əjdaha lazımdı
izlə
dostlar
mən
googlla
otizm
-
siqaretin faydaları
-
intihar səbəbləri
-
antidepressant
-
öldürməyib süründürən şeylər
-
obsessive compulsive disorder
-
galip derviş
-
qatar yaxınlaşdığı zaman qatar yoluna tullanma istəyi
-
tourette sindromu
başlıqdakı ən bəyənilən yazılar:
+64 əjdaha
1. azərbaycan dilinə sarışan hallar nevrozu kimi keçirilib. yer üzünün ən mundar, zibil psixiki xəstəliyidir. ilkin səbəbi də odur ki, buket şəklindədir. bir neçə simptomlar yapon yapışqanı kimi hamısı bir-birinə yapışır. hətta bununla kifayətlənməyib arxalarıyca başqalarını da gətirirlər. türklər demiş: çete kuruyorlar.
psixoloji diskomfort yaradan, təşvişə səbəb olan və təkrarlanan fikirlərə obsessiyalar deyirlər. bu fikirlərə cavab olaraq yaranan, xoşagəlməz hadisələrin və situasiyaların qarşısının alınmasına yönəlmiş təkrarlanan hərəkətlər, rituallar da kompulsiyalardır. düzdü bir çoxlarımızda bunların yüngül forması olub. məsələn, bir yanağından öpənə o birini də uzatmısan ki, bundan da öp *
abazan deyilsənsə təbii ki
. ya da əlin təsadüfən stola tıqqıldayırsa bir dəfə də edirsən ki, tək olmasın filan. belə gic-gici şeyləri çoxlarımız eləmişik. amma di gəl ki, işin ciddi tərəfləri var.
adamlar qapını bağladığını dəfələrlə geri qayıdıb yoxlayır və qane olmayıb bunu təkrar-təkrar edir. qazı söndürdümmü? pencərəni bağladımmı? fikirlərilə eyni hərəkəti dəfən-dəfən etməyi; əli birşeyə toxundusa dəfələrlə yumağı, yumasa sağalmaz xəstəliyə düçar olacağı fikri; təzə köynək geyindisə mütləq bir pis hadisənin baş verə biləcəyi və s.
sadə sarışan hallardan okp-nin fərqi odur ki, bu insanlarda daha çox psixoloji diskomfort yaradır və yaranan vərdişlər daha ciddi forma alır, üstəlik tərgitmək istədikcə yeniləri gəlir.
məsələn 16 yaşlı bir qızı valideynləri “xalçanın kənarı ilə yeriyir” şikayətiynən psixoterapevtə aparırlar ki, dərdi nədi niyə belə eləyir. elə bir nəsə çıxıb dişləyəcək bunu ordan. sən demə uşaqda okb imiş və dərdi tək xalça ilə yox digər fərqli kompulsiyalarla imiş və onlara şərait yaradan obsessiyalar. əgər dirsəyi stola dəyəndə və ya əli bir qaşına toxunanda onu ikinci dəfə təkrarlamasa anasının öləcəyinə inanırmış. bu obsessiv avtomatik fikirlərdən də özlüyündə yaratdığı kompulsiv hərəkətlərlə xilas olurmuş.
qarışıq göründü biraz, anlayıram. belə izah edim, hansısa stress yaradan hadisə baş verir. psixiki zəyif insan bu hadisədən çox təsirlənir, və onda yenə təkrarlanacağına dair avtomatik fikirlər formalaşır, o da özlüyündən bu fikirləri dəf etmək üçün hansısa hərəkətlər kəşf edir. və bu hərəkətlərlə də daxili stressini azaltmağa müvəffəq olur. bax elə bu nöqtədən də həmin hərəkətlər tərgitməyi çətin olan vərdişlərə gətirir.
obsessiyalar-> təşviş və qorxular-> kompulsiyalar->yüngülləşmə. sonuncu mərhələdəki yüngülləşmə aldadıcıdır. və ardıyca daha betər gərginlik gətirir. insan “bu hərəkəti edərkən rahatlayıram, niyə tərgidim?” kimi fikirlərə dala bilir. bir müddət keçdikdən sonra isə ətrafındakılara gülünc, ya da qıcıqlandırıcı göründüyünün fərqinə varanda depressiyaya düşür. zatən probleminin fonunda depressiya var idi, daha da tetiklənir.
