əjdaha lazımdı
izlə
dostlar
mən
googlla
nick cave
-
sözlük yazarlarının arzuları
-
mary and max
-
yazarların getmək istədikləri ölkə
-
the water diviner
-
russell crowe
-
avstraliyada yaşamaq
-
öyrənildiyində təəccübləndirən məlumatlar
-
ikinci dünya müharibəsi
başlıqdakı ən bəyənilən yazılar:
+36 əjdaha
13. ismarıc qutusuna hərdən haqqında suallar gələn ölkə. çoxunu birləşdirə bilməyəcəm, son gələn məktuba cavab yazırdım, qərar verdim ki açıq yazım, sizə də faydalı olar.
sual 1. avstraliya zelandiyadan nəyə görə üstündü?
cavab: zellandiyadan üstün olduğunu deməzdim. baxır konkret hansı sahədən yanaşırsan. zellandiyadan fərqli olaraq avstraliayda böyük şəhərlər çoxdur və iş imkanları da böyükdür. infrastruktur zelandiyadan daha çox inkişaf edib (bu o demək deyil ki zelandiya zəifdi sadəcə yeniliklər avstraliyaya daha tez gəlir)
sual 2. şəkillərdəki kimi çox quraqdı yoxsa yaşşılıqdı? ya ikisinin ortasıdı?
cavab: quraq hissələr əsasən mərkəzdədir, mən east coastda yaşayıram, buranı avtomobillə 1500-2000km sürmüşəm və demək olar ki bütün sahil zonası meşəlikdir. yəni sahildə (şərq,cənub-şərq,cənub) yaşasan səhra görməyəcəksən. onsuz da əhalinin 95i bu hissələrdə yaşayır. içərilərdə yaşayış yerləri demək olar ki yoxdu
sual 3. evlər, yaşayış yerləri amerikadakı kimidi? yəni geniş səkilər yanında iri ağaclar uzun evlər filan
cavab: həyat tərzi demək olar ki abşla eynidi.
sual 4. şəkillərdə zelandiyanın təbiəti daha yaşıl görünür, avstraliya yazandaysa ancaq kenquru səhra filan gəlir avstraliyada kenquru söhbəti şişirdilib deyə ən çox onların şəkili gəlir yoxsa təbiətə görə zelandiyadan daha zəifdi?
cavab: zelandiya mülayim iqlimdə yerləşir, şimal adası ilə avstraliyanın cənub hissəsinin iqlimi oxşardı, zelandiyanı tam gəzmişəm, cənub adası avropa təbiəti kimidi, hətta cənub alpları deyirlər dağlarına. avstraliyada elə iqlim təkcə tasmaniyadadı. şimal adasının təbiəti daha zəifdi bir az quraqdı.
(ps. əgər iqlim barəsində baxmaq istəyirsənsə bunları quqlda axtar - brisbane, cairns, whitsunday, kakadu park, byron bay, townsville, hobart - görəcəksən ki müxtəlif yerlərdə müxtəlif iqlimlər var)
sual 5. kanada kimi çox sakitdi yoxsa normaldı?
cavab: kanada kimi sakitdi, elə bil əhali 7/24 istirahətdədi, hətta insan ölümü ilə əlaqəli cinayət baş verəndə sensasiya ilə qarşılanır.
sual 6. klassik sual həşəratlar, ilanlar doğurdan çoxdu?
cavab: həşəratlar hər yerdədi, evdə, çöldə, hörümçəklər, uçanlar, tarakanlar yekə-yekə yayda şəhərin ortasında ora bura qaçırlar. ilan çoxdu amma şəhərlərdə demək olar ki olmur.
