2. bir iki gün əvvəl alnım boyda "reject" aldığım təqaüd proqramıdır. ora qəbul olmamağıma ona görə sevindim ki, almaniyada bir insanın oxuya biləcəyindən daha da çətin təhsil sistemi var və təqaüd həm də illik təhsil haqqı içində nəzərdə tutularaq ödənilir (853 avro idi deyəsən aylıq təqaüd). və müsahibə mərhələsində ixtisasla bağlı, ümumi dünya görüşü kimi mövzulardan başqa almaniya ilə nə qədər tanışsan, alman dili və mədəniyyəti səninçün nə ifadə edir və sairə kimi mövzulara girirlər. ömrüm boyu almaniya haqqında düşünməmiş bir insan kimi, içdən-içə sevinirəm. amma həm də ona görə pis oluram ki, daad öz xüsusi formlarında istəyir tövsiyə məktublarını və o məktubları imzalatmaq və möhürlətmək üçün mən öldüm, dirildim bakı dövlət üzündən. hələ bir də daad-in xəstə bir istəyi var: sillabus. daha doğrusu, sillabus deyirlər, amma 4 il ərzində nə keçmisənsə, onun transkripti (amma imtahan balını yazmadan, sadəcə dərsin adı və saatı, krediti) və içində nə keçmisənsə onu yazırsan. digər universitetlərə bu dokument formatı tanışdırmı, bilmirəm, amma bduda yüz faiz tanış deyildi, mənə gic kimi baxırdılar və dolayı yolla onu da möhürlətdirmək üçün 3-4 gün uniyə ayaq döymək və işini bilməyən və məni çərlədən insanlarla üzləşmək məcburiyyətində qaldım.

bundan başqa isə humanitar fənnlər üzrə daad-dən qəbul almış olan varmı, bilmirəm, amma çox çətindi. daha çox mühəndislik, it, bir də az-çox iqtisadiyyat üzrə master oxumaq istəyən tələbələrə açıqdılar.