+14 əjdaha
1. özəlliklə sözlükdəki akademisyen və akademisyen namizədlərindən doldurulmasını arzuladığım başlıq.1. azərbaycanda qurmayın.
əgər bakalavrı azərbaycanda oxumuzsunuzsa, magistr , doktora və post-doktoranı mütləq xaricdə oxuyun. türkiyəni ən son seçim olaraq düşünün, scholarship xəbərlərini hər gün yoxlayaraq avropa və amerikaya gedin. scholarship fürsətləri çoxdur, onları oxuyun, istənilən keyfiyyətlərə, imtahan nəticələrinə sahib olmağa çalışın. əgər avropa, amerika heç alınmazsa türkiyədə koç, odtü, boğaziçi, bilkent universitetlərinə başvurun.
2. zəngin olacağam, hər ay tətilə gedəcəm xəyalları ilə qurmaq istəyirsinizsə qurmayın.
akademisyen olmaq heç asan deyil. bakalavrdan sonra magistr oxuya-oxuya research assistant olaraq işləyəcəksinizsə gecəniz-gündüzünüz olmayacaq. gündə tonlarla məqalə oxumalı, review&reportlar yazmalı, bir yandan master tezi yazmalı, bir yandan üst mərtəbədəkilərin istəklərini yerinə yetirməlisiniz. və buradan ruh sağlığı yerində olan biri olaraq çıxsanız aldığınız maaş çox lüks bir şey olmayacaq.
3. humanitar elmlər üçün mütləq dil öyrənin.
dil öyrənməkdən qəsdim ingilis, rus, türk dilləri deyil. zəngin mədəniyyətə sahib olan sivilizasiyaların dillərini öyrənərək yazılan kitabları originalından oxumağı bacarın. məsələn, kantı alman dilindən, aristonu yunan dilindən, foucaultu fransız dilindən oxumağı bacarmalısan.
4. sevmədiyiniz ixtisasda qurmayın.
azərbaycanda bakalavrda istədiyi ixtisasda oxuyan çox az insan var, çünki 11-ci sinifi bitirən çox az insanın istədiyi ixtisas olur. daha çox bala görə seçim edilir. məsələn 670 bal yığan biri heç vaxt keçid balı 250 bal olan ixtisası seçmir. yığdığın bala görə ixtisasın müəyyənləşir. əgər ixtisasınızdan məmnun deyilsiniz və "day 4 il boşa getməsin" deyirsinizsə akademik karyera fikirləşməyin, özəl sektora keçin. 4 il oxumusunuz, ömür davam edir, bir daha 4 il bakalavr oxuyun istədiyiniz ixtisasda. amma pls azərbaycanda yox. ən azından türkiyədə. istəmədiyin ixtisasda magistr, doktora oxumaq əzabdır, işgəncədir. sevdiyin, həqiqətən aşiq olduğun bölümdə oxumaq çətin olsa da zövqlüdür.
5. çətinlik görən kimi vaz keçməyin.
akademisyen olmaq heç asan deyil. yaşadığınız bunalımlar, ekonomik krizlər sizi həyatdan ciddi mənada soyuda bilər. hələ gündəlik oxumalı tonlarca məqalə, kitab olunca insan psixi cəhətdən sağlam olmaya bilər. bu problemlərin içində yenə də davam etmək lazımdır. bura özəl sektor deyil ki, 1 həftə istirahətə çıxım, sonra gəlim davam edim. və ya səhər işə gedim, 9da kompüteri bağlayım və istirahət edim. oxuduğunuz bölüm sizin həyatınıza çeviriləcək, sevişəndə, tualetdə olanda belə ağlınızdan çıxmayacaq. ona görə də, çətinliklərə qarşı davamlı olmalısınız.