adelchist

272 0 0 0

4. nəsil yazar

entry: 272

1 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 6 gün

axşam yazarı

Başlayan

Səviyyə 2

38 / 200 XP

35.3K

təxmini söz yazıb

0.5 kitaba bərabər

Statistika

Nailiyyətlər 10 / 17

İlk Addımlar

Yazıçı

Əjdaha Balası

Əjdaha

Tanınmış

Oxunan

Bestseller

Veteran

Əbədi

Abidə

Qələm Ustası

Əjdaha Kralı

Karma Yığıcı

Məşhur

Vikipedist

Milyonçu

Həftəlik Seri

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

12 dekabr 2022 xankəndi-şuşa yolunda etiraz aksiyası

+30 əjdaha

qəlbimin ən dərin hissəsindən "kül sizin təpənizə" demək istədiyim hadisədir. ölkədə çox utancverici şey görmüşük, amma sənalla bu nədi.

şuba geyinən adamları dartıb gətiriblər. hamısı da bütün günü maaşından narazılıq edib seçkilərdə məktəblərdə qolundan, şalvarından bülleten çıxaran adamlardı. oturublar soyuqda gözləyirlər ki, bu dəqiqə prezident bunlara qızıl medal verəcək.

sovet təfəkkürlü, iylənmiş, heç vaxt həyata qarşı dik dura bilməmiş, hər yeni gələn siyasi rejimin qabağında əzilib büzülən adamlar ki var ha, şəkillərdə sifətlərini görəndə elə tiksinirəm. gözümün qabağına aldıqları rüşvətlər, hökuməti tərifləyən momentləri ağlıma gəlir və ən əsası mən bu xalqın yarısından çoxunun bu qədər ağılsız, şüursuz, savadsız olmağına inana bilmirəm. rəsmən bir ölkənin xalqı nə qədər xam, qanmaz ola bilərsə, o qədər adam var ölkədə. nə baş verir başa düşmürlər. belə şey olar?

26 əjdaha! 15.12.2022 01:48, adelchist

#364091 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qızlardan qızlara tövsiyələr

+33 əjdaha

"heç sənin kimi qızla tanış olmamışdım", "yaşıdlarından fərqlisən", "digər qızlarla danışmağa sözüm olmur, amma sən çox başqasan", "səninlə söhbətə doymuram", "azərbaycanlı qızlarla oturub-dura bilmirəm, çox boşdular, amma sən elə deyilsən" bunları deyən adamlara salam da verməyin. unutmayın ki, sizi tərifləmək istəyən insan digər insanları (buradakı məqamda qadınları) alçaltmadan da bunu edə bilər. əgər sizə kompliment edəndə digər qadınları alçaldırsa, deməli bunu bilərəkdən edir, çünki o seksistin yekəsidi. özünüz seksist biri deyilsinizsə və normal hörmət görmək istəyirsinizsə, bu kimi seksist insanlardan uzaq durun. onlar dəyişmirlər. ya da dəyişməkləri üçün yaxın dostlarının dəyişməyi lazımdı. siz heç kim üçün reabilitasiya mərkəzi, psixoloqu deyilsiniz.

27 əjdaha! 29.03.2022 11:14, adelchist

#348080 şikayət

metal sevən qız

+29 əjdaha

seksist sözlük yazarlarını tanımağınız üçün ideal olan başlıqdır. məsələn neçə gündür görürəm başlığı, heç marağımı çəkmirdi, çünki kim nəyə qulaq asır, nə edir - maraqlanmıram. amma qadınların hər hərəkətinin batdığı yazarlarımız üçün gördüyünüz kimi, dinlədiyimiz musiqi janrı belə "pick me girl"lüyə xidmət edir. allah bizə səbir versin.

26 əjdaha! 10.02.2023 23:34, adelchist

#367131 şikayət

skayliin

+25 əjdaha

tərif: tiktokda məşhur olan azərbaycanlı tiktoker və instagram bloqeri.

17-18 yaşındakı gəncliyinin ən rəngli çağlarında olan birinə bu qədər nifrət, kin bəsləmək nəyinsə düzgün getmədiyinə dəlalətdi. hamı niyə elə davranır ki, elə bil yeniyetməlik dövründə fərqli olmaq dərdində olmayıb?

bu qızın başlığı niyə açılıb, ümumiyyətlə, anlamıram, məsələn. çünki sevmirəm və dəxlisiz məşhurluq qazandığını düşünürəm, amma gəlib bu qədər qəddar şeylər heç vaxt yazmaram. qarşınızdakı 18 yaşına yeni basmış yeniyetmədir. özünə yığdığı bir kütlə var, hansı ki o nə etsə, onu dəstəkləyir, səhvini heç vaxt demirlər. yəni bu kimi faktorları düşündükdən sonra ona uyğun tənqid etmək lazımdır. ekşisözlükdən betər olmuşuq e, gedəni "cancel"ləyirik, gələni "cancel"ləyirik.

