+9 əjdaha
1. Xəstə tarixçələrində ortaq bir şey görürəm. Xəstəliyin siqaret istifadəsi zamanı yüngülləşməsi amma bundan uzaq durulduqda isə simptomların daha aydın görünməsi..Bu niyə baş verir? Niyə ürək-damar xəstəliyi keçirən biri siqaretdən uzaq durmalı ikən "mən çəkdim heç nə olmurdu" deyərək daha da çəkməyə davam edir.
1. Nikotin beyində serotonin, dopamin, endorfin ifrazını artırır. Bu maddələr xoş hisslər yaradır, narahatlıq, stress siqnallarını müvəqqəti azaldır. Bədən ağrı, halsızlıq, sinir gərginliyi simptomlarını ötürmək istəsə də beyin onları əhəmiyyətsiz olaraq qəbul edir.
Siqnalı səssiz rejimə atır.
Uzunmüddətli siqaret çəkənlərdə nikotin sinir reseptorlarını dəyişir (reseptor desensitizasiyası).
Yəni ağrı, nəfəs darlığı, qıcıqlanma kimi siqnalları qəbul edən hüceyrələr zamanla duyarlılığını itirir.
2. Siqaretin tərkibində 4000-dən çox kimyəvi maddə var. Onlardan bəziləri (məsələn, karbonmonoksid və formaldehid) ağ qan hüceyrələrinin fəaliyyətini zəiflədir.
Beləcə, Qızdırma yüksəlmir, iltihab zəifləyir, allergik burun axması və səpkilər azalır.
Məsələn: allergiyalı şəxs yayda günə 2 paçka çəkdiyini deyir və heç nə olmurmuş. Amma çəkmədikləri , azaltdıqları ərəfə bu əlamətlər daha da artaraq üzə çıxır.
Çünki əlamətlər gizlənir, xəstəlik dərinləşir. Və siqaretdən uzaq durulduqda "simptom gizlənmə" gedir. Çökmüş bədən dərinləşmiş gizlənmiş bu simptomları daha kəskin büruzə verdirməyə başlayır.
Başqa cür desəm, Bu, xəstəliyin yenidən başlaması deyil bədənin “oyanmasıdır.”
Yəni siqaretin yaratdığı saxta sakitlik aradan qalxır, immun sistem yenidən işləməyə başlayır.
3. Damarlarda vazokonstruksiya (daralma) edir. Qan axını azalır, toxumalarda oksigen çatışmazlığına (hipoksiya) səbəbdir.
Sinir uclarına az təsir bağışlayır. iltihab şişməsi azalır. Xəstəlik dərinləşir, çünki yenə deyirəm toxuma sağalmır, sadəcə əlamət gizlənir.
4. Tənəffüs yollarının “uyuşması”
Siqaret tüstüsündəki qatran və toksinlər tənəffüs yollarının selikli qişasını zədələyir.
Bu, öskürək refleksinin və selik ifrazının azalmasına gətirib çıxarır. Qişaların isə həssaslığı artır.
Nəticədə, bədən ağciyərdə toplanan bəlğəmi çıxara bilmir, amma insan özünü “daha az öskürürəm, deməli yaxşıyam” kimi hiss edir.
Əslində isə xəstəlik səssiz şəkildə irəliləyir.
Nə etməli? Siqaret buraxılmalı, bədənin özünü bərpasına həm siqaret fəsadı həm xəstəlik simptomlarının ağırlaşmasının qarşısını alınmasına icazə verilməli..
Və bir yerdən sonra siqaret çəkmək istəyib çəkə bilməyəndə başa düşməlisiniz ki bədəniniz sağalmaq istəyir. (Detoksifikasiya) Siqareti yad cisim olaraq qəbul edir, sağalmaq istəyir.
Bu kimi mexanizmləri yanlış anlayaraq, tərgitmək əvəzinə xəstəliyi dərinləşdirməyin.
Bu müddət ərzində
Çoxlu su için. (Bədənə oksigen bərpası, antioksidant təsir, qaraciyər və böyrəklərə o ağır maddələr üçün filtrasiya)
Vitamin C, E və antioksidant (iltihab və hüceyrə yaşlanmasını azaldır) qəbul etmək
Tüstüdəki sərbəst radikallar hüceyrə membranı, Dnt, damar endoteli( daxili qatını) zədələyir.
Vitamin C o radikalları neytrallaşdırır, kollagen sintezini bərpa edir.
Vitamin E membranı qoruyur. Xüsusilə, Ağciyər alveol lipidlərinin..
Yüngül idman və məşqlər bədənə oksigen bərpası üçündür.
Belə