tristan da cunha nədir

+7 əjdaha

1. dünyanın ən uzaq adası.

atlantik okeanının cənub hissəsində yerləşən bu ada yer kürəsinin qurudan ən uzaqlıqda yerləşən adası hesab edilir. onu afrika sahillərindən 2800 kilometr, cənubi amerika sahillərindən isə 3360 kilometr ayırır. ona ən yaxın olan ərazi isə müqəddəs yelena adasıdır ki, onlar arasındakı məsafə 2160 kilometrə bərabərdir.

bu ada öz adını onu kəşf edən şəxs hesab edilən portuqaliyalı dənizçidən götürmüşdür.ada 100 kvadrat kilometr əraziyə sahibdir və vulkanik xarakterlidir. kraliça mariya adlandırılan bu vulkan fəaldır və adanın böyük bir hissəsini əhatə edir. bu səbəbdən də buradakı insanlar adanın şimal-qərb hissəsində, kiçik bir ərazidə məskunlaşıb. əhali isə burada 19-cu əsrin əvvəllərindən başlayaraq məskunlaşıblar.

amerikalı “romantiklər” qrupu burada öz cəmiyyətlərini yaratmağa qərar versələr də, tezliklə ada britaniya tebeçiliynə keçir. 1817-ci ildə ingilislər burada hərbi qüvvələrin yerləşdiyi malkolm qalasını inşa edir.

hazırda adada daimi olaraq 300 insan yaşayır və əhali çoxmillətlidir. onlar amerikalıların, ingilislərin, hollandiyalıların və italiyalıların nəsillərindəndirlər. məsələn, burada amerikalı bir nəsil artıq 1816-cı ildən burada məskunlaşıb.

tristan da cunha adası ada rəhbəri və 10 nəfərdən ibarət şura tərəfindən idarə edilir. şura üzvləri isə adanın qədimi məskunlaşmış nəsillərin nümayəndələridirlər. adanın paytaxtı isə edinburq semi morey adlanır. ada sivilizasiyadan kilometrlərlə uzaqda yerləşsə də, həyat üçün lazımi hər bir şeyə sahibdir.

+2 əjdaha

2. internetde baxdım, yanvar - fevral ayları temperatur ortalama 15-16 dərəcədir, yəni idealdı yaşamağa.
Getmək üçün gərək 1 il əvvəldən icazə alasan, və səyahət üçün prosedurlara başlayasan. Adaya gediş cape town-dan gəmi ilə (əsasən, ticarət və balıqçılıq gəmiləri) olur, və hər gəmidə limitli sayıda sərnişin ( 10-12 nəfər) olur. Adaya təyyarə ilə gediş-gəliş yoxdur. Rəsmilər belə ziyarət üçün gəmidən istifadə edir. Ona görə də, səyahət zamanı prioritet məsələsi var. Əvvəlcə rəsmilər sonra isə, ailəsi adada olan, ən son isə, turistlərin yerləşməsi həyata keçirilir. Yəni ki, gəmidən yer alsanız belə ləğv olma ehtimalı var.

Ümumilikdə, 7 gəmi cape towndan adaya yola düşür. Səyahət yanvar - avqust arasında olur. 6 günə cape towndan adaya çatırsan, bir də 15 gün sonra həmin gəmi adaya qayidir, ordan yenə 6 gün cape towna, total 1 ay. Amma istəsəz, martda gedib 1 2 ay qalıb sonra da qayıda bilərsiniz.

Qiymətlər isə dəyişir. Birincisi, cape towna getmek lazımdı, 1 nəfər üçün ekonom paket, 1700-2100 azn arasında dəyişir. Çatdız cape towna, sonra gəmidi, oda sizin səyahət məqsədinizdən asılıdı. Əgər rəsmi səfərdirsə, 50-70 dollar olur 1 nəfər üçün, amma turistsənsə, 500 dollar gediş, 1000 dollar gediş-gəliş. 3000-4000 azn təkcə ora gedib çıxmaqdı.
30 dollar oteldə 1 gecəlik 1 nəfərə. 1 ay qalsanız 1000 dollar elə təkcə qalmaqdı, yemək-içmək daxil deyil. Oda əlavə olunsa bu vurub çıxır kəllə - çarxa.

Yənii sizə təqribi 6000-7000 azn lazım olacaq 1 aya. Məncə dəyər ala, insanlıqdan uzaq, internet yoxdu, heçnə yoxduda konkret, əhalisi 300 nəfərdən də az. 1 ay get şellən.