2. o vaxtı bizim ev məktəbdən uzaq idi. uşaqlar mənlə məzələnmək üçün həmişə bu kənddə yaşayır deyirdi. kənd deyildi ama doğrudan, yəni sadəcə rayonun kəndlə birləşən hissəsi idi. nəysə. bizim maşın yox idi əvvəllər, sonra oldu onda da çox vaxt ya xarab olurdu evdə qalırdı ya da ustada. xüsusilə qışda matoru donurdu, piyada gedirdim dərsə çox vaxt. səhər dərsə gedəndə qışda, məsələn dərs başlayır yeddidə, mən çıxmalıyam 6: 20 dəki gedim çatım. çıxırdım evdən 6: 20də, gedib dayanırdım küçənin başında. qonşular var idi maşını olanlar, bilirdim ki məsələn bu gün elsəvərin babası aparacaq, anarın papası hər gün aparır ama onlar dolu olur çox vaxt. yusifgil keçə bilər. dururdum küçənin başında, maşın səsi eşidən kimi başlayırdım məktəbə tərəf yavaş yavaş yeriməyə ki güya bunları gözləmirdim də onsuz da dərsə gedirməmmiş kimi davranırdım. bildiyinin yazıq karikatura obrazı kimi -*. düşün arxadan maşın yaxınlaşır, güya salam vermək üçün başımı döndərirəm də, ama içim içimi yeyir ki ala görəsən saxlayacaq ya salam verib gedəcək. dönürdüm belə qəribə bir üz formasıyla əlimdə əlcəklər burnum görünür bidənə, ayaqlar palçıq. bir də baxırdım ki atası verib maşını oğlu yusif sürür, o da piç gülüşü atıb siqnal verib palçığı da üstünə sıçradıb keçib gedirdi. əsəbləşirdim o biri qonşunu gözləyirdim. bir ikisi belə gəlib keçirdi. bəzi günlər heç götürən olmurdu, bəxtin gətirsə kiminsə ya yazığı gəlirdi, ya maşın boş olurdu götürürdü. nizami kişi var idi, əvvəl polis olmuşdu əməkdar olandan sonra məktəbdə riyaziyyatdan dərs deyirdi. düşün. elə bir məktəb idi zatən. bəzən o kişiyə əsəbləşirdim ki polis olmusan , özün də bilirdinsə də yadından çıxıb niyə gəlib uşaqlara dərs deyə bilməyib kor edirsən təhsillərini. ancaq çox yaxşı adam idi deyə sonra əsəbim soyuyurdu. o götürürdü həmişə səhərlər yolda görəndə. boş olsa maşın. çünki məndən daha sırtıq bir iki qonşu var idi onlar səhərlər birbaşa evlərinə gedirdi bunların ki məni də apar.
ən pisi o idi ki heç bir maşın səni götürməsə tələsik qaça qaça getməliydin dərsə çünki geciksən həm dərsə buraxmaya bilər bəzi müəllimlər, həm qayıb olur, həm soyuq olur çöldə gözləyirsən. əziyyətin boşa gedirdi. danlayırdılar.