...

supplement

| idman

facebook twitter əjdaha lazımdı   googllalink
bcaa - zma - fast food - university of michigan - bristol universiteti - ən yaxşı universitetlər - gözəl qızlar - enerji içkiləri - kara kitap

    1. Azərbaycan dilində tərcüməsi qida əlavəsi olan şey. Əsasən idmançılar hətta daha dəqiq bodybuilding ilə məşğul olan insanlar tərəfindən istifadə olunan, qida olmayan və qida yerinə keçməyən, sadəcə olaraq qidadan əlavə olaraq, dəstək məqsədi ilə alınan zülal/karbohidrat tozu, aminoturşular və vitamin mineralların bütünü. Karbonhidrat baxımından əsasən gainerlər istifadə olunur. Bunların tərkibində yüksək miqdarda karbohidrat olur və əsasən kökəlmək istəyən insanlar üçün shake düzəldərək istifadə olunur. Ancaq unutmamaq lazımdır ki gainer yemək deyil və yemək əvəzinə keçmir. Siz yaxşıca düzgün olaraq qidalanıb əlavə dəstək kimi gainer istifadə etməlisiniz. Protein tozunun isə 3-4 növü 1.whey (ən sürətli sindirilən və ən populyarı) 2.casein (6-7 saata sindirilən zülal növüdür və əsasən gecə yatmadan əvvəl istifadə edilir) pea(bitki zülalı) əsasən veqanlar tərəfindən istifadə edilir. yumurta zülalı və ət zülalı tozları olsa da ən populyarı yazdığım bu 3lükdür. Əslində bu zülal tozlarının istifadə də tək məqsədi günlük almağınız gərəkən zülala kömək üçündür. idmançıların zülal ehtiyacı normal insanınkından 2 qat daha çoxdur. Hətta bu professional idmançılarda 3 qattan daha çox olabilir. Ancaq unutmamaq lazımdır ki bu zülal tozlarının 1 ölçəyində maksimum 24-26 qram zülal olur. Əgər siz ortalama 70kg çəkisi olan bir insansınızsa minimum 1.5 qat zülal almalısınız bu da 105 qram edir. Uzun sözün qısası sizə lazım olan zülalı ət-toyuq-balıq ya da yumurta-pendir və bu tərz heyvansal məhsullardan almalısınız. Əslində paxlalı bitkilərində tərkibində çox zülal var ancaq onların aminoturşu səviyyələri aşağı və qarışıq olduğu üçün məqsədin əzələ kütləsi yığmaq üçün olan idmançılar tərəfindən çoxda tərcih edilmir.

    Aminoturşular isə zülal sentezinə və əzələlərin bərpası üçün önəmli sayılır. Ən məşhurları Bcaa kreatin glutamine l-karnitin arginine taurine və s.dır. Ancaq bunların bir çoxu həm heyvansal qidalarda olduğu üçün həm də bədən özü də sentezlədiyi üçün əlavə olaraq supplement şəklində alınmağı mənasız görülür çoxu insan tərəfindən. bCAA əslində 4 fərqli aminoturşunun birləşimidir. Əsasən Əzələlərin nisbətən daha sürətli bərpasına səbəb olduğu üçün istifadə olunur. Birdə edilən araşdırmalara görə yetərli qədər zülal ilə qidalanmayan 2 fərqli qrupdan birinə bcaa verilib və 3aylıq testin axrında yetəri qədər zülal ilə qidalanmayan lakin bcaa alan qrupun 20 faiz daha az əzələ itirildiyi görülüb. Yəni bcaa nı hardasa xeyirli bir aminoturşu zənciri və supplement növü saymaq olar. Bu aminoturşulardan digər ən populyarı və ən çox effektiv sayılanı isə kreatindir. Əsasən bulk deyilən çoxlu qidalanılıb əzələ artırılan sezonlarda əlavə olaraq istifadə edildikdə insanı ciddi böyütməyə səbəb olur. Digər yazdığım yuxarıdaki aminoturşular isə fərqli fərqli şeylərə xeyirləri olduğu deyilərək istifadə edilir. Əsasən fitness məşqlərindən əvvəl istifadə olunan və preworkout deyilən tozlar olur. Həmin tozların tərkibində bu aminoturşulardan olur və idman anında özünü gümrah hissetməyə səbəb olduğu deyilir. Bunların içində əlavə olaraq kafein də olur kafein isə bildiyimiz kofenin tərkibidir. Hətta bir çox professional idmançı ən yaxşı prevvorkoutun kofe olduğunu deyir. idmandan öncə kafein alımının yəni qəhvə içməyin 30 faiz daha çox yağ yandırmağa səbəb olduğu isbat olunub. Ancaq bir çox aminoturşunun başda dediyim kimi özümüzdə bədənimizdə istehsal etdiyimiz və qidalardan kifayət qədər aldığımız üçün istifadəsi əsla əlzəm deyil.

