menstruasiyanın bəzi dinlərdə natəmizlik kimi qəbul edilməsi

1. islam dinində mensturasiya dövrünə heyz deyirlər.
Və heyzdən sonrakı müddətin adı təmizlik müddəti adlanır. Heyz zamanı qadın ibadət etməməlidir. Çünki bu vaxt qadın təmiz olmur. Heyz bitəndə su ilə qüsullanmalı ibadətə davam etməlidir.

2. Ailəm müsəlman olduğu üçün menstruasiyanın sadəcə islamda bir tabu olduğunu fikirləşirdim. Hətta tabu da deməzdim, çünki ətrafımda bu perioda sadəcə iyrənc bir "xəstəlik" kimi baxılır. Sonra bu mövzunu araşdırmağı fikirləşib axtarışa verəndə bir sıra dinlərdə menstruasiya dövründə qadının təmiz, saf olmadığını və həmçinin aybaşı qanının (ki, o qan dediyimiz axıntının sadəcə 36%-i qandan ibarətdir.) murdar bir şey kimi qəbul edildiyini gördüm. Ümumi olaraq, gündəlik həyatda da bu fizioloji proses haqqında danışmaq qadağan olunmuş bir mövzu olmaqdan hələ təzəlikcə çıxır.
Qədim dövrlərdə menstruasiya qanı daha çox gücün, müqəddəsliyin simvolu olaraq bilinirdi. Qədim romalılara görə, menstruasiyalı çılpaq qadın vücudu dolu, qasırğa, şimşək kimi təbii fəlakətlərin qarşısını ala bilərdi. müqəddəs olan bir şeyin müqəddəs olmayan nə iləsə təması da dində ümumi natəmizlik anlayışının yaranmasına gətirib çıxarır.
islamda mövqeyinə gəlsək, menstruasiya dövründəki qadın ibadət etməkdən məhrumdur və təbii ki, cinsi əlaqəyə girməkdən. Ramazan ayında qadınların oruc tutmadığını müşahidə etmək olar, məsələn.
iudaizmdə bu inanc konservatizm və ortodoksluğun dərəcəsindən asılıdır. Tövrata görə menstruasiya dövründəki qadın təmiz deyil və toxunduğu canlı və cansız - hər şey ritual olaraq natəmiz sayılır.
Xristianlıqda da həmçinin bu inanca ortodoksal xristianlıqda daha çox rast gəlinir.
Bu görüşlərə coğrafiyanın, mədəniyyətin də təsiri var, əlbəttə. indoneziyada qadınlar mətbəxə belə buraxılmazkən Hindistanda qızların cinsi yetkinlik dövrünə çatması xüsusi bir gün kimi qeyd edilir və hədiyyələr verilir.
Lakin xüsusilə, 3-cü dünya ölkələrində ifrat dərəcədə xurafatçılıq, menstruasiya da daxil olmaqla cinsi yetkinliklə əlaqədar hər şeyin tabulaşması kiçik yaşdan etibarən uşaqların təhsilinə, həyat keyfiyyətinə mənfi təsir edir. Öz adımdan deyim ki, Azərbaycanda da son vaxtlar keçirilən feminizm aksiyalarında qəribə etirazlardansa, bu mövzu ilə bağlı pankartları görmək istəyərdim.

mənbə link

menstruasiyanın bəzi dinlərdə natəmizlik kimi qəbul edilməsi

Yalnız deyilsən!