uzun və keşməkeşli mövzudur. zaman-zaman qayıdarıq fikir mübadiləsi edərik.
son olaraq müalicəsi varmı? var. amma dediyim kimi çox uzun prosesdir və çərlədicidir. amma nəticəyə gəlmək olur. medikamentoz müalicə, psixoterapiyada da koqnitiv-bihevioral terapiya 12-20 terapevtik seans effektivdir. əvvəlcə müəyyən testlər aparılır, psixi vəziyyət yoxlanılır daha sonra uyğun üslub seçilir.
hə bir də, nənələrimiz deyəndə ki, çox oxuma başın xarab olar, sən demə çox müdrik söz deyibmiş. ali təhsilli insanlarda orta təhsillilərə nisbətən bu xəstəliyə “yoluxma” riski 1,5 dəfə çoxdur.
əlavə:
vay dədəm vay. nə boyda oldu alə bu? hələ dedim qısa yazım. nəisə oxuyun. hamısın oxuyana saqqız verəcəm*
swh
əlavə2:
yaman dambadurum da adı var haa bunun: obsessiiiv kompulsiiv pozuntuu. əəə bir bir..
+27 əjdaha
4. kişi, 32 y.
2 il əvvəldən başladı bu məndə. bir iş tanışım var idi, ayağının yarasını açıb gözümün qabağında göstərdi, ondan sonra həmin adamnan rastlaşanda uzaq durmağa başladım. əllə mümkün qədər görüşmürdüm, məcbur qalsam da 15-20 dəqiqə əllərim yara olana qədər sabunla sürtürdüm. yavaş-yavaş uzaqlaşdış həmin adamdan. sonra bir başqası gəldi, yemək yediyimiz yerdə əlinin yarasından danışırdı, göstərə-göstərə. yara da keçmişdi əslində, əlinin içində quru qabıq kimi dururdu. yeyə bilmədim yeməyimi. beynimdə təkcə fikir var idi ki, oradan dərhal uzaqlaşım.
bu günə qədər hesablasaq nə qədər telefon, paltar, əşya tullamışam. müəyyən müddət keçdikcə həmin adamların haralarda oturduqları, nələrə toxunduqları haqqında hesablar aparmağa başladım. hətta onların getdiyi ölkələrə belə gedə bilmirəm. hava limanına girsəm məndə də xəstəlik olacaq deyə qorxuram.
əvvəl 2-3 nəfər idisə indi kütləvi şəkildə iyrənirəm. çünki tanıdığım hərkəs həmin adamlarla ünsiyyətdə olub, onlara toxunub.
bu yaxınlarda qardaşımın toyu idi, mənim günüm tualetdə əl yumaqla keçdi. neçə dəfə paltarımı dəyişmişəm.
cinsi həyatım demək olar ki, yoxdur. arvadımdan da iyrənirəm. onun ucbatından uşaqlarıma toxuna bilmirəm, çünki bütün gün analarının yanında olurlar. özümü öldürmək istədim olmadı.
axı necə belə yaşamaq olar? mən necə insanam ki, öz körpələrimdən belə iyrənər olmuşam...
+12 əjdaha
18. Çox stressli olanda, ya da harasa tələsən də və s. sıxlaşan əlamətləri ilə canımdan bezdirən zad.
Tələsirəm, maşın gəlib qapıda dayanır, üst-üstə 20 dəfə siqnal verir, mən qazı yoxlayım, qapıları 20 dəfə açıb-örtüm, nə bilim corabı, ayaqqabını 10 dəfə geyinib çıxardım deyə saya bilməyəcəyim qədər söyüş və qarğış yiyəsi oluram. Pilləkəndə bütün ayaqqabılar simmetrik olmalıdı, mətbəxdə tavaların qulpu, çaydanların lüləsi eyni istiqamətə olmalıdı və s. Əllərimin dərisində xoşuma gəlməyən çox kiçik də olsa çirk, toz hissi olsa gedib yuyuram, onda da çox quru olduğunu düşünüb krem çəkirəm. Və bunlar işin təkcə kompulsiv tərəfləridi.
