capernaum

| kino

əjdaha lazımdı   googllalink

    1. Nadine Labakinin rejissoru olduğu 2018-ci ildə izləyiciyə təqdim olunan film. Çoxlu mükafatı olan,arvad uşağın gözünü suya boğan drama
    2. 2018-ci ildə istehsal olunan, hekayəsi Lübnanda keçən son illərin ən yaxşı dram filmidir. Capernaum sözünün mənası fransızca xaos deməkdir. Həmçinin incildə də adı çəkilən kənddir və çox xaotik olduğuna görə, lənətlənmişdir. Rejissor Nadine Labaki filmin ilkin ssenarisi yazarkən "Bu cəhənnəmdir və biz cəhənnəmdə yaşıyırıq" demişdir və filmə Capernaum adını vermişdir.
    Film Zain adlı uşağın ailəsini məhkəməyə verməsi ilə başlıyır. Daha sonra məhkəməyə qədər olan müddətdə Zainin başına gələn hadisələri izləyirik. Film sadəcə uşaqların gördüyü əziyyətlərdən, istismarlardan bəhs etmir, həmçinin mövcud hüquq sisteminin miqrant uşaqlara olan laqeyd münasibətini tənqid edir.
    Rejissor Labaki rola ən uyğun uşağı tapmaq üçün Lübnan küçələrinə öz adamlarını göndərirdi. Uzun axtarışlardan sonra Zain Al Rafeea özü ilə eyni adlı obrazı canlandırmağa layiq görülmüşdür. Zain filmdə ifa etdiyi obraz ilə, demək olar, eyni həyatı yaşamışdır. Məktəbə getməmiş, küçələrdə böyümüş, istismara məruz qalmışdır. Labaki Zain rolunun yaxşı canlandırılmasına "Zain bir çox şeyə məruz qalmışdır, onda uşaqlığını itirmiş, yetişkin olmuş uşaq müdrikliyi vardır. Elə buna görə, rolu bu qədər yaxşı ifa edə bildi. Çünki bildiyi şeyi edirdi." deyərək münasibət bildirmişdir.
    3. vaxt itirmədən baxmağınız gərəkən filmdir. Çoxuşaqlı, kasıb ailədə doğulan Zain imkansızlıqdan lap uşaq vaxtlarından işləməyə başlayır. Sənədləri olmadığı üçün məktəbə gedə bilmir. Qarşısına çıxan bütün çətinliklərə baxmayaraq mübarizəyə davam edir.
    Qeyd: kapernaum 2019-da ən yaxşı əcnəbi film kateqoriyasında oscara namizəd olmuşdu.
    4. Ölmədən öncə izlənilməli filmlərdən biridir. Aktyor oyununa söz ola bilməz. Həyata baxış açınız dəyişə bilər.
    5. öz valideynlərini məhkəməyə verən bir uşaq haqqında olan gözəl bir film. yaşadıqları hadisələrə görə vaxtından onlarla il əvvəl böyümüş uşaqları xatırladan, bəzi ölkələrin (azərbaycan da daxil) saxta və maskalanmış müasir şəhərlərinin arxasında dayanan insan faciələrini işıqlandıran bir film.
    baş roldakı suriya qaçqını uşağın öz həyatında həqiqətən də oxşar hadisələr yaşadığını, heçbir aktyorluq təcrübəsi olmadan belə bir rol aparmasını görəndə daha da heyrətlənirsən. son kadrı şedevr olan filmlərdən biri.


sən də yaz!