vergidə işləyən anarxist


138   0   0   0
1. nəsil əcdad yazar
entry: 138
reytinq: 927
karma: 69
izləyən: 24
oxunma: 8,046






ametu

bu il bu Yazarımızla realda tanış oldum. Doğurdan cana yaxın insandır. Olduğu mühitə şənlik qatmaq istəyir, alınır ya yox o ayrı vaxtın söhbəti olsun. -* hərdən adama elə gəlir ki, heçnə fikirləşmir və hər şeyi unudur. Məni həyatda tanıyır, sözlükdə isə tanımır.

vergidə işləyən anarxist

Nə vaxtsa getməmiş və nə vaxtsa qayıtmayacaq yazar. Son 3-4 ildə həyatımda çox şey dəyişdi, yeni sahələrə qurşandım, yeni nələrsə öyrəndim. Ümid edirəm nə vaxtsa həvəsim olar müxtəlif başlıqlarda maraqlı məlumatları və kimlərinsə yoluna fənər tutacaq, tam dibdən necə çıxılmalı barədə öz hekayəmi bölüşərəm.
(bax: bu aydının üzlər görüb üzləri )

sevişmək istənilən məşhurlar

haqqında bu qədər entry girildiyini görüb, yenə hansısa yeni yazarın niki olduğunu və onun sözlük yazarları tərəfindən hansısa entry-i sebebinden linç edildiyini zənn etdiyim başlıq.

tarık akan

tanıdığım insanların ölümü məni az kədərləndirir. bu o demək deyil ki, bütün yadlara üzülürəm. tarık akan o üzüldüklərimdəndir. mənim üçün idol olub tarık. bir gün yuxudan oyananda onun kimi gözəl simalı biri kimi oyanacağımı xəyal etmişəm. onunla görüşmək istəmişəm. insan böyük sənətçi ilə görüşdükdə nə edər ?
məşhur jurnalistdirsə o məşhur sualı verər, ideoloq vəya intellektual fırlanan biridirsə nəbilim yol, sürü filmlərini soruşar. mənim ona suallarım tamam başqa səpkili idi. mənim ona sualım hamımızın gördüyü anlarda fərqli detallar idi. başqa sahədən misal alsaq, məsələn bir futbolçunun son dəqiqə qolu və gələn kubokun həmin anı yaşayan futbolçularından birindən soruşub, almaq istəyəcəyinzi qeyri-rəsmi, iki yaxın dost dialoqu formasında cavablar. amma emosionallaşıb bütün diqqəti üstünə çəkmək istəyən yox, məhz o an sizin diqqətinizi çəkən birindən o anları soruşmaq istərsiz. tarık akan da o cür sənətçi idi. diqqət çəkmək üçün etməzdi, amma diqqət onda olardı. var belə şanslı insanlar. təbiət onlara hər şeyi verir. onlar tez bağışlanırlar, uğursuzluqları göz çıxarmır, daim sevilirlər.
tarık akandan artıq hazırladığım sualları soruşa bilməyəcəm. bundan sonra "bəlkə mənim sualımı veriblər" ehtimalı ilə yeni müsahibələrinə ümid yoxdur. çox təəssüf.

ikinci mahmud və ömər xəyyam

ikisi də bir bezin qırağıdır. bütün günü məmur söyürlər, azərbaycanlını söyürlər. nəhayətində birlikdə işlədikləri azərbaycan yaradıcılıq fondunun "istedadlı insanlara dəstək olmaqla onların ictimaiyyətə tanıdılması üçün yeni imkanların yaradılması" layihəsində öz kitablarını çap etdirirlər. yəni istənilən azərbaycanlı ona yaradılan imkandan öz şəxsi mənfəəti üçün istifadə edəcək deyimini subut edirlər. məmur da onun idarəsinə ayrılmış pulu sovurur (öz mağazasnın ətrafına yol çəkir, öz evinin ətrafını gözəlləşdirir) , bunlar da. kimdir günahkar ? bucür dılğırların özünü bir şey hiss etməsinə səbəb olan, bütün günü femen, azadlıq, cemiyyet problemleri dolu status yazan, gəl amma 2 il əvvəl lağ olunan temaları fırladıb-fırladıb yenidən gündəmə gətirən, daxilində belaltı zarafatlar, klişe söhbətlər olduğu halda yene bunlara önem veren bədbəxt kütlədir günahkar.

hamletin olmaq ya da olmamaq monoloqu

yaşamaq, yoxsa ölmək?- sorğu bu!

acımasız talein qırmancına dözməli,
əzab yükünü yaralı-bükük çiyninlə çəkməli,
yoxsa, qolları çimirləyib, vuruşaraq-
sonsuz əzablara son qoymalı?

sonrası!?
sonrası göz yumub- ölmək, artıq heç?

canımıza düşən minlərlə sarsıntıya,
sırf ölüm yuxusu son qoyacaqsa,
və kəsəcəksə ürəkağrımızı onun əli,
yəni məqsəd budursa,
talein öümlə bitməsinə bir az da sevinməli.