Obsessiv tərəfində insanları istəyərək ya da qeyri-ixtiyarı sınağa çəkmək, hər kəsdən şübhələnmək durur. Bəzən insanların mənə komplo qurduğunu düşünürəm, tez də (baxma: aptallık etme Bihter) moduna girirəm, kim neyləsin nəticədə məni, amma bunları yazarkən də insanların həyatımı məhv etməyi planlaşdırdıqlarını düşünmür deyiləm.
Səhv eləyəcəyimi düşünmək istəmirəm, özümə qarşı mükəmməliyyətçi davranıram.
Dağınıqlığı sevirəm, amma stressli vaxtlarımda hər şeyi səliqəyə salmaq istəyirəm, heç kim mənim yaratdığım sahmanı pozmasın istəyirəm, simmetrik yerləşdirdiyim əşyalara toxunan olanda əsəbiləşirəm.
Bitdi mi? Bitmədi təbii ki.
Biabır olmaqdan it kimi qorxuram, evə qonaq gələndə çay yemək podnosunu daşımaqdan qorxuram ki, dağıdıb biabır olacam. Kimsə sual verəndə, saçma sapan bir cavab verib özümü biabır eləyəcəyimdən qorxuram, doğru düzgün danışa bilmirəm deyə qorxum reallaşır. Hündür ayaqqabı geyinəndə hər an yıxılmaqdan qorxuram.
Bəzən də özümü pis biri olduğuma inandırıb insanlardan uzaqlaşıram, sırf onlara pisliyim toxunmasın deyə. Ciddi-ciddi kimi necə incidə bilərəm deyə düşünürəm çünki, beynimdə siyahı kimi saxlayıram.
(baxma: bir ömür nasıl yaşanmaz?)
+11 əjdaha
11. artig 4 ile yaxindiki her il stressli bir dovrumde muxtelif formada gelib heyatimin ichine eden zad. yene rutinini pozmayarag chox vacib olan imtahanima 1 gun qalmish yatmagima engel olur. bir obsessia digerini chekir bele bele zencirvari bir shey yaranir,ve kechende de tam olarag beynimden silinmir. hara qeder bele olacagini bilmirem ama butun ushagligimi yemish ve indi gencliyimi yemeye chalishan bu poxdan yaxami qurtarmag isteyirem. normal insan kimi rahat yashamagi istemek chox sheydi?
+10 əjdaha
5. türklərin çəkdiyi galip derviş adlı serialda çox gözəl təsvir olunmuş psixoloji pozuntu. vizual olaraq əlamətləri haqqında məlumatlanmaq istəyənlər izləsinlər.
+10 əjdaha
16. son zamanlar özümdə gördüyüm pozuntu.Tutaq ki sağ əlim nəyəsə dəyir,mütləq sol əlim də ona dəyməlidir.yada ki bir şeyə 3 yada 7 dəfə əl vurmalıyam.əgər bunları eləməsəm nəsə pis bir şey olacağına inanıram.əsas da kiminsə öləcəyini.
karantin mənə də düşmədi.
yuxarıda yazılan əjdahalamaq məndə də var bu arada.
+8 əjdaha
8. hamının bu xәstәliyin simptomlarını yaşadığı xәstәlikdir. mәsәlәn, özüm 14-15 yaşıma kimi belә idim. anam evdә çıxandan sonra elә bilirdim blokdan arxasınca, sonra da pәncәrәdәn avtobusa minәnәdәk baxmasam anama nәsә olacaq. sonra evdә xüsusi nöqtәlәr var idi, ora әlim dәyәndә gedirdim әlimi, üzümü yumağa. bu nöqtәlәri dә özümdәn yaratmışdım ha, nәsә mundar yer filan deyildilәr, üzümü o qәdәr yumuşdum ki, dәri altı sәpkilәrim әmәlә gәlmişdi. yaxşı qurtardım.