    Gələk 3.cü hissəyə vitamin və minerallar. Bunları əslində idman etməyən insanlarda istifadə edir. idmançılar ən çox zma qısaltması ilə bilinən tərkibi zink maqnezium və b6 vitamini tərkibli həblərdən istifadə edir. Bir çoxu əlavə olaraq balıq yağı və multivitamin bütünü də istifadə edirlər. Əgər sizdə hərhansı bir vitamin azlığı yoxdursa Yenə başda dediyimiz kimi əslində bu vitamin-minerallarda əlzəm deyil. Ancaq bir çox praktiki olaraq istifadə etmiş insanlar tərəfindən zma nın əzələ ağrılarını çox azalttığını və yuxu sistemini tənzimlədiyini eşitmişəm.

    Gələk indi mətləbə. Bu supplement deyilən qida əlavələrinin heçbiri əlzəm deyil. Yəni bunları istifadə etmədən də əzələ inkişaf etdirəbilər və ya professional idmanlarla məşğul olub güclənəbilərsiniz. Əsas olan qidalanmanızın yaxşı olmasıdır. idmana başlar başlamaz bu supplementlərə qaçmayın. Əsas da ilk 6 ayı yemək düzəninizi oturtmağa çalışın. Əgər qidalanmanızı düzgün bir sistemə salıb davamını gətirəbilməsəniz bunlar hamsı boş şeydir. Birdə görürəm idmana başlar başlamaz əsasda trainerlər tələbələrə bu supplementləri çox tərifləyib soxuşturmağa çalışır. Bunun səbəbi də fitness zalların həmin o supplement market hissəsinə pul qazandırmaqdı. Azərbaycanda supplementlər çox bahadı və əsasən abşdan gəlir. Təzə təzə artıq türkiyədən də gəlməyə başlayıb və sizə tövsiyyəm almaq fikriniz varsa məşhur markalarınkini alın. abşdan alacaqlara tövsiyyəm ən yaxşı marka optimumdu. Türkiyədən almağı fikirləşirsinizsə myprotein-bigjoy-hardline-scitecdi. Türkiyənin saytlarında da abşda satılan markalar çoxdur araşdırıb alabilərsiniz.

    Son qeyd: Bəziləri supplementləri kimyəvi maddələr zad sayır. Protein tozu dediyimiz şey bildiyin pendirin yaşıl suyunun tonlarca maşınlarda qurudulub preslənərək zülalının çıxarılmasıdır. Hamımız həyatımızın bir hissəsində vitamin əlavələri almışıq və aminolar da onlar kimi şeylərdir. Çoxu vaxt toz şəklində olduqlarına görə bəzi insanlar bunları dərman zad bilir. Yəni al iynə vur şiş deyilib vurulan şey bunlar deyil. Onlar steroiddir və kimyəvi tərkibli dərmanlardır və supplement deyilən şeylərlə heçbir əlaqəsi yoxdur. Steroid və bu növ dərmanlar haqqında ayrıca entry yazacam. Supplement istifadə etmək sizdə hər hansı ciddi bir əzələ artımına səbəb olmağı mümkün deyil. Əsas düzgün məşq düzgün qidalanma və düzgün dincəlmədir. Bu supplement isə sadəcə olaraq əlavə dəstək sayılır. Hətta bir çox saytta yayılan fitness piramidası deyilən şeydə ən üsttə yəni ən az lazımlı olan nöqtəsidir. Bunları istifadə edən insanlara qaqavvv pratein vuruf ona görə bədənnidi zad deyib idiot kimi görünməyin.

    3 əjdaha!

    23.02.2022 16:31, zazoza
    2. Ağır xəstəliyi olan, kaxektiv ((bax: kaxeksiya)) insanlar üçün müalicə kursunun tərkibinə daxil edilirlər. Məqsəd qida alımı olmayan/çətinləşən, metabolizmi resurs itirən və ya itirməyə meyilli pasiyentlərin müalicəsini dəstəkləmək və bədən tonusunu qorumaqdır. Dərmanlara olduğu kimi, bunlara da qarşı reaksiyalı insanlar ola bilər. Qətiyyən əsl qida yerinə keçməməklə birlikdə, birinə yaxşı təsir edən qida əlavəsi başqa birində ağır fəsadlara yol aça bilər. Ehtiyatla istifadə olunmalıdır, təyin olunan və maksimal dozadan çox istifadəsi xeyirdən çox, ziyan vura bilir.
    3. Qida əlavəsi. Dərmanla qarışdırılır amma bunlar təbii yollarla əldə edilir, sintetik deyil.


üzv ol


...