...

sans toit ni loi

| kino

facebook twitter əjdaha lazımdı   googllalink
vagabond -

    1. Sans toit ni loi 1985-ci il tarixli bir agnes varda filmidir. ingiliz dilində filmin adı vagabondsdır. Hansı ki, avara, sərgərdan, məqsədsiz, sərsəri bla bla mənalarına gəlir. Film də bir vagabond olan monanın həyatı və yaşam seçimi üzərində qurulub.

    Filmin ilk səhnəsində boş bir sahədə monanın ölü bədənini görürük. Bundan sonra isə hadisələr əvvələ qayıdır.
    Monanın film boyunca qarşılaşdığı insanların dilindən onun haqqındakı fikirlərini eşidirik, ancaq hamısı müxtəlif fikirdədir və mən də onu təsvir etmək istəyəndə monanın yaşama motivini, ya da xarakterini tam başa düşə bilmədiyimi anladım.
    ilk baxışda sanki mona axına qoşulub hərəkət edən, tək məqsədi azadlıq, yalnızlıq və bir az narkotik olan biri kimi gəlir. Yəni bu əslində vagabond kimi yaşamağın onun öz seçimi olmasını və bunu dəyişmək istəməməsini göstərir. Elə ki, Yolda ona kömək etmək istəyən bir kəndli qalmaq üçün yer, iş verəndə də mona bunu istəmir və sərgərdanlığa davam edir. Çünki bunun(hara isə bağlı qalmağın, pul qazanmaq üçün başqalarıyla birlikdə işləməyin) öz azadlığını qısıtlayacağını düşünür. Bu tərəfilə film əslində monanın yox, digərlərinin, yəni bizim kimi ailə, iş, dostlar kimi asılılıqları olanların axına qoşulub getdiyini göstərir, çünki mona sərbəstdir, ancaq biz yox, bizi bir yerə bağlayan iplər(öhdəliklər) var. Mona buna görə cəsarətli biridir, yəni bu ipləri qırmaq, cəmiyyətin qoyduğu qaydalardan qırağa çıxmaq asan deyil və bu cəsarəti də xəyalpərəstliyindən doğur, mənə elə gəlir ki.
    Filmdə bəzi obrazlar(eyni zamanda bəzən izləyici kimi mən də) monanın azadlığına həsəd aparır, ancaq təbii ki, azadlığın qiymətinin mona üçün baha olduğunu düşünmürlər - kənddəki filosofdan başqa. Onun da monaya dediyi kimi : “You chose total freedom but you got total loneliness.”

    Əgər siz də cəmiyyətin sizə verdiyi mavi/qırmızı həblər arasında seçim etmək ərəfəsindəsinizsə, məncə, baxış bucağınızı genişləndirə biləcək bir filmdir. izləməyinizi tövsiyə edirəm.

    Ps. Bu mahnını xatırlatdı, əlavə etməsəm olmazdı
    (youtube: )

    6 əjdaha!

    12.06.2022 11:52, Theeyeschico
    2. filmin adı fransız dilindəki 'sans foi ni loi' (nə iman nə də qanun - nə ilahi qüvvədən nə də insandan qorxmaq mənasına gəlir) idiomundan yaranma söz oyunudur. sans toit ni loi, '(nə sığınacaq/dam nə də qanun)' mənasına gəlir. həmçinin sans toit [damsız] və sans toi [sənsiz] sözlərinin tələffüzü fransız dilində eynidir...

    1 əjdaha!

    13.06.2022 20:42, monfleur


üzv ol


...