+8 əjdaha
20. beyin zədələnməsi adı çəkilən pozuntunun qarşısını ala bilir. hər zədələnməni də bura daxil etməsək. məsələ budur ki 1983-cü ildə adı george olan bir nəfər ciddi səviyyədə pozuntudan əziyyət çəkib. hansı ki gün ərzində saysız-hesabsız əlləri yumaq , çimməklə özünü məşğul edirmiş. düşdüyü bu vəziyyət də george-un heç cürə həyata uyğunlaşmamasına gətirir çıxardır. oxuduğu yerdən, işindən ayrılmaq məcburiyyətində qalır. çarəni özünü öldürməkdə görərək əlinə silah alaraq başına atəş açır. xəstəxanaya yerləşdirilir və tədricən müalicə almağa başlayır. bəxti onda gətirib ki atəş nəticəsində beyində zərər görən tək bölgə obsessiyanın mərkəzi olan beyinin ön sol payı olub. yaşam üçün digər paylar zərər görməyib. özü ilə hadisədən bir neçə il sonra nyu-york taymsın aldığı reportajda artıq normal həyata döndüyünü və əsas da pozuntunun daha ona narahatlıq yaratmadığını vurğulayır.
mənbə üçün 
+5 əjdaha
6. biraz cahillik kimi çixacaq amma analarda doğushdan var bu deyesen,siz hech sheherden kenar biryerde stolun üstünü silmeden,öz getirdiyi stekani ortaya qoymadan,öz mürebbesini ortaya qoymadan,stekanklari yaxalamadan rahat oturan ana görmüsünüz?..belke de görmüsüz,heşbişey..
+6 əjdaha
15. mən əminəm ki obessiv davranışlarım burda da çox adamı bezdirib. misalçun, bir entri oxuyuram, xoşuma gəlir, əjdahalıyıram. sonra o əjdahanı silirəm. sora yenə əjdahalıyıram, sora yenə silirəm.
hələ favoriləsəm tamam başqa temadı )
kimi bu bildirim toplusu ilə gic eləmişəmsə üzr istiyirəm ))
+4 əjdaha
14. ilk əvvəl adda düzəliş edək: sayrışan hallar yox, sarışan hallar. yəni hansısa fikirlər sizə sarışır (sarmaşmaq kimi) və sizdən əl çəkmir. izahına gəldikdə isə:
ingiliscə adı ocd (obsessive compulsive disorder), türkcə adı okb (obsesif kompulsif bozukluk) olan bir xəstəlikdir. obsesiyon dedkdə-hansısa fikir nəzərdə tutulur, kompulsiyon isə bu fikrin təsirilə etdiyiniz hərəkət(lər)dir. məsələn, çox təmizkarsınız. heç kəsin sizin stəkanınızdan su içməyini istəmirsiniz. bu, obsesiyondur. əgər kimsə sizin stəkanınızda su içdikdən sona siz o stəkanı atırsınızsa, bu - kompulsiyon sayılır. sarışan hallar diaqnozunun sizə qoyulması üçün obsesiyon-kompulsiyon cütlüyünün həmişə tam olması və ya çox şiddətli kompulsiyonlar olması lazım deyil. yəni sahib olduğunuz 10 obsesiyonun 4-5-nə kompulsiv reaksiya versəniz belə bu xəstəlikdən əziyyət çəkirsiniz. və ya, elə xəstələr var ki, onların həyatı kompulsiyonlara görə çox çətindir. qapını dəfələrlə kilidləyib açmaqla kilidləndiyinə əmin olmaq, kiminsə sizi eşitdiyinə əmin olmaq üçün bir şeyi dəfələrlə təkrar etmək, simmetriyaya düşkünlük, ən kiçik qanunauyğunsuzluğun kompulsiyonu tətikləməsi və s. bu xəstələrlə sizin çox fərqli olduğunuzu düşünüb sizdə sarışan hallar olmadığı nəticəsinə gəlməyin, çox fərq göstərir xəstələr arasında.
bir sıra dərmanlar və ya psixoterapiya ilə (normalda ikisini bir arada aparırlar) müalicə oluna bilər. tam keçəcək ya yox-bu bilinmir.
