şahin xəlil nədir

+9 əjdaha

3. "əvvəl-əvvəl sadəcə qız idi. sonra saçları saraldı. sonra həmin sarı saçlar buruldu. sonra gözlər yaşıllaşdı. sonra kökəldi. sonra arıqladı. sonra sakit tip oldu. sonra dəlisov. sonra yaşı çoxaldı. sonra azaldı. sonra... sonra... sonra... ideal obrazın sonralarını çoxaltmamaq üçün istəklər az olanda sevmək lazımdı" - kimi biz kişilərin potensial sevgililərimizi necə inkişaf etdirdiyimizə dair bilinən fikiri marağlı bir formada bildirən keçmiş yazar.

+5 əjdaha

1. azərbaycanlı gənc rejissor. bəzi işlərini görüb bəyənmişdim. təqdim etdiyi ən yaxşı 13 film siyahısı ilə sonsuz hörmətimi qazanan insandır.
şahin xəlilin ən yaxşı filmlər siyahısı belədir:

1. “Gecə”, Mikelancelo Antonioni, 1961-ci il, Berlin festivalının “Qızıl ayı” mükafatı - “Antonioni mənim üçün kinoda zirvədir. Əlçatmazdır. “Gecə” haqqında isə bircə onu deyə bilərəm ki, bu film olmasaydı, kino yarımçıq olardı”.

2. “Qayıdış”, Andrey Zvyagintsev, 2003-cü il, Venesiya kinofestivalının “Qızıl şir” mükafatı - “Mənim üçün ən doğma film. Bu filmi, bəlkə də, mənim qədər heç Zvyagintsev də sevə bilməz”

3. “Əbədilik və bir gün”, Teodoros Angelopulos, 1998-ci il, Kann kinofestivalının qalibi - “Bir filmin adı filmə yalnız bu qədər yaraşa bilərdi. Əlimdə imkan olsaydı, bu filmin lentlərini yandırardım, satışdan, internetdən yığışdırardım ki, hər təsadüfi insan izləməsin”.

4. “Pıçıltı və qışqırıqlar”, inqmar Berqman, 1972-ci il, bütün nüfuzlu kino mükafatlarının sahibi - “Filmin son səhnəsində sözün əsl mənasında donmuşdum. Berqmanın möhtəşəmliyi qarşısında çox acizik. Elə bir tablo yaradıb ki, filmin təsir gücü insanı əzir”

5. “Dekoloq”, Kşiştof Keslyovski, 1989-cu il, Venesiya film festivalının mükafatçısı - “Əminliklə deyə bilərəm ki, kinoya marağı olmayan, film izləməyən insan üçün yeganə izlənməsi vacib filmlər toplusudur. Xüsusən də, "Ölüm haqqında qısa film" mükəmməldir”.

6. “Dalğaları yararkən", Lars fon Trier, 1996-cı il, Kann kinofestivalının qran-prisi - “Trierin bu filmindən sonra 2-3 gün xəstə kimi gəzmişəm. Film sevgini insanların qorxduğu, görmək istəmədiyi bucaqdan təqdim edir. Biz bu filmlə yanaşı, öz murdarlığımıza, qorxularımıza baxırıq”.

7. “Bir zamanlar Anadoluda”, Nuri Bilgə Ceylan, 2010-cu il, Kann kinofestivalının qran-prisi -“Ən çox izlədiyim filmdir. Ceylanın “imza filmi” deyə bilərəm. Bu filmdən sonra Ceylan rahatlıqla kinodan gedə bilər, çünki bu böyüklükdə sənət əsəri yaradıb. Filmdə təkcə alma səhnəsinə 100 dəfə baxmağa dəyər”.

8. “iri plan”, Abbas Kiarostami, 1990-cı il, 10-a qədər beynəlxalq festivalın mükafatçısı - Abbas dahidir. Belə möhtəşəm film çəkmək hər kişinin işi deyil. Büdcədən şikayət etmək lazım deyil. insanların içinə enmək, oxumaq lazımdır”.

9. “Həyat belədir, Baltazar”, Rober Bresson, 1966-cı il, dünya kinosunun 20 şah əsərindən biri - “Bresson bizi bağışlasın. Biz insanlar onun eşşəyi qədər deyilik, olmayacağıq da”.

10. “Turin atı”, Bela Tarr və Aqnes Xranitski, 2011-ci il, Berlində “Gümüş ayı” mükafatı - “Hər qış baxıram, hər baxanda da soyutma kartof yeyirəm. Filmdə valehedici gözəl kadrlar var”.

11. “Həyat ağacı”, Terrens Malik, 2011-ci il, Kannda “Qızıl palma budağı”nı qazanıb - “Malik elə bir bir film çəkib ki, onu sevməmək günah olardı. Kim deyirsə ki, lazımsız kadr yığınıdır, gülün keçin. Bu filmdə artıq kadr yoxdur”.

12. “Güzgü”, Andrey Tarkovski, 1974-cü il - “Tarkovskini anlamaq yox, sadəcə, izləmək lazımdır”.

13. “Yatan adam”, Bernar Keyzann, 1974-cü il - “Fil qulağında yatmışıq. Bu film insanların nə qədər zibil, murdar, alçaq, vəhşi olduğunu şillələyərək qulağımıza qışqırır”.
mənbə: 1937.az

dostlar, filmlərin adları azərbaycanca olduğundan tapmaqda çətinliklər olur. ona görə filmlərin imdb siyahılarını yazıram ki, filmləri rahat tapıb izləyə biləsiz.

1.http://www.imdb.com/title/tt0054130/?ref_=nm_flmg_wr_14
2.http://www.imdb.com/title/tt0376968/?ref_=nm_knf_t1
3. http://www.imdb.com/title/tt0156794/?ref_=nm_knf_t2
4. http://www.imdb.com/title/tt0069467/?ref_=nm_flmg_wr_27
5. http://www.imdb.com/title/tt0095468/?ref_=nm_flmg_wr_13
6. http://www.imdb.com/title/tt0115751/?ref_=nv_sr_4
7. http://www.imdb.com/title/tt1827487/?ref_=nv_sr_1
8. http://www.imdb.com/title/tt0100234/?ref_=nm_flmg_wr_23
9. http://www.imdb.com/title/tt0060138/?ref_=nm_flmg_wr_7
10. http://www.imdb.com/title/tt1316540/?ref_=nm_flmg_dr_1
11. http://www.imdb.com/title/tt0478304/?ref_=nv_sr_1
12. http://www.imdb.com/title/tt0072443/?ref_=nm_flmg_wr_6
13. http://www.imdb.com/title/tt0192718/?ref_=nv_sr_2

+3 əjdaha

4. facebookdan tanıyıram. sadə biridi. bu yaxınlarda "agony" adlı qısa filmi yayımlanacaq. yaxşı bir şeyə oxşayır.

"agony" -

(youtube:

)

əvvəl çəkdiyi eksprimental film - "choice" -

(youtube:

)

+1 əjdaha

2. Azərbaycanda ilk elektron film jurnalı olan "Film Fiction" jurnalının yaradıcılardan biri və baş redaktoru. Kino anlayışımın və zövqümün dəyişməsinə səbəb olmuş gənc azərbaycanlı rejissor. Bu yaxınlarda ilk uzun metrajlı filmini çəkdiyini bildirmişdi. Filmin adı "Seçim"dir. Trailer : https://www.youtube.com/watch?v=bAbzzhcJ5KY