+3 əjdaha
1. DC aləminin ən güclü obrazlarından biri olan Swamp Thing, Marvel-in bataqlıqlar lordu Man Thing-dən ilham alınaraq yaradılmışdır. Genetik modifə olunmuş varlıq, eyni zamanda humanoid bitkidir və əsas vəzifəsi öz bataqlığını qorumaqdır. ikonik DC eqzorsisti John Constantine ilk dəfə "Swamp Thing" komiks seriyasında oxuculara təqdim olunub.Swamp Thing - DC Comics-in ən underrated personajlarından biridir. Orijinal Swamp Thing ilk dəfə 1972-ci ildə Len Wein və Berni Wrightson tərəfindən yaradılıb və heç vaxt bəyənilməmişdir. Buna baxmayaraq, dahi ALAN MOORE-un ötən əsrin 80-ci illərində yazdığı hekayələr olduqca maraqlıdır. Onun gəlişindən sonra Saga of the Swamp Thing macəraları başlayır. Swamp Thing - Superman, Batman kimi yapıncı (pelerin) geyinməz, bataqlıqlarda yaşayar və vaxtının əksəriyyətini bitkilərlə keçirər. Moore-un nömrələri həqiqətən o zamanlar üçün ikonik idi. Sırf yetkinlər üçün hazırlanmış hekayəyə qorxunc ünsürlər də əlavə edilmişdi. Hətta, sonralar adını məşhurlaşdıracaq olan Wes Craven 1982-ci ildə "Swamp Thing" filmini çəkməyi qərara alır və film olduqca uğursuz olur. Craven 2 il sonra çəkdiyi A Nightmare on Elm Street filmi ilə öz günahını yuyur. Amma bu Swamp Thing-in kino aləmində populyarlaşmasına kömək etmir.
Haqqında bəhs etdiyimiz Swamp Thing-in əsl adı Alec Holland-dır. O, "Ağaclar Parlamentinin" ( Parliament of Trees) çempionu və bataqlıqların hökmdarıdır. The Green olaraq kainatdakı bütün bitki örtüyünə nəzarət edə bilər. Eyni zamanda təbiətin avatarı hesab olunur. Justice League və onun mistik versiyası olan Justice League Dark komandasının üzvü olmuşdur. Hətta eyni adlı animasiyada da onu görə bilərsiniz. Əlavə olaraq Batman, Superman və Poison Ivy kimi personajlarla müttəfiqdir. Əsasən Constantine ilə macəraları olur və seks etmək üçün John-un bədənindən istifadə edir.
Gücləri: Yaşılın Avatarı, təbiəti (bitki örtüyünü) idarəetmə, superqüvvə, stamina, regenerasiya, ölümsüzlük, xlorokinez, özünü təminat, qanad yaratma/uçma, metamorfoz, ölçü dəyişikliyi, kopyalar yaratma və s.
Not: 2019-da yayımlanam serialı da var.