18 əjdaha! 08.04.2022 19:25, adelchist

#348426 şikayət

danimarka

+32 əjdaha

"bir danimarkalı ilə dost olmaq istəyirsənsə, onunla içkili vaxtında danış" kimi bir xalq deyiminin (guya) dolaşdığı ölkədi.

tələbələri içkidən başqa şeyə baş qoşmurlar. 5-ci gün saat 4-dən etibarən bar-bar gəzib səhərə qədər içirlər. universitetlərin hər departamentinin 1 otağı 5-ci gün bara çevrilir.

tələbələrinin bu qədər rahat olma səbəbi təhsil sisteminin sistematik olaraq tələbəyə kəsilmək üçün şans verməməsidir. təqribən 3-4 saatlıq mühazirəyə girirsən və bu mühazirə ərzində həm professor dərsini deyir, həm sual-cavab sessiyası olur, həm də dərsdəcə qrup tapşırıqları yerinə yetirilir. və "bunu etməlisən" yox, "özün bilərsən, paşa könlün istəsə, elə" yanaşması var. yəni özün oxumasan, özün bunun nəticələrinə dözməlisən. bizim professorlardan biri "biz sizə təhsili vermirik, siz onu almalısınız" deyə-deyə hər mühazirə hansı ölkədə olduğumuzu yadımıza salır sağ olsun.

bir də imtahan 7-grade sistemlə qiymətləndirilir: -3 (müəllimə təhqir etsən ala bilərsən) (Fx), 0 (F), 2 (E), 4 (D), 7 (C), 10 (B), 12 (A). mötərizədə yazdığım beynəlxalq qiymətlərdir, danimarkanın sistemində ekvivalent götürülsə də, əslində, onlar üçün 7 də çox yaxşı qiymətdi. 4 artıq kafi, 2 kafidən aşağı, 0 isə ya imtahanı buraxmaq, ya da doğrudan heç nə yazmamaqdı.

şəhərlərinə gələndə kopenhagendə az vaxt keçirmişəm. digər şəhərlərə baxanda paytaxt olduğu üçün daha qarışıqdı, amma ən qarışıq halı ilə belə avropanın ən sakit şəhərlərindən ola bilər.

aalborg kimi pivə markasına bənzər adı olan şimal şəhərində daha sənayeləşmiş bir mənzərə ilə qarşılaşsanız da, bizim sumqayıt boyda ölçüsü və əhali sayı olan aarhusda köhnə problemsiz şəhər ab-havasını hiss edə bilərsiniz.

aarhus ölkənin 2-ci böyük universitetinə (aarhus universiteti) sahiblik etdiyi üçün tələbə şəhəri adlana bilər, çünki universitetin korpusları hədsiz çoxdu və hər yerdən tələbə çıxır. universitet böyük olduğu üçün də beynəlxalq tələbələr qəbul edir, hər beynəlxalq partidə çöldə tüstülədən 20-30 erasmusçuya rast gəlmək mümkündü. şəhərin heç bir əyləncəli tərəfi yoxdu, öz halında, xatasız-bəlasız yaşayırlar.

ebeltoft adlı şəhərciyində qoca babaların və nənələrin bahalı maşınları ilə ora-bura sürdüyünü, dənizkənarı boyunca uzanan kafelərdə şənbə-bazar yeyib içdiklərini müşahidə etmək mümkündü, çünki çox kiçik və sakit ərazi olduğu üçün daha çox bağ evlərinə gələnlər çox olur. ya da qocalar. marketlərdə, restoranlarda, kafelərdə işləyənlər gənclər olsa da, çoxu başqa ərazilərdə yaşayıb ancaq iş üçün ebeltoftda gəlir, çünki həyat günorta 4-də ölür orada. hər şey 4-də bağlanır.

randers adlı digər bir ölü şəhərin isə birinci dünya müharibəsindən bu yana çox qarışıq tarixi olsa da, indi daha oturuşub əhali. ölkənin bir az daha varlı təbəqəsinin yaşadığı, bir şənbə günü küçədə bir allahın qulunu görə bilməyəcəyiniz qəribə bir yerdi. Østjylland adlı muzeyində çox-çox bomba əsərlər var, həmin muzeyin olduğu binanın 1-ci mərtəbəsində də şəhər haqqında məlumat ala bildiyiniz başqa muzey var. amma ona ümumi "sənət muzeyi (Kunstmuseum)" deyirlər.

