...

rolex

|

facebook twitter əjdaha lazımdı   googllalink
qol saatı - fidel castro - unudulmaz film replikaları - ernesto che guevara - vladimir iliç lenin - james cameron - ən yaxşı doğum günü hədiyyəsi - snob - saat

    1. Yüksək keyfiyyətli saatlar, aksesuarlar istehsal edən və 1905ci ildə isveçrənin paytaxtı Cenevrə şəhərində qurulan şirkətdir.şirkət ildə ortalama hesabla yarım milyondan çox saat istehsal edir. sifarişi verən: Bertrand Zobrist

    3 əjdaha!

    11.11.2022 14:36, adsızinsan
    2. Kasıb azikin "Rolex molex nədi e sən alla Milyarder olsam pul vermərəm" ya da "saatdı da ha 5 manatlığ ha 5 min manatlığ" dediyi saatlardır. Lakin bizim yetim azik bilmir ki, pulu olan insanlar onu ya taxmaq üçün ya yatırım üçün ya da başqa birindən borc alarkən pulu geri verəcəyinin qarantisi olaraq saatını verir-*

    2 əjdaha!

    11.11.2022 19:21, neva
    3. önqeyd: entri uzundur. tarixi məlumatları deyil də rolex haqqında qısaca maraqlı faktları oxumaq istəyənlər 2-ci abzası ötürüb birbaşa üçüncü abzasa keçsinlər.

    Hə, indi isə çayı/kofeni süzün, yaxın oturun. adı çəkilən şirkət haqqında Azərbaycan dilindəki ən samballı məlumatı oxumaq üzrəsiniz.
    rolex - Əsası ingiltərədə Hans Wilsdorfalfred davis tərəfindən qoyulmuş isveçrə mərkəzli lüks saat markasıdır. ilk başda "wilsdorf&davis" adlansa da, 1919-dan etibarən hansın təşəbbüsü ilə rolex olaraq dəyişdirilmişdir. Belə fərziyyə edirlər ki, "royal" və "luxury" sözlərindən ilhamlanaraq bu ad götürülüb.

    rolexin Bu günlərə gəlib çıxmağındakı ən önəmli faktorlar tarixdə bir çox ilklərə imza atmağı ilə bağlıdır*. Bu adam(Hans wilsdorf) dünyada qol saatı anlayışını "dirildən" insan olub. O dövrdə(1900-1910-lar) əksəriyyət cib saatı istifadə edirdi. Qol saatları da vardı, amma istifadə edilməməsinin ən önəmli səbəbi zamanı düzgün göstərə bilməməsi idi. illərlə saatlar haqqında məlumat toplayan hans wilsdorf(yanlış bilinənin əksinə, özü saatsaz olmayıb. 19 yaşında saat şirkətindən gələn iş təklifini qəbul etdikdən sonra bu sektoru tanıyıb) ilk dəfə o dövr üçün vacib göstərici olan bir sertifikasiyaya sahib ilk qol saatını istehsal etməyi sonnunda bacardı. Hansı ki bu sertifikatlaşma saatın xronometrik olaraq dəqiq işlədiyinin birbaşa sübutu idi, yəni artıq qol saatları da zamanı cib saatları qədər göstərə biləcəkdi. rolexin Saat dünyasındakı yenilikləri tək bunla bitmir. Adamlar:
    1) 1926-cı ildə dünyanın ilk su və toz keçirtməz saatını, yəni bu gün belə istehsal olunan məşhur rolex oyster modelini tanıtdılar və təbii ki, güclü reklam etdilər bu saatı. reklam da nə reklam e özü də. everest zirvəsinin üstündən keçirilən ilk uçuş zamanı pilotların, La-manş kanalını keçən ilk qadın üzgüçünün, 1935-də dünya sürət rekordu qırarkən malcolm campbellin qolunda Rolex oyster vardı. Bununla da şöhrətlərinə şöhrət qatırdı rolex və "odda yanmaz, suda batmaz" bir lüks saat izlənimi yaradırdılar.
    2) 1931-ci ildə perpetual adını verdikləri dünyanın ilk "özü özünü quran mexaniki", yəni hamımızın bildiyi adıyla "avtomatik" (bax: qol saatı)nı ixtira etdilər;
    3) 1945-ci ildə içində təqvim göstəricisi yer alan dünyanın ilk avtomatik qol saatını(bax: rolex datejust) satışa çıxardılar;
    4) 1953-də 100 metr sukeçirməzliyə sahib ilk dalğıc saatını(diver watch) - məşhur (bax: rolex submariner)i tanıtdılar;
    5) 1956-cı ildə isə həftənin gününü göstərən dünyanın ilk avtomatik qol saatını (bax: rolex day-date) ixtira elədilər.

