+8 əjdaha
1. Dəhşətə düşürəndir. Əsas da bu gələcəyə doğru yönəlibsə.Beyindəki ən güclü silahlardan biridir. Vəzirliyə də, rəzilliyə də keçid qapısının açarıdır.
Və həmişə insanlara qarşı qalxan rolunu üstlənir. Beyin yeyən gecə düşüncələrinin baş rollarından biridir. Əsas hekayənin prataqonistidir.
Qarşıma bir yol çıxdı az öncə. Şübhə etməyə başlayıram, amma bu şübhə ilə yaşamaqdan da sıxılmışam. Risk göylərdədir. Sonu da bilinmir. Günəş sistemi ilə alfa centauri arasındakı oord bulududur, asteroit qurşağıdır. Keçmək çox çətindir. Dimensiondan asılı olaraq.
Z oxunda irəliləməyi yoxlamaq lazımdır. Aplikat çağırır. illərdir absis və ordinatdan heç nə çıxmadı. Amma o çağırır.
Biz düşmənik. ikimizdən biri məhv olacaq. Ya mən, ya da gələcək. O gələcəyi gözlər önünə sərən illuziya ilə nəticələr arasındakı üfüq xəttidir şübhə.
Şübhə tək gerçəkdir.
Barmaqlarını bir-bir sındırdıqdan sonra bethovendən əsər gözləmək olar mı? Sualına hə, ya da yox cavabı verdirə bilməyən qüvvədir.
Varlı olmasaydı rus ədəbiyyatında dostoyevski bu qədər tanınardı sualına cavab verdirə bilməyən də o şübhədir.
Ziyalılar necə olur ki, ziyalı olur? Sadəcə yazı ilə? Riyaziyyatçılar da yazır. Hətta, yalnızca yazır. Fiziklərin ölçü aparatları, kimyagərlərin sınaq şüşələri, arxeoloqların yeraltları, bioloqların canlıları varkən, riyaziyyatçıların qələm və kağızdan başqa bütün dünyəvi problemlərdə köməklərinə çatacaq nəyi var?
ilk riyazi məsələ 2+2=4 olurdusa, cavabı 5 etməyən 4-dən başqa bütün ədədlərə duyulan şübhə idi. Amma 5 edə bilmədi və şübhə bir dəfəlik kəsildi. Sonra yenidən şübhə etdilər və 2+2=5 aldılar. Biz də bunu 7-ci sinifdə oxuyarkən görüb 4-dən şübhələndik. Riyaziyyat müəllimimiz isə təbaşiri başımıza çırpıb "sənə lazım olan budur!" deyə şübhələri yox etməyə çalışdı. Deməli, şübhələr qarşıdakı imtahana qədər kənara atılmalıymış.
Qarşımdakı imtahana qədər şübhəmi qırağa qoymağa çalışacağam.