sual 7. iqlimə görə hansı şəhər yaxşıdı? normal iqlimili yəni qışı öz yerində yayaı öz yerində olan
cavab: melburn - dünyanın ən yaşamalı şəhəridi statistikaya görə. təxmini havası bakı kimi olur amma qar yağmır qışda, yayı da arada çox isti olur amma hava qeyri sabitdi deyə dəniz tam qıza bilmir dənizə girmək olmur yayda, bir də külək olur zəhlətökən, bakı kimi. sydney - demək olar ki nyuyorkdu, qışı mülayim olur, nazik kurtkaynan yola vermək olur. yazı payızı superdi, amma yayda hərdən dəhşət istilər olur. brisbane - yaşadığım şəhərdi, qış demək olar olmur, təkcə qış gecələri soyuq olur o da minimum 8-9 dərəcə, gündüz 15-18 dərəcə olur soyuqlar vaxtı. hətta qışda günorta qısaqolnan gəzmək olur. yayı rütubətli tropik olduğuna görə leysanlar olur, amma hava yenə də isti olur bakı yayı kimi. evində baseyn və kondisioner varsa problem olmur -*
sual 8. ümumi pis cəhətləri nədi? entrylərdə yazdıqlarından başqa
cavab: pis cəhəti hər yerdən uzaq olması, iş tapmağın çətinliyi, oturma izni (pr) almaq üçün lazım olan balın çox olması və çətin olması, bahalı kirayə və ev qiymətləri (başqa şeylər o qədər baha deyil, xidmət sahəsini çıxmaq şərtilə)
+20 əjdaha
3. dünyanın ən "xoşbəxt" ölkələrindən biridir.
xoşbəxti dırnaq işarəsi altında yazdım, soruşun niyə? çünki xoşbəxtlik mütləq deyil, nisbi anlayışdır, xoşbəxtliyi ölçmək mümkün deyil, "mən səndən daha xoşbəxtəm, ehehe" demək də mümkün deyil. xoşbəxtlik ölçülməz.
indi isə gəlim əsas məsələyə. bu ölkənin insanları dünyada heç nəyə qoz qoymurlar. adamların siyasi görüşləri, seçimləri, tərəfləri yoxdur. adamın birini küçədə tutub "milli məclisdə*
hökümət bilmirəm burda necə adlanır, nəysə
filan şeylə bağlı məsələ qaldırılıb, bu barədə necə düşünürsünüz" deyə soruşsanız "qaqa, mən nə bilimee, qoy onlar düşünsünlər, onlar ona görə pul alırlar, mənim nə qozuma" deyə cavab verəcək. bəllidir, onsuz da, qaqanın bu dəqiqə qlobal problemi (!) itinə axşam yeməyi üçün tomatda qızardılmış salmon yoxsa barbekyu souslu steyk konservası almasına qərar verə bilməməsidir. səbəb isə sadədir - yenə də hakimiyyət*
indi deyəcəklər ki bu debil avstraliyanın hakimiyyətini tənqid edir
çünki hakimiyyət insanlar üçün hər bir şəraiti yaradıb, elə bir mühit formalaşdırıb ki insanlar avtomatik olaraq robota çevrilirlər. hakimiyyət sənə deyir ki, qaqa sənə nə lazımdırsa təşkil edirəm - aylıq yüksək maaş, ev, maşın, sığorta, rahat iş tapmaq qarantı və s. təki sənin heç nə ilə işin olmasın keyfinə bax. nəticədə nə olur? həftədə 5 gün işləyib, altı bazar içib göt gününə düşən, növbəti həftələrdə də bunu davam edən bir varlıq formalaşır. adam high schoolu bitirir, universitetə apply etməyə tənbəllik edir, orta təhsillə gedib hansısa barda*
iş növü dəyişə bilər
bokala pivə doldurmağa başlayır. səhər, günorta, həftədə 5 gün pivə doldurur. bu qədər! adamın bütün həyatı həftədə 5 gün pivə doldurub, həftəsonu da həmin bakaldan pivə içməkdən ibarət olur.
bəli, yaza bilərsiz ki, bundan sənə girib çıxan nədir, adam xoşbəxtdi də, qoy həyatını yaşasın da. amma elə deyil axı. adam ölənə qədər bu işlə məşğul ola bilər. əsas problemlərdən biri, hansı ki problemsizliyin və dırnaqarası xoşbəxtliyin səbəbi budur ki, bu adamın həyatda heç bir məqsədi yoxdur. yəni, adam düşünmür ki, mən burda pivə doldururam, bəlkə cəhd eləsəm nə vaxtsa bu barın müdiri ola bilərəm. yox əşşi, kimdi qoz qoyan ala. deyir bu mənə bəsdi, mən belə xoşbəxtəm. və nəticədə nə olur? işləyən, ölkəsinə, hakimiyyətinə sədaqətlə qulluq edən, ətrafında baş verən hadisələrə heç bir reaksiya bildirməyən kütlə formalaşır. və bu kütlə unlimited içkisi, düşük tv showları və backpacker həyatları ilə çox "xoşbəxtdir"
general olmağı düşünməyən əsgərdən əsgər olarmı? olmaz.