ölkənin havası tərtəmizdi, amma avqustdan bəri günəş üzümüzə cəmi 2-3 dəfə gülüb. soyuqdu, kəskin soyuqdu, amma dözülməz deyil.

çox bürokratik ölkədi. 1-2 sənədə görə sizi günlərlə, həftələrlə, aylarla çərlədirlər.
xaricisinizsə və burada işləmirsinizsə, çox bahalı ölkədi.
insanlar ev kirayələmək, ikinci əl mebel satmaq, əşyalarını pulsuz olaraq kiməsə vermək, elan vermək üçün ən çox facebook qruplarından istifadə edirlər. ağlınızda olsun.
səhiyyə sistemi pulsuzdu, bir dənə sarı kart verirlər (hansı ki çox önəmlidi), amma o sarı kartın üzərində yazılmış, sizə təyin olunmuş həkimə zəng edib dərdinizi deyəndə də az qala xəstə olduğunu onlara sübut etmək üçün yarım saat sorğu-suala tutulursan. axırda da "nəsə anlamadım dərdin nədi, filan şey həftə sonunacan davam etsə, yenə zəng edərsən" deyə bilərlər.
tələbə kimi bura gəlməyin, doğrudan, heç bir mənası yoxdu.
vergi sistemi dəhşətdi (yüksəkdi).

29 əjdaha! 16.11.2022 01:38, sistem robotu

#362570 şikayət

mcdonalds burger king və papa johns pizza-nın boykot edilməsi

+21 əjdaha

mcdonalds boykotunun həddindən çox iyrənc hallara təzahür etdiyi hadisədir. bir neçə gün əvvəl post görmüşdüm. demək bəzi insanlar gəlib adminstratorlara sözlü hücum edirlər, maşından keçərkən orada oturan insanları təhqir edirlər, woltdan nəsə sifariş edib evə gələn sifarişi "mən sifariş etməmişəm" deyib geri göndərirlər, ofislərinə zəng vurub söyüşlər söyürlər və sairə. boykot edirsinizsə, yeməyin oradan, qarşısında 1-2 dənə plakat açın, bitsin də, bu cür hörmətsizliyi etməyə ehtiyac var, həqiqətən? üstəlik, bunu edənlər "ali cənab baş komandan -əzələli qol emojisi-", "vur komandir vur", "bu torpaqlar müharibəsiz alınmayacaq" yazıb pulla neqodni alanlar, nəsil əcdadında cəbhədə olan 1 nəfər də olmadığı üçün evində oturub "oğullarımız döyüşməlidir də, bu torpaq qanla alınacaq" deyən xalaşkalar-zadlardı. hər belə hadisədə cəmiyyətin necə savadsız olduğu ortaya çıxır. söhbət ali təhsildən getmir ha, düzgün düşüncəyə sirayət edə bilmiş savaddan gedir.

ümid edirəm, tezliklə oradakı işçilərin başına oyun açmağı dayandıracaqlar.

19 əjdaha! 04.11.2020 08:57, adelchist

#309216 şikayət

azərbaycandakı telekanallar

+18 əjdaha

gəncədə baş verən hadisələrdə canlı yayım etməyə icazəsi olmayan, yaxud özlərinin canlı yayıma çıxmadığı, amma 10 noyabr günü, siyahını paylaşdıqları əsas dövlət kanalının müxbirlərinin utanmadan-qızarmadan 10 metr aşağı düşüb şəhidlər xiyabanında canlı yayıma çıxdığı kanallardır.

ölkədə çətinlik olanda yaxşı gizlənməyi bacaran, amma yaxşı gündə işçilərin çıxıb canlı yayında sevinc qışqırıqları atan, pul üçün ekrana gərəksiz verilişlər verib izləyiciləri günahlandıran, istənilən mövzuda özü-özünü təkzib edən, yenilikçi gənclərə yer vermək istəməyən, imkansızlıqdan ora gələn gəncləri özləri kimi qəliblərə salan utandırıcı medianın bir hissəsidirlər.

