+4 əjdaha
1. Gerontokratiya siyasi sferada, hakimiyyətin qoca adamların əlində olmasını, sosial və ya məişət sferasında, cəmiyyətin işlərinin əsasən qoca yaşlı adamların göstərişləri ilə yürüdülməsini nəzərdə tutur.Termin olaraq ilk dəfə etnoqraf U.Rivers tərəfindən istifadə olunub. Rivers bu termini Avstraliya, Okeaniya və Qafqazın bir sıra yerli xalqlarını yaşam tərzini ifadə etmək üçün işlətmişdi.
Müasir anlamında elə cəmiyyətləri nəzərdə tutur ki, orda ənənəçilik hökm sürür, gənclik sıxışdırılır, aparıcı vəzifələrdə gənclərin işləməsinə yol verilmir, qoca yaşlı adamlar ölənədək vəzifədə qalır və öldükdə onları başqa qocalar əvəz edir. Belə cəmiyyətlər özünü yeniliklərə qapatdığı üçün, inkişafdan geri qalırlar.
Gerontokratiyanın məxsusi cəhətlərindən biri, gəncliyin daim ittiham olunmasıdır: gənclik pozulub, ənənələri, mentaliteti yaşatmaq istəmirlər, böyüklərin üzünə ağ olurlar, yeniliyə can atırlar və s.
Xəyyam Ağa