xəbərdarlıq — ən bəyənilən yazılar

+3 əjdaha

1. Son günlər baş verən hadisələrə görə, çalışın metrolardan, əhalinin sıx toplaşdığı yerlərdən uzaq durasınız. Ölkədə təxribat olması gözlənilən haldır.

+3 əjdaha

2. Azərbaycan insanına!

Səbəblərini uzun uzadı izah etmədən bəzi xüsuslarda xəbərdarlıq edərək vicdani borcumu ödəmək istəyirəm. Tək ricam bu yazıya kimsə lehində və ya əleyhində nəsə yazmasın. Dərdim polemika yaratmaq deyil, daha diqqətli olmanıza yardım etməkdir. Qəbul edən də, etməyən də bunu yorumsuz etsin, lütfən.

Xəbərdarlıqlar:

2023-cü il sadəcə Türkiyə deyil, Azərbaycan üçün də çox ağır kecəcək. Təəssüf ki, Əliyev rejiminin "mənə birşey olmasın, gerisi vecimə deyil" məntiqi ilə fərqli geosiyasi güclərə Azərbaycanda ciddi güzəştlər etməsi dövlət qurumları və toplum içində ciddi ziddiyyətlər yaratmış, fərqli dövlətlərə xidmət edən qruplaşmalar yaranmışdır. Son 2-3 ilə baxdığımızda Rusiya (Ordu və toplum) və israilin (DTX, özəl polis birlikləri, medya, şou biznes) önə çıxdığını görürük. Anlaşılan Əliyev rejimi özünü bu iki dövlətin ağuşuna oturaraq sığortalamaq dərdindədir. Lakin rejimin bu iki dövlətə sığınması fonunda digər dövlətlərin, özəlliklə də iran, ABŞ, ingiltərə və Fransanın narazılığının artdığını izləyirik.

Və çox təəssüf ki, bu geosiyasi savaşın Azərbaycan toplumuna inikası daha çox ən güclü kütləsəl silah olan məzhəbçilik üzərindən baş verir və verəcəkdir. Azərbaycandakı dini qruplaşmaların geosiyasi ağalarına gəlincə:

1) Şiələr = iran, ingiltərə və Rusiya
2) Nurçuluq = ABŞ (CiA)
3) Vəhhabilər və sələfiliyə yaxın sünnü gruplar= israil (Mossad)

Bu fonda ən radikal və təhrik edici qruplaşmalar şiələr və vəhhabilər içində olsa da, dövlət qurumlarında daha çox təsir gücü olanlar nurçulardır. Durumu ağırlaşdıran bu qruplaşmalar içində qarşı cəbhəyə işləyən cəsusların olmasıdır. Yəni vəhhabi görünüb irana, şiə görünüb israilə xidmət edənlər var və s.

Son dönəmdə sırf israilə yaranmaq üçün aparılan "cici sünnülər pıxı şiələr" siyasətinə qarşı iki ciddi xəbərdarlıq edildi. Biri 4 Avqust 2022-ci ildə Londondakı Azərbaycan səfirliyinə olan hücüm, digəri isə bu yaxınlarda Tehranda gerçəkləşən terror olayı. Əminəm ki, üçüncü xəbərdarlıq Azərbaycanın içində gerçəkləşəcək. Azərbaycanın güc qurumlarında əlbət ki, vətənsevər oğul və qızlar var. Lakin Əliyev rejiminin dövlət maraqlarını şəxsi maraqlara qurban verməsi fonunda böyük dövlətlərin yaratdığı cəsus şəbəkəsini bütünlükdə zərərsizləşdirmək imkansızdır. Son zamanlarda aparılan "milli şiəçilik" kimi "dahiyanə" siyasət isə yanlış istiqamətdəki qatarda doğru vaqon axtarmaq qədər "məntiqlidir".

YEKUN OLARAQ SiZLƏRDƏN:

1) Ağzından bal damlasa belə HEÇ BiR DiNi ŞƏXSƏ iNANMAMAĞI

2) Gərəkirsə ateist kimi davranıb dini mükalimə və təbliğatların HAMISINDAN UZAQ DURMAĞI

3) Dünənə qədər Elçibəyə lağ edən və ya susqun qalanların birdən birə Cənubi Azərbaycan məsələsini gündəmə gətirməsinə ALDANMAMAĞI

4) Doğma qardaşınız da olsa və Qurandan paltar da geysə, min deyil, milyon dəfə haqlı da olsa 2024-cü ilə qədər KÜÇƏ NÜMAYiŞ və ETiRAZLARINA ÇIXMAMAĞI

TƏLƏB EDiRƏM.

Son olaraq:
Qələbəlik yerlərə = bazar AVM və s. getməməyə, metroya minməməyə (məcbur qalırsanız ən öndəki və ya arxadakı vaqonda olmaya) çalışın. Və şou biznes əhlindən şikayət edib onları yenə də izləyərək reytinq qazandırmaq kimi ikiüzlü davranmaqdan vaz keçin. Unutmayın ki, iblisanə mexanizm şou biznes əhlinin hədsiz tərbiyəsizliyi buna etiraz edən dinçilərin təbliğat xalları qazanaraq kütləyə təsir etməsi şəklində işləyir. Yəni şou biznesin əxlaqsızları ilə dinçilər eyni ağanın fərqli görünümlü kuklalarıdırlar.

Tanrı sizləri qorusun. Və lütfən ağıllı davranıb Tanrıya sizləri qoruması üçün daha çox fürsət verin...
(C) Dimes Hak Alerli