əjdaha lazımdı
izlə
dostlar
mən
googlla
yazarların başına gələn maraqlı hadisələr
-
yığ çantanı gəz dünyanı
başlıqdakı ən bəyənilən yazılar:
+2 əjdaha
1. mənə görə faydalı qrupdur, verilən suallara tez və dəqiq cavab alınır, bir çox bu barədə təcrübəli insanlar vardır. amma tam istədiyim bu deyil... getdiyim yerlərdə orda yaşayan azərbaycanlılarla tanış olmaq istərdim məsələn, hosta ehtiyacım olmasa da (minibusda gecələyirik, lüks həyat) evlərində qonaq ola biləcəyim, özüm də məmnuniyyətlə qonaq qəbul edib, gəzdirəcəyim insanlar olsun istərdim. bu səmimiyyəti görmürəm amma. bəzən host üçün müraciət edən insanlar olur amma heç bir cavab verilmir onlara. bu baxımdan couchrail tam qane edir.
yenə də uğurlar hamısına.
+2 əjdaha
2. facebookdakı qrup, səhifə fəaliyyətləri ilə kifayətlənməyib vaxtaşırı turlar və gəzənfərd adlı yayım da gerçəkləşdirərək gəzəyənləri bir yerə toplmağa çalışan icma. səyahət vasitəsi və marşrut fərqi gözlənilmədən bütün səyyah və səyahətsevərləri toplamaq niyyətinə səmimi inandığım amma heç birini şəxsən tanımadığım insanların da yer aldığı 5 admin tərəfindən idarə edilir qrup. bilgilərdən təxmin edirəm ki, qurucu heyətdən bəzi insanlar yoxdur. qrupda deyəsən 30 mindən çox üzv var.
indi gəlim irad və təkliflərimə. devizin " yığ çantanı, gəz dünyanı" olması zəif gəlir mənə. bəlkə də səyahətin mümkünlüyünü və yalınlığını göstərmək istəmisiniz, əziz adminlər, onda da heç olmasa qafiyə, ya da söz oyunu babat olardı da.))
təkliflərimdən biri də hər yetəni qrupa əlavə etməmək, və ya başı o başdan olmayanları təmizləmək. mən sizlə razı insanları dəyişək, gəzsinlər filan, amma məscid imansız da olsan ayaqqabını çıxarmağı tələb etdiyi kimi, siz də təməl bir şey tələb edin. yoxsa çətindir.
qrupun aktiv hissəsini çox təəssüflə bildirərdim ki, glamour səyahətçilər təşkil edir. "oyşş..filan millət peyin iyi verir", "pff..elə qəzməy olaaar? aaa", "nrççç..ver 5 manat artıq min filan şeyə daaaa.." kimi şərhlərlə çox qarşılaşırsınız. bu da qrupdan gəzəyənləri, şəxsən məni soyudur. bu insanlar özləri də paylaşım edir. təcrübəsiz insanlarda da bəzən "oha, bu pul hardandı məndə", "gəzəyənlik mənim harama" kimi fikirlər oyada bilir.
rahatlıqla irqçilik, milliyyətçilik (hətta nano-milliyyətçilik də var), seksistlik, homofobiya, hər şey görə bilərsiniz. çox təəssüflə adminlərin buna tam nəzarət etmədiyini, hətta bəzən bir qisminin eyni fikirdə olduğunu düşündürtdürür insana.
nə olur olsun, təşəbbüsü yüksək qiymətləndirir, bu və bənzər addımların vaxt keçdikcə insanlarda, ən azından tətil və istirahət zamanlarının dəyərləndirilməsi yönündə, nələrisə dəyişəcəyinə inanıram.
uğurlar.
hamısını göstər