ölmək, yatıb-susmaq, bəlkə də bir röya,
ah, budur, bir röya qorxusudur bəlamız-
can qurtulurkən bədən qəfəsindən,
hansı kabusun yuxumuza girəcəyindəndir hürküb-
uzun-uzadı bir ömrə qatlaşmağımız

yoxsa, kim dözər həyatın təhqir qırmancına,
siyrilmiş qılıncla dincələcəyinə inanırsa?
necə dözər qudurqanlar təhqirinə,
qarşılıqsız sevgi acısına, gecikmiş haqqa,
heç dərdə yaramaz utanmaz hakimlərə,
və tələsənlərin təpiklərinə, rahat ölüm varkən?

kim seçər naləli-məşəqqətli bu dözülməz həyatı?
ama bəlirsiz-qorxunc bir ölümsonrası dünyadır-
qərarı yayındırıb, ölməkdən çəkindirən şey

ölümsonrası yurd, kimsə sınırından qayıtmadığı yurd,
budur bəlirsiz dünyaya ayaq qoymaqdansa-
bizi dünya acısına qatlaşdıran.
ölümdən qorxudur cəsarətimizi tükədən
və bollu fikirlərin beynimizə hücümudur,
cürətimizi sarsıdıb, yayındıran.

tərcümə: dalğa xatınoğlu

fəridə əzizova

Bakı-2015-də gümüş medal alan taekvandoçu. o deyil də, "mətbuat konfransı" dəhşət alınıb. deyir "azərtac, ağıllısan da sən ?" -*
qızın vəziyyəti romantik komediyaların qəhrəmanlarından fərqlənmir. -* ağzını açır, nəsə desin.... ayə azərtac..... ağzını açır........... ayə kamera........ ağzını açır........ məncə "axot"u yox idi, yoxsa tutuzdurardı azərtaca birini.

https://www.youtube.com/watch?v=FbkX3xO-ZhE

öldürən mafia oyunu replikaları

1 ay öncə uşaqlarla oynuyanda demişdim ki, mafia oyununda ən pis an başını aşağı salıb 4-5 saniyə durduqdan sonra qaldırdıqda hamının sənə baxdığını görməkdir. -* yaxşı gülüşmə olmuşdu.

cəlil cavanşir

hobbisi - yazmaq.
ləqəbi - statusunda qız qaynayan.
həyat devizi - qaynanmışları mütləq bişirmək lazımdır.
yaratdığı obraz- darıxan, qəmli, düşünən insan.
ortaya fərli əsər qoymasına mane olan - bakı.
əslində ortaya fərli əsə qoymasına mane olan - bacarıqsızlıq, bəsitlik.
ən böyük üsyanı - pivə stolunda içməyib noxud yeyənlərə göz dağı vermək.
yazıçılar içərisində - ən vəhşi "liker".
insanı dərin kədərə qərq edən misrası - "və siz, xanım...nədən bu qədər uzaqsınız?."

manchego

köhnəldilmiş pendir növü. ispanlara məxsusdur. 60 gün- 2 il arası saxlanılmışları məqbul sayılır. adətən nisbətən yağlı olur, ispaniyanın bir çox yerində "tapas" kimi istifadə olunur, yanında duzlu peçenye ilə təqdim olunur.

paella

bilinənin əksinə kataloniyadan deyil, valensiya vilayətindən ispaniyanın digər vilayətlərinə yayılmışdır. müxtəlif üsullarla bişirilir. indiki hazırlanma üsulu on doqquzuncu əsrin ortalarından sonra başlayaraq inkişaf etmiş və bildiyimiz hala gəlib. sırf valensiya bölgəsində əsasən ördək, toyuq, hinduşka, dovşan ilə daha çox bişirilir. digəri isə dəniz məhsulları ilə hazırlanır. müxtəlif krivetka, kalamar (öz dilimizdə ifadə edəcək söz tapmadım, marketlərdə də kalamar yazılan görmüşəm) , midye (kalamar kimi həmçinin, amma bunu satılan görməmişəm -* ) , ibliz növləri ilə bişirilən paellanın bu növü daha çox tərcih edilir. adətən sarılığı üçün zəfəran istifadə olunur.
şəxsi təcrübəmdə iki dəfə "yoxlamaq" şansım olub. yoxlamağı dırnaq içində yazıram, çünkü onu elə yedim ki, "paella yemişəm" deyə bilmərəm. -* midye mövzusunda hepatit xəstəliyi ehtimalı, onun hansı şəraitdə alındığını bilməmək (ağzı açıq midyelər şübhəlidir) kimi müxtəlif qorxular qarşımı kəsdi. kalamarla tanış olsam da, ciddi ləzzəti olmadığını bilirdim. ancaq krivetka ilə düyünü yemişdim.
fərqli dad axtarışında olanlar, dəniz məhsullarına açıq simpatiyası olanlar üçün mütləq yoxlanmalı yeməkdir deyib mağarama çəkilirəm.

