boloniya sistemi — ən bəyənilən yazılar

+11 əjdaha

1. Əsasən, avropa ittifaqı və bu ittifaqa yaxın regionda yerləşən ölkə universitetlərinin ortaq ali təhsil sistemi.

Boloniya sistemi - 1998-ci il mayın 25-də Fransada Paris Universitetinin 800 illiyinə həsr olunan konfransda 4 ölkə Almaniya, italiya, Böyük Britaniya və Fransa təhsil nazirləri tərəfindən Sorbonna Bəyənnaməsinin qəbulundan sonra sistem yarandı və sistemə keçid baş tutdu. Daha sonra 1999-cu ildə Avropanın 29-dan çox ölkəsinin təhsil nazirləri italiyaya yığışaraq Boloniya Bəyannaməsini qəbul etdi. Hazırda bu prosesə 45 ölkə qoşulub.

Boloniya sisteminin üstünlükləri:

1. Tələbənin fənn və müəllim seçimində müstəqilliyi
2. Tədris prosesinin bütün lazımi çap materialları və onların elektron versiyaları ilə təminatı
3. iki pilləli təhsil
4. Kredit sisteminin tətbiqi
5. Sistemə qoşulmuş ölkələrin universitet diplomlarının qarşılıqlı tanınması

2005-ci il, mayın 19-da Norveçin Berqen şəhərində keçirilən konfransda təhsil naziri Misir Mərdanov boloniya prosesinə qoşulmaqla bağlı rəsmi sənəd imzaladı. Bu sənəddən sonra Azərbaycan boloniya prosesinə qoşuldu

+4 əjdaha

2. Azərbaycan da hələ öz yerini tapa bilməyən təhsil sistemi.
Ölkəmiz özünə Avropa və Asiyanın arasında yer tapa bilmədiyi, bu sistemdə ortada qalıb. Belə ki, sistemin ana xəttləri ölkə də tətbiq edilsə də (kredit sistemi, iki pilləli təhsil kimi), bəzi hissələri (tələbənin fənn və müəllim seçə bilməməsi, dərsə gəlməyən tələbənin qayıb alması, mühazirə dərslərinin olması və s. Kimi) hələ də tətbiq edilmir. Belə desək ölkəmiz bu sistemi əcaib şəkildə tətbiq edib.