1. kənd yerlərində milçək və ağcaqanadlardan qorunmaq üçün balkonlarda sərin havada yatarkən yataq ətrafına asılan tül materiallar. biz uşaq ikən hər bayram ya ziyarətdə babamgili ziyarət edərkən evdə 50-ya yaxın insan yatırdı əmilər və uşaqları və.s böyük balkonda milçəkkən qurulurdu və 10-15 uşaq birlikdə içində yatırdıq külək və həyətdən axan arxın suyuyla. uzaqdan gələn it səsləri, inək, at, qoyun quzu, olmayan dağlar və buğda tarlasını eşib keçən mehin deməyə çalışdığı şeylər. hər şey don kixot romanı ya jodorowsky filmi kimi xatırlanır indi. hər həftədə bir sübh tezdən səhər beşdə oyanıb əmimlə at belində 200-dən çox heyvanı otarmağa apardığımız o evdə artıq nə babam nə nənəm yaşayır. insanların durduq yerə yoxa çıxması ölümdən daha da qəribədir.

(‌bax: oçura getmək)
(‌bax: çardaqda yatmaq)