əsl üzləri isə belədir (ətrafımdakıların təcrübəsindən): bəziləri ora müxbir kimi işləməyə gələn artıq çəkili tələbələrə aparıcı olmaq üçün "arıqlamalısan" deyə təzyiq göstərib mental sağlamlığını pozan və o insanların da tək çarəni dərmanla, gic-gic otlarla arıqlamağına səbəb olan redaktorlara sahibdirlər. sizi ora 1 aylıq yoxlanış üçün götürərlər, amma 2-ci ayınızda işiniz qarşılığında maaş tələb etsəniz, tələbə olduğunuzu deyib yerinizdə otuzdururlar. yaxşı müdiriyyətə sahib olan kanallarda isə "qoca qurd" dediyimiz köhnə jurnalistlər işə yeni başlayan müxbirlərə "sizdən jurnalist olmaz" deyə-deyə yenə aldıqları maaşı burunlarından gətirməkdə əladırlar. daha sonra canım sizə desin, tanış-tunuş köməyi ilə təcrübəçi kimi oraya daxil olmuş insanların təcrübəçi olduqları kanal haqqında hərarətli nifrətlə danışmaqlarına baxmayaraq, lazım gələndə hər yerə o 1 aylıq heç nə etmədiyi dövrünü soxuşdurması halları da mövcuddur.

telekanalların da niyə bu gündə olduğunu deyim: son cümləmdə qeyd etdiyim o bütün gənclər lazımi yerdə dəlisov-üsyankar, lazımi yerdə qatı yapçı olmağı çox yaxşı bacarırlar. bu da onları gələcəyin vəzifəli adamı edir: ikiüzlü, özünə lazım gələn şəkildə davranan, artistliyin bədəndə əksi. öz cızığından dönməyən tanıdığım 5-6 bilikli, savadlı cavan isə hər freelance işinə görə minimal maaş alıb kənara durur, onlara da heç kimin təqdiri lazım deyil, heç reklam da etmirlər işlərini, müəllimlərinə də yaltaqlanmırlar. və böyük ehtimalla, 10 il sonra sektorda bu savadlı, ümidli, idealist uşaqları yox, yaltaqlanmağı sevən, müdirinə yalnız eşitmək istədiklərini deyən insanlar qalacaq.

gələcəyimi onlardan birində nəinki görmək, düşünmək belə istəmirəm, bu günlük neqativlik kvotamı doldurdum, təşəkkürlər.

15 əjdaha! 05.12.2020 23:21, adelchist

#312698 şikayət

gədəbəydə toyu olan 17 yaşlı qız

+21 əjdaha

başlığı açan insanın yazdıqlarını oxuyanda soz6-nın necə yerə çevrildiyinə təəccübləndiyim başlıqdır.

ailəni, cəmiyyəti, mühafizə orqanlarını günahlandırmaqdan, bölgələrdəki savadsızlığın səbəbini dövlət orqanlarından soruşmaqdan qıza gold digger adlandıran insanlara sözüm yoxdur artıq. 17 yaşında heç rəsmi olaraq hüquqi şəxsiyyət sayılmayan insan gold diggerdisə və onun anası "əcəb edirəm qızımı 50 yaşlı birinə ərə verirəm. acından ölməyindənsə, belə yaxşıdır" kimi açıqlama verirsə, bu hökumətin orta sinif ailələri, aşağı sinif hesab olunan insanların vecinə almamasının nəticəsidir.

tufan qopsa, qadınlardan biləcəksiniz, amma ağlınız kəsmir ki, bu ölkədə utancverici, adamı tiksindirən nə baş verirsə, hamı ölkə siyasətinin səriştəsizliyindəndir. qadınları günahkar bilməkdənsə, gedin onu araşdırın, özünüzü o mövzuda inkişaf etdirin. 17 yaşlı qızla evlənən pedofilin "təhsilli, intiligent" simasına başlamayım indi.

18 əjdaha! 14.12.2022 16:00, adelchist

#364067 şikayət

səssizlik spiralı

+21 əjdaha

səssizlik/sükut spiralı siyasi elmlər və kütləvi kommunikasiya elmlərdə haqqında bəhs edilən, məşhur nəzəriyyələrdən biridir.

nəzəriyyə alman siyasi alimi Elizabet Noel Nyuman (Elisabeth Noelle-Neumann) tərəfindən yaradılıb. ictimai fikir, seçkilər, ictimai maraq, cəmiyyətin fikrini formalaşdırmaq və siyasi məsələlərlə bağlı bir çox şeyi aşkar edən maraqlı nəzəriyyədir.

loru dildə başa salım, sonra keçəcəm liboş-liboş danışmağa.

