+10 əjdaha
1. ingilis rok qrupu *coldplay*-in 2008-ci ildə yayımladıqları *viva la vida or death and all his friends* albomundan çıxan ve çox sürətlə populyarlaşmış parçadır. daha sonra grammy-ə də layiq görülmüş, sözlərini qrup üzvlərinin hamısının bir yerdə yazdığı mahnı maraqlı yerlərə toxunur. aydınlaşdırmaq üçün dönməliyik bir qədər geriyə, xvııı əsrin sonlarındakı fransız inqilabına.inqılabın son dönəmlərinə yaxınlaşıldığı vaxtlarda kral xvı luiz (bax: xvı louis) taxtdan salınır və həbs edilərək zindana atılır. edam edilməsinə qərar verilən kralın həyatının sonuncu günü gəlib çatır. böyük bir kütlənin qarşısında gilyotinlə edam olunacaq kral yavaş-yavaş, az sonra ölümünə səhnə olacaq, platformaya yaxınlaşır və son sözlərini söyləmək üçün dayanır. ancaq danışmağa başladığı zaman köhnə krallarına qarşı qəzəbli olan xalq kralı fitə basmağa başlıyır. səs-küydən sözləri eşidilməyən zavallı kralın çıxışı yarımçıq kəsilir və edam cəzası yerine yetirilir. beləliklə də, kralın son olaraq nə dediyi heç vaxt bilinməyəcək şəkildə tarixin səhifələrinə qovuşur.
mahnıda kralın gözündən bütün bu hadisələrə baxılır. kralın halına acı ilə yanaşılır və son sözlərində peşmançılıq çəkən, xalqından üzr istəməyə çalışan adam təsvir olunur. bir vaxtlar dünyanın ən ehtişamlı ölkələrindən birinə başçılıq etdiyi halda, bir anda zindanda səhəri təkbaşına açan bir şəxsə çevrildiyi göstərilir.
I used to rule the world
Seas would rise when I gave the word
Now in the morning I sleep alone
Sweep the streets I used to own
inqilabın düşməni olan kralın bu şəkildə təqdim olunması mahnını dinlədikcə adama qəribə hislər keçirdir. təsəvvür elə, son olaraq nəsə demək istəyirsən, ancaq qoymurlar deməyə, qalır içində, o şəkildə də ölüb gedirsən. albom qapağında delekruanın məşhur *liberty leading the people* rəsminin olması elə qrupun da dinləyiciləri bu hislərə salmaq* lənət dilemma istəməyinə işarədir deyəsən.
ancaq sonda mahnı bitir ve o hislər də yavaş-yavaş keçib gedir. tak şto, yaşasın inqilab!
not: viva la vida ispancadan long live life və ya uzun ömür yaşa olaraq tərcümə olunur.
(youtube: 
)
)