tiziano vecellio

contrapposto

2001

belladonna

başlıqdakı ən bəyənilən yazılar:

+3 əjdaha

1. yüksək və son renessans dövrü venesiya rəssamlıq məktəbinin nümayəndəsi italyan rəssam.doğum tarixi dəqiq bilinmir.mənbələrdə 1476-1477 və yaxud 1480ci illərdə doğulması yazılıb.rəssamlığı covanni bellinidən öyrənmiş venesiya rəssamlıq məktəbinin sonrakı inkişafında xidməti olmuş corcone ilə yaxınlıq etmişdir.tisianın renessans mədəniyyətinin humanist idealları ilə aşılanmış çoxcəhətli yaradıcılığında nikbinlik və həyatsevərlik üstün yer tutub,dövrün kəskin dramatik konfliktləri əks etdirilib.1510cu illərin əvvəllərində yaratdığı ilk əsərlərində (isa və maqdalina,qaraçı madonnası ) corcone yaradıcılığının təsiri duyulur.1510cu illərin ortalarından rafael və mikelancelonun əsərlərini öyrəndikdən sonra tisian özünün fərdi üslubunu tapmış nikbin ruhlu,parlaq kolorit ustası kimi formalaşmışdı(1515ci ilə aid olan flora tablosu misal göstərmək olar)1510cu illərin sonu 1530cu illər tisian yaradıcılığında yeni mərhələ olmuşdur. o əsatir və dini mövzularda dərin psixoloji vüsətə malik dramatik ehtiraslarla dolu assunta ,veneranın təntənəsi, isanın tabuta qoyulması ,vakx və arianda,məryəmin məbədə gətirilməsi,urbino venerası kimi monumental əsərlərini yaradır.bu əsərlərlə yanaşı tisian portret çəkməklə də şöhrət qazanır.o əsərlərdən ippolito mediçi ,italyan yazıçı,şair,dramaturq,tənqidçi və erotik ədəbiyyatın inkişafında rolu olmuş pyetro aretinonun , v karlın, papa üçüncü pavel alessandro və ottavio farnezelər ilə portretlərinə öz imzasın atır.artıq 16cı əsrin ortalarından başlayaraq rəssamın son və ən yetkin mərhələsi başlamış olur.bu mərhələdə çəkmiş olduğu danaya (rembrandtın da eyni ada məxsus əsəri var) ,venera və adonis ,venera güzgü qarşısında əsərlərində insanın cismani və mənəvi gözəlliyi tərənnüm olunur.rəssamın yaratdığı isanın tabuta qoyulması (the burial of christ) ,tövbə edən mariya maqdalina (Maddalena penitente) ,müqəddəs sebastyan, isanın başına tikanda tac qoyulması(The Crowning with Thorns),isanın meyiti üzərində ağlaşma kimi tabloları renessans dövrü venesiya rəssamlıq məktəbində realizmin zirvəsini təşkil edir. ejen delekrua, dieqo veleaskes, rubens, eduard mane ,rembrandt ,nikola pussen,tintoretto kimi rəssamlara böyük təsiri olmuşdur. təxminən 1əsrə qədər ömür sürmüş 1576cı ilin avqustun 27də öldüyü yazılır.

hamısını göstər