+3 əjdaha
13. türklərin dediyi "takıntı" "saplantı" xəstəliyinin azərbaycanca qarşılığı.
ay sözlük. 9 ildi bir qıza "takıntı"lıyam. 9 il. sabah ki, planlarımdan biri isə yenə onun qəlbini qazanmağa, çalışmaq olacaq.
+5 əjdaha
3. azərbaycan dilində sarışan hallar nevrozu dediyimiz xəstliyin tibbdəki adıdır. hətta buna vəsvəsə də demək olar. çəkiləsi dərt deyil ama çəkənlərə də allah dözüm verib ki çəkirlər. bəli.
+6 əjdaha
22. Yaşamayan birinə görə qıraqdan çox sadə görünən amma bu xəstəliyə malik insanların həyatını 180° dəyişdirib məhv edən psixolojik xəstəlikdir.
Bəzi sosial şəbəkələr də bilgiləndirmək məqsədi ilə paylaşılan videoları izləyib özləribə okp xəstəsı damğası vuran, rəylərə " aa məndə də var bu" "okp xəstəsi imişəm" kimi beyinsiz insanlarsa, OKP xəstəsi deyildir.
Bu xəstəliyi psixoloq ya da psixiatr təsdiqləməmiş kimsə xəstə sayılmır.
Bəzi insanlar da bir müddət "takıntı" adlanan hərəkətlər olur. Amma bu belə OKP olduğunuzu göstərmir.
+5 əjdaha
10. obsessiya krizində olduğunuzda həmin obsessif fikiri belə yayındıra bilərsiniz özünüzdən "mən belə deyiləm. ama belə olsamda problem olmaz. ətrafımda çox belə adamlar var."
bunu ekşidə 2 ay əvvəl oxumuşdum. çox kömək olur mənə belə edəndə.
+2 əjdaha
2. (baxma: entry və nick uyumu)
edit: 1-ci entry-ni yazan yazarın nick-inə referans verilmişdir.
+4 əjdaha
9. meni gunbegun yeyib bitiren zad. heyecan pozuntusu ve obsessiyalar birlesende ortaya chox ecaib seyler chixir,inanin mene. fantaziyanizin neqeder genis olduguna ve gunu gunnen nece eriyib getdiyinize sahid olursunuz.
gece gece bunu niye yazdimki men? yene kederlendim bax.
+2 əjdaha
12. okb mende de var. icki icmek olmaz qetiyyen. 80% sebebi budu. 19% gece oyaq qalmaqdi. olmaz o da. gece xestelik aktivlesir gunduz olmur. 1% ise real hadiselere esaslanir. stres eseb olmaz. lazimsiz hadiselerden insanlardan uzaq durmaq lazimdi. bizler stresi derin yasiyiriq cunki. ıllerle bunnan ellesib ne hallara qalmisam. geldiyim son noqte budu. umid edirem komeyive gelecek. bunlar deqiq melumatlardi. ınanmasan ezab cekmeye davam edeceksen ve sonda bunlara geleceksen. ya da bu sonsuza qeder davam edecek sende. meqsedim kefivi pozmaq deyile sadece meslehete qulaq asasan deye deyirem. normalda insan anlamadigi seyi elemir deye. meselen icki icende yaxsi olursan keylesir amma ayilanda daha berbad olacaqsan hemise. cunki ickili anda beyin idaresi itir ve xestelik idareden cixib daha derinlere gedir. bu qeder yazi besdir mence.
+1 əjdaha
17. Təxminən 1-2-ci sinifdən indiki yaşıma qədər məndə də olan şey.
Bunun bir xəstəlik olduğunu bilirdim, amma adından-zatından xəbərim yox idi. Başlığı dirildən yazarın əlləri var olsun.
Hətta heç yadımdan çıxmır bir dəfə 5-ci sinifdə oxuyanda bir davada sol gözüm göyərmişdi. Az qalırdım özüm də vurum sağ gözümü göyərdim, təki bu narahatlıq keçib getsin..
(bax: umbaylama)
+2 əjdaha
7. http://www.youtube.com/watch?v=dSZNnz9SM4g
blaa.
hamısını göstər
