+6 əjdaha
1. Daha çox qadın (?) və lgbtq təcrübələrindən istifadə olunduğu üçün əsəbləşib açdığım başlıq.Bu yazı hazırlamadan əvvəl illərdir beynimə "bu şəhərdə" kimi pinkwashing edərək beyinlərimizi yuyan o keçmiş xatirələrlə dolu verlişi qurcaladım. Bilirsiniz, bəlkə də bir çoxumuzun uşaqlığının parçası olan bu verlişə heç vaxt "gülüşdən kənar" baxmamışıq. Çünki verlişi izlədikdə tək məqsədimiz sadəcə gülmək olub. Hətta bəzilərimizin düşüncəsinə görə həmin verliş cəmiyyətdəki mənfi personajları tənqid edir. Halbuki təqlid olunan personajların hamısı cəmiyyətin, bəlkə də elə aktyorların da özüdür. Bəlkə də onların məqsədi sadəcə qadın kimliyini ultra femininləşdirib gülüş obyekti etmək, sonra da maşın sürmək əvəzinə güzgüdə saçını düzəldən qadın (?) personajını bütün salona tirajlamaqdır. Necə ki, hər verlişlərində mütləq ki, qadın(?) təcrübəsi yaşayan şəxsləri deyingən qaynana, özündənrazı və ya tam ziddi olaraq işgüzar gəlin, ultra-feminin qlamur qadın (?) olaraq bizə göstərirlər. Hər bir personajı isə situasiyalardan çıxaran, yaxud da daha da gülməli vəziyyətə salan kişi. Hətta verliş bununla da yetinməyib bir müddət sonra Samiraldo, Bayram Nurlu kimi cəmiyyət tərəfindən gey olaraq görülən personajları da təqlid etməyə keçdi. Axı onların ayaqlarının arasında penis var, buna görə də feminin ola bilməzlər. Görürsünüz yenə yumoristik mənzərədir?
Bir neçə aydır ki, gözümüzü mazol edən stand-up tərzində "Komedixana" adlı verlişi də gördüm. Əlbəttə izləmədən sizə verliş boyu nələr olduğunu saya bilərəm. Hətta iddia edə bilərəm ki, bu zarafat qatilləri hər verlişlərində "zərif/axmaq/sevgi dolu qadın" personajlarını qoyurlar. Bu tip verlişlərin əlbəttə tək məqsədi daha çox izlənmək, daha və daha çox izlənməkdən başqa heç nə deyil. Beləcə onlar öz hədəflərinə doğru getməyə çalışarkən insanların emosialarından sui-istifadə etməkdən də çəkinmirlər. Hətta bu tərz verlişlərdə o qədər iyrəncləşə bilirlər ki, "Planet Parni iz Baku" çıxıb translarla açıq şəkildə məzələnə bilir, onlara LGBTi+lər barəsində verilən sualı gülüşə çevirə bilir. Hamısını da bizim qazanclarımızla edirlər. Bəli, məhz bizim - qadınlar (?) və LGBTiQ+lərin də reytinqi sayəsində varlıqlarını gücləndirərək bizi gülüşə çevirirlər. Ortada komediya yoxdur, tirajlanan homofobiya, kuirfobiya və mizoginiya var. Əgər kimlərsə bu tip axmaq verlişləri izləməyə davam edirsə, xəbərdar etmək istəyirəm ki, orada gülünən tərəf bizik.
link
