+5 əjdaha
1. 04.04.1994beşinci sinifdə oxuyurdum. riyaziyyat dərsini də bütün fənlərlə birlikdə sevən vaxtlarım idi. o vaxt parta yoldaşım olan qız (həm də savadlı idi) lövhəyə bu rəqəmləri yazan müəlliməyə "aaa, müəllimə, baxın, sondakı ədədlər hamısı eynidir" dedi və riyaziyyatçı yaşlı müəlliməm onu təsdiq elədi və qısa bir fasilə yarandı..
nədənsə bu tarix, sonradan həmin məktəbdən getməyim, lisey oxumağım, turetski dərslikləri başa düşməməyim,lisey boyunca güclə qiymət aldığım alaturka riyaziyyata nifrət eləməyimə rəğmən həndəsədən daim 5 almağım, (uşaq vaxtı mərhum müəlliməmi və həmin sinif yoldaşımı (müəlliməyə təsir üçün hədiyyələr alır deyə) günahlandirirdim bunda), "mən humanitar sahə ilə məşğul olacağam" qəti qərarımla birlikdə heç vaxt unudulmadı.
heç bir xüsusi mənası olmasa da illər boyu sırf bu "bəzəkli" tarixi "tutmağa" çalışırdım. illər boyu.bəzən qaçırırdım və təəssüf edirdim bəzənsə "tuta bilirdim" anlamsız bir sevinc və məşğuliyyət idi. bəlkə də ildə cəmi bir dəfə belə şansın olması onu belə həyəcanlı hala gətirirdi.
bu gün bir dəyərli jurnalist xanımin ad gününə ithafən fərqli şəkildə xatırlatmağına rəğmən ancaq indi fərqinə varıram ki, bu gün də həmin tarixlərdən biridir.
bunu xatırladan səbəblərdən biri də hazırda əlimdə olan , dostum və həmkarımla tərcümə edib yerli qanunvericiliyə əsasən uyğunlaşdırmağa çalışdığım beynəlxalq təhsil proqramı barədə müqavilədir. həmin müqaviləyə o qədər aludə olub dalmışam ki, açıb youtube`da məktəbin videosuna, həmçinin onun saytına baxdım. müəllimlərinə, siniflərinə , məktəbin kampusuna..
və öz liseyimizlə, sonra isə ilk sinifləri oxuduğum məktəbimizlə müqayisə elədim.
p.s. arzularsa sərhəd tanımır. arzulamağa nə var ki? xüsusən indi - internet illüziyadır - həqiqətlə aramızda olan məsafələri və reallıqları heç sayır. eləcə illər də xəyal kimi sürətlə ötüb keçir. bir çox arzularsa unudularaq sakitcə keçib gedir. bəzənsə insan bütün bu gedişatın ortasında "sürətlə keçən illər, axıb keçən hadisələr burada mən də var olmuşam, arzuladırlarımı edə bilməsəm də, hələ təslim olmamışam" deyə öz varlığını, yaxşı -zəif əsərləriylə ortaya qoymaq istəyir. maddi olana, imkana, gücə, biliyə, zamana, məkana rəğmən- fərqində oldu olmadı - insan ruhu ölməzlik axtarışındadır axı!
17.07.2017