sözaltı etiraf

etiraf edirəm ki, sözlükdəki favorit yazarlarımla indiyə kimi kəlmə də kəsməmişəm. bəlkə də bütün sehr bundan ibarətdir.

gecə lüt yatmaq

mənim bir müddət etdiyim yatış şəkilidir. 9-12 yaş aralığında corabla yatırdım, topuğumun topuğuma deymesi, uşağlığda siçanların ayağımı dişlemesi kimi müxtelif sarsıntılar o travmanı bıraxmışdı. amma bu çılpaq yatmaq neyin travmasıdır onu tapa bilmirəm. texmin edirem ki, bir vaxtlar o qeder sekssizlik idi ki, birden gece porno filmlerdeki kimi qızın toxunuşlarına oyanaram, soyunmağa vaxt itirmeyim deye beynim xeberim olmadan mene çılpar yatmağı yeritmişdi. -* veziyyet o derece pis idi. -*
öz otağım, evdə menim yuxudan oyadılmağımla bağlı reaksiyalar bildiklerinden mene rahat idi yatmaq. yeni kimse cehd edib otağıma daxil ola bilmez. uşağlığda "s" hərfinə bənzər yatmışam. indiki yatış terzim nizami ordu kimi seliqeli olduğundan üstüm de açılmır. çox bele risk olmayan yazarlara da meslehet görürəm. bu boş mövzuda bu qədər süründürmeçilik etdimse emin olun siz daha yaxşılarına layiqsiz. -*

memar əcəmidə sataşan oğlanı döyən qız

jreiorjirtkor - bundan başqa tanımı olmayan vəziyyət.
olm, ümid edirəm səhv görmüşəm, oğlan qızın barmağınımı dişləyir orada ? -* qız necə yapışıbsa oğlan çıxa bilmir. vidindən qorxağ, gücsüz tipə oxşayır. insanın öz həddini, potensialını bilməməsi necə pisdir. -* həm də o vəziyyətdə qızdan gözlənilməz reaksiya, ərtafın adam qaynaması lap sınıxdırıb qaqaşı.

o yox da, xeberin sonundaki "hadisəni kənardan izləyən insanlar da baş verənlərə təkcə tamaşa etməklə kifayətlənməyiblər. onlar olayı lentə almaq qərarına gəliblər. " - bu nedir, ala ? jrkrkreke
bu onu gösterir ki, hadiselere artıq qarışmaq insanlar üçün ehemiyyetini, önemini itirib. artıq video çekiliş hadiseye etiraz funksiyanı heyata keçirir. 50-60 il sonra bu da olmayanda, demeyecekler "bizim dövrümüzde kimse qatıxlayanda digərləri də etiraz edirdi", deyecekler ki, "bizim dövrümüzde video çekerdiler, indiki gencler korlanıb". -*

tanış yaşıdların içində subay qalan tək insan olmaq

getdikcə mənimlə baş verməyə başlayan bərbad situasiya. evlənməyə həvəsli deyiləm, ümumiyyətlə özümü evli təsəvvür edə bilmirəm. lakin bəzən adamın içinə oturur. xüsusən keçən ay çox hiss etdim bunu. bayram vaxtlarıdır, adam evdə oturmaq istəmir, zəng edirsən "filankəs, görüşək bugün?", cavab o olur ki, yox, bugün qızgilə xonça aparırıq lkkflkffdk o an qarşı tərəfin səsində elə təntənə olur, elə bil məni işləmədiyim, avara, looser olduğum üçün qırır. nə də olsa evlilik çox adam üçün əsas mərhələ sayır. bu baxımdan mənə looser kimi baxmaları normaldır. axı onlar öz aləmində ilk qələbəni qazanıblar. birazdan onların həyatında hər şey daha da standartlaşacaq. artıq istədiyimiz vaxt görüşə bilməyəcəyik.

təzyiq filan isə qozuma deyil. zatən güclü təzyiq də yoxdur, amma 2-3 il sonra ətrafda tək subay mən qalanda dostlar tərəfindən çoxlu qırmalara (axı bizdə var, sən evli adamsan, o subaydır, nə fırlanırsan onunla, avara şeydir onsuz, filankəsin qızını da ona vermədilər, a yalandan) şahid olacam. bütün bunlara güc gəlmək istəyirəm, çünkü evlilik mənə bundan da böyük yük kimi görünür.

sözaltı etiraf

özümü topaz kuponunda başa çatmağına 10 dəqiqəsi qalmış son oyun kimi hiss edirəm, bir sözlə sıxılıram.

/ 20 »

blok -   başlıqlarını gizlət