heç vaxt xoşbəxt olmayacaq insanlar sözaltı sözlük

heç vaxt xoşbəxt olmayacaq insanlar



əjdaha lazımdı   izlə   lələ   mən   googllalink

    1. ağlaşma başlasın. hə də sözlük, yenə ağlamağa çiyin axtaran kimi sənə qaçdım.

    elə çox istəyirəm ki 2014-15-16dakı kimi ancaq bilgi yazım sənə, amma o vaxt indikindən daha yetkin idim, daha güclü idim. obşim keçək məsələyə;

    qaqaş ola bilmirəm də xoşbəxt, hara əl atıramsa nəticəsi türklər demiş hüsran olur, dostluq qururam hüsran olur, dünyadakı bütün insanların sevgisini toplasan, yenə də çatmayacaq qədər çox sevirəm, acı çəkirəm, sonra öz işlərim bərbad gedir, acı çəkirəm.

    oturub fikirləşirəm ki, kim lənət edib ala, kimə nə pislik etmişəm?

    sol əlim, çiynim qıc olur düşünməkdən, boğuluram, insan nə qədər düşünər axı? bir avadanlıq qoşub tədqiq eləməyə qalxsan gün ərzində məndən çox düşünən insan yoxdur. qaçmağa çalışıram, o gün qaçıb getmişdim bu xarabaxana şəhərdən,

    olmur amma, insan nə qədər uzağa gedir getsin beyini özü ilə gəlir, düşünməyə məcburdur. alınmır da ala, tamam e insan həmişə xoşbəxt olacaq deyə bir qanun yoxdur,

    amma olmayacaqsa heç olmasın, bir həftə olub bir ay qisasını almasın, öldürməsin.

    elə bəsit olmasını istəyərdim ki hər şeyin. məsələn, əvvəllər səbəbsiz acı çəkirdim, indi səbəbi də var, amma kaş o qədər bəsit olardı ki dünya,

    sevdiyin insanla heç ayrılmazdın, əziyyət çəkib oxuduğun, gördüyün iş yaxşı tamamlanardı, dostların olardı, elə qısqanıram ki belə həyatları. belə bədbəxt yaşamağa məcbur olmaqdan bezmişəm.

    (youtube: )
    2. Yaşadıqlarını və yaşayacaqlarını kimlərəsə görə çərçivələyən, həyatını başqalarının arzu və istəkləri üzərinə şəkilləndirən, qərarlarını özləri verə bilməyəcək qədər aciz, hüquqlarını bilməyəcək qədər cahil olan insanlardır. Ona görə də, ayrılıqmış, yalnızlıqmış, nə bilim, sevgisizlikmiş deyib ax vay etməyin yurddaşlar, insan təbiəti elədir ki, əslində, yalnızkən daha xöşbəxtdir. Sadəcə bunu özünə etiraf edə bilmir.
    3. etmək istəyib də, edə bilməyəndə qarşısındaki insan edə bildiyi üçün ona cuman tiplər.
    4. Aşağıdakını yazan şəxsdir.

    Gözlərimi qapatdım ki, gizlənəsən, ağlıyaq
    "Alma" desəm gələcəkdin,
    "Alma" dedim, gəlmədin.
    Hanı birgə əl sallayıb öpəcəkdik qürubu
    axşam düşdü, ay göründü, su duruldu,
    gəlmədin...

    Söylə indi kainatın hansı məhbəsindəsən?
    Söylə görüm bulud varmı,
    yağış varmı orda da?
    heç olmasa, ax insafsız...
    əllərin də yoxdu ki,
    axşam-axşam darıxanda
    adam tuta, ovucunu bir gul kimi qoxlaya...

    Heç unuda bilmədim ki saçlarının rəngini
    o qədər çox sevərdim ki saçına söz düzməyi;
    indi mənim dünya boyda bağlı ayaqqabım var
    səndən sonra
    tərgitmişəm ayaqyalın gəzməyi.

    Üstüm, başım, ev-eşiyim, sər-səliqəm, sahmanım
    Nə gülməsi, nə qəh-qəhə, əcəb ağıllanmışam;
    Aya da vaxt ayırıram, günəşə də yetirəm
    amma yenə dolmur zaman,
    sən gedəli bomboşam....

    Hamı, hamı - uşaq, böyük, hamı mənnən razıdı
    gecələrin sükutunu pozmaq nədi, bilmirəm;
    Axşam düşdü, salam məleyk, ən birinci evdəyəm
    küçələrdə veyil-veyil gəzmək nədi,
    azmaq nədi, bilmirəm.

    Sən gedəli əməllicə düzəlmişəm, gördüyün
    Məni pozan sən imişsən,
    hamı belə danışır;
    Bircə sənin o gözlərin, o gözlərin olmuya
    xəyalıma gələn kimi bütün nizam qarışır.

    Hər şey, hər şey qaydasında,
    amma belə qəribə
    günlər gəlir keçir, gedir,
    yadda qalmır amma ki.
    Sən gedəli...
    necə deyim, qoy lap düzün deyim də:
    Sənsiz adam olmaq olur,
    Sənsiz olmur amma ki...
    5. Həyatlarını başqalarınki ilə müqayisə edən tiplər. Öz şəraitləri ilə barışmıyıb başqalarının həsədini aparanlar nə edirlər etsinlər həyatlarında mütləq nəsə üzüləcək bir şey tapırlar. Səbr etmirlər. Nəyinsə düzələcəyinə inanmırlar. Hamının birdən belə həyata nail olduğunu zənn edib həvəsdən düşürlər.
    6. Heç vaxt xoşbəxt olmayacağını düşünən insanlardır
    7. anlayan biri yoxdur deyə xoşbəxt olmayan insandır.
    9. Məqsədi olmayan insanlar. Çünki iki halda xoşbəxt ola bilirik; birincisi xoşbəxtlik bizə gəlir, ikincisi isə biz gedib ona çatırıq.
    Birinci həyatın bizə arada bir verdiyi şansdır. Ona görə gərək ikinci yolu seçək, özümüz məqsəd təyin edək və ona çatmaq üçün çalışaq. Ümumiyyətlə, heçnə etmədən daim həyatı, kimlərisə günahlandıran, məqsədsiz, hərəkətsiz insanlara xoşbextlik yoxdu -*


sən də yaz!