mən anarxist, solçu, deyiləm, nidaçı vabşe deyiləm -* amma insan adlanan, öz şüuru ilə heyvandan fərqlənən varlığın belə bir həyata sahib olması və bunu qəbul etməsinə qarşıyam.
edit: səhər-səhər bu ölkənin sonsuz gözəllikləri barədə yazmaq varkən niyə belə bir yazı yazdım, anlaya bilmirəm. hərdən çox sentimental (!) oluram.
+16 əjdaha
9. birgun avstralyaya geden teyyareye minecem ve samalyot qalxanda butun avrasyaya orta barmag gosterecem. ici post sovet olkeleri asiya,bombalar,bizim mentalitet,amerikansayagi baki,xatirla meni,picilti,aztv,hakimiyyet vs muxalifet,gic gic mental sohbetler qarisiq butun zaqafqazyaya.
+9 əjdaha
14. Ölkənin ən böyük iki şəhəri Sidney və Melburnun hansının paytaxt olmalı olduğu haqqında yekun qərara gələ bilmədikləri üçün dövlət tərəfindən paytaxt kimi Kanberra şəhəri tikildi.
Paytaxt təxminən bu iki şəhərdən eyni məsafədə yerləşir, lakin Avstraliya konstitusiyasının 125-ci maddəsinə əsasən, «Yeni Cənubi Uels ştatının daxilində və Sidney şəhərindən ən azı 100 mil aralıda olmalıdır».
Yerin adı isə ola bilsinki,aborigen sözləri olan «Nqambri» və ya «Kamberi» sözlərindən əmələ gəlib.
+7 əjdaha
16. Bu qitədə yaşayan məməlilərin demək olar hamısı kisəlilərdir ne kerametse. Kenqurular, koalalar, kisəli köstəbək, kisəli dələ, kisəli şeytan və s. Bir digər nəsli kəsilmiş növ kisəli canavar (tasmaniya pələngi) Kisəlilər dəstəsinin 250 növündən 180 növü burada məskunlaşıb.
+6 əjdaha
11. ingilis dilinin ən cool aksentində danışılan ölkə. ah, o eight [eit]-i [ayt] kimi tələffüz edən qızlar..
+6 əjdaha
15. 20 ci əsrin əvvəllərində dovşanlara qarşı ölkə ərazisində 2023 mil (3256 km ) uzunluğunda çəpərlənən materik. hekayəsi budur ki. dovşanların ana vətəni hesab edilməyən bu materikdə çox dovşana rast gəlinmirdi. dovşan fermaları ilk dəfə 1788-ci ildə qurulmağa başlandı. məqsəd isə dovşan ətini yemək idi. beləliklə bir neçə fermalar qurulur. bu fermalardan biri də ingiltərədən köç edib gəlmiş thomas austin idi. bu ingilis 1859-cu ilin oktyabrında qurmuş olduğu fermada bəslədiyi 24 dovşanı açıq təbiətə buraxır. məqsədi isə həm onları ovlamaq həm də insanları əyləndirmək idi. di gəl bu fermerin hesaba qatmadığı məsələ vardı. dovşanlar normal hava şərtləri altında sürətli çoxalsalar da bunu soyuq aylara aid etmək olmaz. amma avstraliyada qış o qədər də soyuq keçmədiyindən və onları ovlayanlar da olmadığından çoxalmağa başlayırlar. üstəlik də qorunmasız qalan tarlalarda yeyib daha da güclənirlər. hökumət də dovşan hücumlarına qarşı tədbirlərə əl atır. əl atdıqları tədbirlər də fayda verməyəndən sonra çəpərləmələrə başlayırlar:
![]()
1901 -1907 -ci illər arası çəpərləmə işlərini görməyə başlamışdılar. bu yolla da kontrol edə bilmədikdən sonra 1950-ci ildə dovşanlara virusla zəhərləməyə başladılar. 600 milyon nüfuzları olan dovşan sayı bu sayədə 100 milyona düşür. 1991-ci ildə isə sayları bir qədər artaraq üç yüz milyona çatır. keçən il meşə yanğınları səbəbilə suya qənaət etmək üçün dəvələri öldürmələri yəqin yadınıza gəlir. həmin çəpərləmələrdən bəziləri :
![]()
![]()
məlumatlandırıcı nişanlar :
![]()
![]()
bu çəpərləmənin gülünclüyünü çatdıran karikatura
![]()
sərhədi qoruyan bir patrul işçisi
![]()
+6 əjdaha
6. kağız pullar əvəzinə plastik pullardan istifadə edən ölkə. məqsəd isə pulların fiziki ömrünü uzatmaqdır. hal-hazırda bu ölkədən dərs alaraq 20-dən çox ölkə də plastik puldan istifadəyə keçib
+4 əjdaha
8. illər əvvəl, sinifdə ingilis dili dərsində sinifdən bir uşaq ölkənin adını [osturaliya] deyə tələffüz etmişdi, biz də cırılmışdıq gülməkdən.
