+9 əjdaha
1. Bizdə dəqiq elmlərin tədrisi çox aşağı səviyyədədir. Özüm kurrikulumla bitirdiyim üçün deyirəm, məktəblərdə fizika, kimya, riyaziyyat kimi baş işlədəsi fənlər zəif tədris edilir. Bu o demək deyil ki, müəllimlər, ya şagirdlər zəifdir. Sadəcə uyğun şərait yoxdur. Məktəblərin böyük qismi öz həddindən çox uşaq qəbul edir, bu da əlavə dərs kabinetlərinin açılmasına mane olur. Hətta bizim 2-3 il oxuduğumuz otağın biologiya kabinetinin bölünməsi ilə yarandığını öyrənəndə təəccüblənmişdim. Mövcud şərait yaxşılaşdırılsa, yeni məktəblər tikilsə, mühit düzələr və az da olsa müsbət təsir verər.Şagirdlərdə isə dəqiq yerinə əzbərlənəsi fənlərə (tarix, ədəbiyyat) meyil daha çox olur. Çünki özünü yormaq ehtiyacı yaranmır, əzbərləməklə baş sındırıb hansısa çətin tənliyin həllini tapmaq eyni deyil. Elə buna görə də üçüncü ixtisas qrupunda ayrılmış plan yerindən həddən artıq çox abituriyent sənəd verir. Bu fənlərlə beynəlxalq səviyyədə nailiyyət əldə etmək qəliz məsələdir. Bununla paraleldə birinci ixtisas qrupunda da (fizika, kimya, riyaziyyat) tələbat çoxdur, bunun səbəbi isə keçid balların aşağı olmasıdır. Yer digərlərinə görə daha çox ayrıldığı üçün 200-300 balla pulsuz oxumaq imkanı qazananlar var. Bu da təhsil sisteminə vurulan zərbədir. Abituriyentlərin düşüncəsi yüksək bal yığmaq yox, harasa düşmək olarsa, oradan keyfiyyətli heç nə çıxmaz.
Bu iq səviyyəsi hələ çoxdur deyərdim bu vəziyyətə görə. Qurulan təhsil sistemi birbaşa olaraq gələcəyin məhvinə yönəlir. Bunun səsi 10-15 ilə çıxacaq, öz ixtisasını belə düzgün mənimsəməyənlər idarəetmədə söz sahibi olacaqlar. Ona görə hər şeyin yaxşı olacağına inamım günü-gündən azalır.