+5 əjdaha
1. Adı: Və sonra rəqs etdik (And then we danced)ili: 2019
Dili: Gürcücə
Növ: Dram, Romantika, Muzikal
IMDB: 8.0
istehsal edən ölkə: Gürcüstan, isveç
Baş rollar: Levan Gelbakiani; Baçi Valişvili
Rejissor: Levan Akın
Mövzusu: Hər il təqribən 2 ya 3 film ya da bir-iki serial mənə dəhşətli təsir edir. 1 neçə həftə təsiri qalır, bütün marağım rolların həyatları üzərində cəmləşir. Baxanda gözümü qırpmadan baxıram. Bu film də elə oldu. Bilirsiz, baxanda Merabinin heç nəyi yoxdu, amma həsəd apardım. Gürcüstanın əsas rəqs topluluğunda rəqs edir, əsas heyətə keçmək üçün gecə-gündüz tər tökür və üstəgəl o qədər maneələrin arasında özünə bir dünya qurmağa çalışır. Evləri desəm, bir ana, bir nənə, bir də qardaş var, onlarda inanmıram Merabı başa düşürlər filmdə, ən azından mənə belə hiss keçdi. Baş rol həmin bu Merabi qrupa yeni gələn birinə- irakliyə aşiq olur. irakli Batumidən bir müddətlik Tiflisə gəlmişdi. Sonra da bəzi çətinliklər yaşayırlar və sonda...
Film çəkilərkən Gürcüstanda böyük təzyiqlərə məruz qalır. Çəkilişin reallaşdırılması istənilən məkanlardan imtina və rədd məktubları gəlir, bəziləri sadəcə bəhanələr gətirərək istəmir. Rejissor Levan Akın qeyd edir ki, filmin qalası keçirilən gün kinoteatrın qabağında bir qrup insan tərəfindən "Homoseksuallara ölüm!" , "Yaşasın Gürcüstan!" şüarları altında etiraz aksiyaları keçirilib. iş o həddə çatıb ki, baş rollara çəkilən aktyorların bir müddət ölkəyə giriş etməyəcəkləri barəsində təminat əldə edilib.