+4 əjdaha
1. cenub yarımküreside yerleşib avstraliya materikini,tasmaniya adasını,hind ve sakit okeanda yerleşen bir neçe adanı ehate eden, milletler birliyin üzvü olan bir dövlet.sahesine göre dünyada altıncı en böyük ölke sayılır.avstraliya ittifaqından şimalda şerqi timor, indoneziya, papua-yeni qvineya, şimal-şerqde-vanuatu, yeni kaledoniya, solomon adaları,cenub-şeqde-yeni zelandiya yerleşir.2011-ci ilde ehalisinin sayı 22 697 004 nefer olmuşdur ki,onlarında ekseriyyeti ölkenin şerqinde yerleşen şeherlerde yaşayır. avstraliya inkişaf etmiş ölkeler sırasına daxildir ve iqtisadiyyatının böyüklüyüne göre dünyada on üçüncü yerdedir.avstraliya herbi xerclerin hecmine göre dünyada on dördüncü yerdededir
+3 əjdaha
5. avstraliya ing "commonwealth of australia"yəni avstraliya ittifaqı.ərazisi 7 milyon 692 min kv km (dünyada 6-cı böyük ölkə) paytaxtı kanberra şəhəridir.iri şəhərləri isə sidney melburn pert brisben adelaida şəhərləridir.hələ qədim roma imperiyası dövründə avropalılar cənub yarımkürəsində bu yaşayış məskəninin olduğunu bilirdilər və onu "terra australis incognita" naməlum cənub yer adlandırırdılar.(australia latınca cənub deməkdir)ölkədə nəqliyyat sayı çox olsa da yaşıllıq olduğca zəngindir.
qəribədi ki palçığınnan da qızıl çıxır buranın.əhali çox optimist və "kefkom"du.əgər ingiliscə bilirsənsə dediyin hər sözü zarafata salacağlar.olduğca isti və quraq iqlimi olan avstraliyada 21 martda yaz yox payız fəsli girir.dərslər sentyabrda deyil fevralda başdıyır.
kenqurularıyla məşhurdur bu ölkə.marağlıdır ki,sidney və melburn hansının paytaxt olmaları məsələsində razılığa gələ bilmədiylərinə görə paytaxtı kanberra olaraq seçiblər.bu şəhər həm sidney,həm də melburnla təxminən eyni məsafədədir.
yerli əhali isə əsasən aborigenlər və malayziya köklü torres streitlərdir.hindistannan 2.4 dəfə böyük olmasına baxmayaraq əhali cəmi 22 milyondur.85% i şəhərlərdə yaşıyır.
+3 əjdaha
7. bu il 4cü dəfə ardıcıl olaraq dünyanın ən xoşbəxt ölkəsi seçilmişdir.
http://www.theguardian.com/business/2013/may/28/worlds-happiest-countries-oecd-australia
+2 əjdaha
12. şirinlik abidəsi olan model miranda kerr'in vətəni.
+2 əjdaha
10. heddinnen artig cox pive icen ve danismagdan bezmeyen insanlarin yasadigi olke
+2 əjdaha
2. kenquruların vətəni. yerli əhalisi aborigenlərdir.
+1 əjdaha
4. şəkillərdə http://bigpicture.ru/?p=500419
hamısını göstər