    gördükləri işi necə bir peşəkarlıqla etdikləri barədə nəsə deməyə ehtiyac belə yoxdur. ildə bəlirli bir sayda saat istehsal edərək əsas olaraq əl əməyindən istifadə edirlər. şirkət haqqında bir sıra maraqlı şeylər də var. misalçün:
    1) şirkət internet üzərindən satış etmir. bir rolex saatı əldə etmək üçün mütləq mağazanın özünə yaxınlaşmaq lazımdır. adamlar belə hesab edir ki, müştəri saatı almadan öncə ona toxunub hiss etməlidir.
    2) bakıdakı rəsmi mağazadan rus vətəndaşı olan biri rolex ala bilməz, satmırlar. səbəbi çox güman ki, bakıdakı qiymətlərin rusiyadakından daha ucuz olmasıdır, bir neçə min dollar fərq var. bu məlumatı isə hardan bildiyimi soruşmayın, amma 100% dəqiqdir, təcrübədən keçirilib.
    3) rolex şirkətinin səhmləri yoxdur. dünyada səhmi olmayan yeganə şirkətdirlər*, səhmdarı olmaq qeyri-mümkündür. çünki şirkət, qurucusunun adını daşıyan hans wilsdorf vəqfinə aiddir. buradan da aydın görünür ki, rolex saatına verdiyiniz pulun bir qismi xeyriyyə işlərinə gedir. ancaq təbii ki, bütün gəlirləri bu vəqfə getmir.
    4) rolex, saatlarını sırf özlərinə məxsus olan və "oystersteel" adlandırdıqları poladdan istehsal edir. bu, hər yerdə gördüyümüz 316l polad deyil. 904l kateqoriyasına aid bir poladdır və bunun emalı üçün xüsusi texnologiya lazımdır, əziyyətli və çox xərcli işdir.
    qeyd: 904l poladdan aerokosmik, kimya sənaye və s. bu kimi yüksək texnoloji sahələrdə istifadə olunur və korroziyaya dözümü çox yüksəkdir.
    5) poladdan əlavə rolex, yenə məhz şirkətə məxsus olan və özlərinin istehsal etdikləri, everose adında çəhrayı çalara malik 18 karat qızıla sahibdir. gördüyümüz o "rose gold" saatlar bu materialdır və əslində "everose" adlanır.
    6) 2012-ci ildə rejissor james cameron marian çökəkliyinin dibinə enərkən ekskluziv olaraq bu missiya üçün istehsal olunmuş Rolex Sea-Dweller DeepSea Challenge saatı da onunla birgə -təbii ki, kabinin içində yox, çöldə- idi və o dərinlikdə işləməyə davam edirdi. analoji olaraq, 1960-cı ildəki ilk dalış zamanı da bir rolex aparılmışdı və həmin saat da o təzyiq altında işləməyi bacarmışdı.
    7) hazırda rəsmi satışda olan ən ucuz rolex oyster perpetual modelidir və qiyməti 8.000 dollar civarıdır.

    bu həftə vaxt elədikcə və həvəsim olduqca araşdırırdım bu markanı. niyəsə məndə istər-istəməz fotokamera dünyasındakı leicanı xatırlatdı. analoji məsələlərdə: etdikləri yeniliklər, luks bir marka olaraq özlərini formalaşdırmaqları, olduqları sahənin tarixindəki rolları və necə yön verdikləri kimi bir çox şeylərdə oxşardırlar. kefinə düşən olsa varsa, girib leica başlığına yazdığım entrini də oxuya bilər.

    son olaraq, çox təəssüf ki, rolexin timsalında lüks saatlar haqqında "50 manatlıq saat da, 50min manatlıq saat da eyni zamanı göstərir" kimi ucuz düşüncələr var. lakin məsələyə bu aspektdən baxmaq heç də düzgün deyil. razıyam, hər nə qədər inanılmaz işçilik, əl əməyi və titizliklə istehsal etsələr də, qiymətlər çox bahadır. amma nəzərə almaq lazımdır ki, rolex zamanı göstəricisindən daha çox status göstəricisidir. eyni zamanda -iqtisadiyyatdan anlayışı olanların da biləcəyi kimi- bu saatlar və bu tip əşyalar(sənət əsərləri və s.) zəngin insanların öz sərvətlərini saxlama metodlarından biridir. 1 milyon pulu həm kağız, həm də 5-6 (və ya 1) saat formasında düşünün, onda anlayacaqsınız. sabah başınıza bir iş gəlsə, bütün bank hesablarınız bloklanacağı halda qolunuzdakı zadı bir anda 10, 100 minlərə çevirə bilərsiniz. eyni zamanda, illər keçdikcə dəyərlənən əşyadır, qiymətləri heç vaxt ölmür.

    qeyd: yazar bu entrini içində "bir gün hamımızın rolex ala bilmə imkanına çatmağı" arzusu və qolunda 25 dollarlıq casio vintage saatla yazmışdır. əşşi, əsas odur, qaqaş, o da eyni vaxtı göstərir, bu da!1!1!

    6 əjdaha!

    11.11.2022 20:04, Bertrand Zobrist


üzv ol


...