üçüncü dünya ölkəsində yaşamaq



əjdaha lazımdı   googllalink

    1. 300-500 manatlıq iş üçün belə poliqlot olmağın gərəkli olmasıdır. Ən az üç dil standart, əlavə olaraq fransız, italyan, alman, ispan, ərəb, afrikaans, ibranicə və s. Dilləri bilmək arzuolunandır.
    Çox uzağa getmirəm, bayaq iş elanlarına baxırdım, bunlar deyəsən işçi yox übermensch filan axtarırlar. hansısa bir şirkətdə hüquqşünas köməkçisi ( özü belə deyil) işi üçün müqavilələrlə işləyə bilən, mülki, əmək, inzibati hüquq sahələrini mükəmməl bilən, kooporativ hüquq sahəsində iş təcrübəsi, azərbaycan, rus və ingilis dillərini mükəmməl bilən, karatedə qara kəmər sahibi olan, quranı əzbər bilən, alov, hava bükə bilmək( su və torpaq arzuolunandır) bacarığı, dünya üzərində bütün təbii və sosial elmlərə vaqif olan, konfutsi təliminə əsasən yaşayan, üçüncü gözü açıq, yarı insan yarı robot sayborq tipli hibrid varlıqlar axtarılır. Maraqlananlar beyin dalğaları vasitəsilə ofisə müraciət edə bilərlər.

    Amma yox ciddiyəm, normal yaşaya bilmək üçün ən azı 3 dil bilmək lazımdı, bunda nə var deyə bilərsiniz, dil bilmək pis şey deyil ki? Mən də bilirəm pis deyil, sadəcə onsuzda iş tapmaq, yaşamaq, dolanmaq çətin məsələdi, hamının da bu qədər vaxtı olmur özünü inkişaf etdirə bilsin. Hara baxırsan təcrübəli adam axtarırlar, hamı təcrübəli adam istəyirsə, təcrübəsiz necə təcrübə qazana bilir?
    2. imkanların az olması/olmamasıdır. hər mənada. ən böyük mənfi cəhət elə budur bəlkə də.
    3. Hər bir sahənin bir şəxsin əlində olmasına alışmaq deməkdir. Ədalətsizlik adi hala çevriləndə və insanlar da buna normal baxanda artıq üçüncü dünya ölkəsinin vətəndaşı hesab olunurlar.
    4. çoxluq içində, yoxluqda yaşamaq
    5. verilən 3 qəpiklik vətəndaşlığa görə hərbi xidmət keçməyə məcbur olmaqdır. hətta vətəndaşlıqdan imtina etmək üçün əlavə dövlət rüsumu ödəməkdir. ən azından kişilərdən o rüsumu tələb etməyin bari, adamlar 1 il, 1 il 6 ay xidmət keçir axı havayı yerə.
    6. "Hansı üçüncü dünya ölkəsində yaşamaq" sualının verilməli olduğu başlıq. isveçrədəmi, irlandiyadamı, isveçdəmi, Balkanlardamı, Ərəb yarımadasındamı, Afrikadamı? Bu ölkələr üçüncü dünya kateqoriyasına aid olmaqla həyat şəraitinə görə olduqca kəskin fərqlənir. Qısaca, ümumiləşdirmə mənasızdır.

    Qeyd: Azərbaycan ikinci dünya ölkəsidir.
    7. Deyilənə görə, 50 ilə 150 arası tanıdığımız insanların ətrafında yaşayıb, ölürük. Bundan əlavə, yaşantımızın yarısının kədər, geri qalanın da mübahisəli keçdiyini düşünsək geriyə bir ovuc xatirə qalır tam razı olduğumuz. insan olduğumuzu unudub, kəfş etmək və öyrənmək kimi arzularımızı görməzdən gəlib günü günə satırıq həyatda qalmaq üçün, bir qarın yemək üçün. Məncə həyatımızı Azərbaycan kimi bir ölkə üçün puç etmək çox ucuzdur.


sən də yaz!