə də red bulla çatıb. bu bazar ciddə şəhərində keçiriləcək yarışa mercedes braziliyada istifadə etdiyi yeni mühərriki gətirəcək. burada ilk dəfədir ki, yarış keçirilir. hələ heç nə bilmək olmaz amma tras əsasən düzlüklərdən ibarətdir deyə mercedes favorit hesab olunur.