+1 əjdaha
1. Azərbaycanda, xüsusilə Bakı şəhərində ən çox rast gəlinən kommersiya obyektidir. Azərbaycan kişilərinin yeyib-içmək adəti, avtomobil və masaüstü oyunlar sevgisi nəzərə alınaraq atılan biznes addımıdır. Hal-hazırda da aktualdır. Səbəbləri ayrı-ayrılıqda incələyək.1. Sosial mühitimizdə avtomobil sahibi olmaq həmişə müsbət hal kimi sayılmışdır. Üstəgəl həmin avtomobil bahalı və yeni olduğu zaman sahibi cəmiyyət içində daha ön plana çıxır. Bu cür insanların da mümkün qədər sosial mühitdə özünü və sahib olduğu avtomobili göstərməyi labüddür. Bu anda köməyə moyka və çayxanalar gəlir. Çoxlu insanın gəldiyi yerlərdə diqqət çəkmək daha asan olur.
2. Masaüstü oyunlar xalqın qədim ənənələrindən gəlir. istər klassik istərsə də müasir və azart tipli masaüstü oyunlar xalqımız tərəfindən tez və geniş miqyasda mənimsənilmişdir. Ən çox yayılanlardan Nərd, domino, kartı misal göstərmək olar. Bu tip oyunların rahat oynanılacağı yerlərdən biri çayxanadır. Həmçinin insanların bir-biriylə söhbət edib fikir bölüşməsi baxımından ən çox önə çıxan məkan növüdür.
3. Yeyib-içmək adəti xalqımızın sanki geninə yazılmış bir koddur. Hər bir bölgənin özünəxas təamlarının olması buna bariz nümunədir. Hətda pivə kimi sadə bir içki üçün müxtəlif növdə və sayda məzənin olması bizim yeyib-içmək mövzusunda necə inkişaf edə biləcəyimizi göstərir. Evdən kənarda dost-tanış mühitində hər hansı bir hadisəni qeyd etmək və ya problemlərdən uzaq dərdləşmək üçün süfrə başında yığışmaq xalqımız üçün adi haldır.
Bütün bu yuxarıda sadalanan ünsürləri nəzərə aldıqda müəəyən maddi kapitalı olan şəxs üçün ən təhlükəsiz və rahat yatırım obyekti kimi bu görünür. Əlbəttə dövr dəyişdikcə müasir gənclər arasında qərbsayağı məkanlara yönəlmə artır lakin bütünlüklə bir ölkə xalqının baxış bucağının dəyişməsi üçün hələ uzun vaxt lazımdır.