təbib
əjdaha lazımdı googlla
Doktor cahid şahbazov instagramdan paylaşdığı postda təbibə səslənərək tələb edib:
"bir vətəndaş və həkim olaraq etiraf etməyi borc bilirəm: mən operativ qərargah və "təbib"dən narazıyam!
Dövlətin hesabına 12 il xaricdə təhsil almış bir həkim olaraq "təbib"ə səslənirəm, hətta vətəndaş olaraq tələb edirəm: mən və mənim kimi onlarca həkim üçün brifinq təşkil edin! Bizim təkliflərimizi, iradlarımızı dinləyin, müzakirə edək, ortaq elmi şura qəbul edilsin, yerli və xarici mütəxəssislərlə yanaşı xalq ilə sıx təmasda olan mən və mənim kimi həkimlərin təklifləri möcüzə yaratmasa da, yararlı ola bilər!
Karantin 5 ay davam edə bilməz! Bu bacarıqsızlığın, təcrübəsizliyin bariz nümunəsidir!"
Lakin, mart ayından etibarən rəqəmlər fərqlənməyə başladı. Düzdür, aprel, may, avqust və sentyabr aylarındakı göstəricilər kəmərdən çox da kənarda durmayıb. Onlara “normanın inkişafı” kimi də baxıb hesaba almamaq olar. Amma mart, iyun və iyul aylarında normadan çox artıq - müvafiq olaraq 889, 1903 və 890 insan öldü. Nədən? Həmin dövrdə ölkədə covid-19`dan başqa bu qədər əlavə ölüm sayı yaradacaq heç bir fövqəladə hadisə baş verməyib.
O əlavə ölümləri toplasaq, 3682 nəfər edir.
Əlbəttə bu artıqlamanın hamısı covid-19 səbəbi ilə yaranmayıb. Cüzi da olsa, əhalinin çoxalması, qocalması, keçmişdə yaranan hansısa demoqrafik dalğa buna təsir edə bilir. Amma bu cür təsirlər statistikada ləng tərpəndiyi üçün bu sayda əlavə ölüm qətiyyən yarada bilməz.
Deməli, 3682`in böyük əksəriyyəti məhz covid-19`dan ölənlərin sayıdır. Bu 3 min də ola bilər, 3 min 500 də. Amma hər halda TƏBiB`in dediyi 1755 nəfər deyil.
Hələlik iKi EHTiMAL göstərilən rəqəmlər arasındakı uyğunsuzluğu izah edə bilər:
1. Mart ayının ortasında birdən-birə karantinin tətbiq edilməsi ayrı-ayrı xəstəliklərdən şiddətli əziyyət çəkən insanları təcili müalicədən məhrum edərək, yüzlərlə əlavə can aldı. Sərt karantinin aprel-may aylarında davam etməsi zamanı müxtəlif xroniki xəstəliyi olan şəxslər də mütəmadi müalicədən məhrum oldular deyə, iyun-iyul aylarında minlərlə insan vaxtından əvvəl həyatını itirdi.
2. Mart ayında virus Azərbaycanda yayılmağa və əlavə ölümlərə səbəb olmağa başladı deyə ayın ortasında karantin tətbiq edildi. Karantin aprel-may aylarında davam etdi və ölüm sayını azaltdı. Mayın sonunda – iyunun əvvəlində karantinin bir neçə həftəlik yumşaldılması yenidən xəstəliyə rəvac verdi və iyun-iyul aylarında minlərlə insan covid-19`dan öldü.
Birinci ehtimal doğrudursa, sərt karantin TƏBiB`in kobud səhvidir.
ikinci ehtimal doğrudursa, onda iyunda covid-19`dan cəmi 150, iyulda isə cəmi 235 nəfərin həyatını itirdiyini bizə deyən TƏBiB`in rəqəmləri əsasında bundan sonra heç bir qərar qəbul oluna bilməz.
sən də yaz!