3. Fransız Afrikası qavramının keçmişdə qaldığına iddia edən bir bəyanat. Fransız afrikası hələ də mövcuddur. Nə olsun ki xəritədə afrikada fərqli 'müstəqil' ölkələr görünür.

Fransa prezidentlərinin afrika səfərləri zamanı öz valiləri ilə necə danışdıqlarını, 'çaşan' valilərin aqibətini, valini qoyaq bir kənara, afrikalıları borclu çıxaran bəyanatları onu deməyə əsas verir ki, Burkina Faso, Kot Divuar, Mali, Niger və s. müstəqil ölkələri yox, Fransız Afrikasının regionlarını bildirən coğrafi adlar olaraq qalmaqda davam edir.

Fransanın hal-hazırda 5 afrika ölkəsində hərbi bazası, 8 afrika ölkəsində isə faktiki hərbi varlığı mövcuddur.

Cfa frankı isə başlı-başına ayrı bir məsələdir. Fransa 14 afrika ölkəsinin valyutasını avroya sabitləyərək, kölələrinin ayaqlarına vurduğu qandalların dəmirini daha da möhkəm edib.
1958-ci ildə Qvineyada cfa frankının qəbulu ilə bağlı keçirilən referendumda 95% 'yox' səsinin çıxmasından sonra, Şarl De Qollun verdiyi iddia edilən təlimatla Qvineyada yüksək kürsülərdə yağlanıb piylənən 4000-ə yaxın fransız ölkəni tərk etmiş, tərk edərkən kitabları yandırmaqdan tutmuş tibbi cihazları yararsız hala salmağa qədər vura biləcəkləri bütün zərəri vuraraq ölkədən ayrılmışdır. Ölkədə yaradılan süni xaos hamıya dərs olmalı idi.
Ağıllanan afrika ölkələri cfa frankına keçidi qəbul etdilər. Şərtlərdən biri də o idi ki, bu ölkələr valyutanın sabitliyi üçün öz valyuta ehtiyatlarının 50%-ni fransa mərkəzi bankında saxlamalı idilər. Bəli, Camaatı zorla öz valyutasına keçməyə məcbur edən fransa, hələ bir şərt də irəli sürürdü.

işin ironik tərəfi - bu ölkələrin müstəmləkə (yəni de jure də müstəmləkə olduqları zaman) dövründəki valyutasının adı da cfa frankı idi. Colonies françaises d'Afrique (Fransız afrikası koloniyaları) sözlərini Communauté Financière Africaine (Afrika maliyyə birliyi) ilə dəyişdirib, abreviaturanı eyni saxlamışlar. Hardan baxsan mesajdır. Adı dəyişsə də, mahiyyəti eyni qalıb, ölkələrin özləri kimi