nəzəriyyənin məntiqi budur ki, insanlar digərləri onlarla oxşar fikir səsləndirəndə öz fikirlərini deməyə cəsarətli olurlar. lakin müəyyən qrup/icma içərisində özü ilə oxşar fikrə sahib birini tapmayan şəxslər isə fikrini bildirməməyə meyl edirlər. bununla da, bəlkə də, 10 nəfərlik qrup içərisində 6 nəfər populyar fikir səsləndirib 4 nəfər buna əks fikir bildirirsə belə, bu 4 nəfərin heç biri əks fikir bildirmədiyi üçün üstünlük təşkil edən insanların fikri əsas götürülür və bununla da spiral, yəni döngü davam edir.

bu nəzəriyyəyə bənzər başqa bir effekt kəşf olunub "momentum effect". yəni əgər random bir qrupdan bir çox individual eyni fikrin, qərarın ardınca gedirsə, digərləri sorğulamadan onu izləyəcək. yəni ana-ataların soruşduğu "dostun özünü pəncərədən atsa, sən də atacaqsan?" sualı özündə ciddi siyasi məna daşıyırmış.

17 əjdaha! 19.11.2022 01:25, adelchist

#362714 şikayət

insanın böyüdüyünü anladığı anlar

+16 əjdaha

hər iki valideynini günahlandırsan da, ikisinə də dəhşət çox əsəbləşsən də, etdiklərini onlara bağışlamasan da, bir vaxtdan sonra həm ananı, həm atanı başa düşüb onların zəhmətini yerə vurmamaq üçün çox çalışmağa, heç bir şeyə 'yox' deməməyə başladığında böyümüş olursan. <br />
gecə saat 3'də özündən balaca qardaşının burnu qanadığında ananı oyanmağa qoymayıb həm qardaşının qorxmaması üçün danışarkən, həm qana bulaşmış tişörtünü dəyişdiyində və 15 dəqiqəyə hər şeyi normal hala saldıqda böyümüş olursan. <br />
zəhmətli yetişkin dünyasına özünü atmaq istəyəndə, ailə fərdlərini üzgün görmək istəməyəndə, problem yaratmamaq üçün hər şeyi təsdiqləyəndə və qardaşına məsləhətlər verməyə, onunla uzun-uzun söhbətlər etməyə başladığında böyümüş olursan.<br />
qohumlar arasında sənin ailən müzakirə olunarkən hirsini basdıra bilməyib əsəbdən qızarırsansa, əsəb krizinə girirsənsə, böyümüş olursan. amma artıq sözlərinlə onların ağzının üstündən vurmaq gücünü özündə tapmış olursansa, böyüməklə qalmır, yaşlanırsan.

silinmiş entry.

16 əjdaha! 08.07.2016 18:19, adelchist

#220684 şikayət

ad günü

+15 əjdaha

ad günlərlə bağlı ciddi problemim var, ona görə bir dəfəlik burada içimi töküb üstünə torpaq atıb bir dəfəlik özümçün söhbəti bağlamaq istəyirəm.

bir neçə saat sonra ad günümdür. bəlkə, bunları yazıb bitirənə qədər artıq ad günümə girmiş sayılacam, day bilmirəm onu. uşaqlıqdan bəri ad günlərinin nəsə önəmi olduğunu hiss etməmişəm, çünki ad günlərimin sonunda həmişə sentimentallıq kəllə atıb və günü ağlayaraq bitirmişəm. ağlamaq səbəblərim də atamın uzaqda olması, mənə maraqlı gəlməyən qohumların gəlib səmimiyyətsizcə ad günümə daxil olması idi. amma 2011-də hansı ki, ilk dəfə idi atam aylıq icazəsini mənim ad günümə təsadüf etdirə bilmişdi, onda mamam həmişəki möhtəşəm süfrələrindən birini açmışdı və sözün əsl mənasında ilk dəfə idi ki, ad günümdə bütöv bir ailə kimi süfrə arxasına keçmişdik. o qədər həvəsli idim ki, məktəbdə öyrəndiyim sualları kağıza yazıb atmışdım bir qutunun içinə, o kağızları seçib suallara cavablar tapırdıq, ya nə bilim, şarların içində də kağızlar qoymuşdum ki, oradan yeni oyunlar kəşf edək. və əlbəttə ki, mənim 7 yaşımdan bəri bizimlə olan videokameramız yenə öz işinin başında - masanın ən önəmli yerində dayanmışdı ki, bu gözəl günü tarixə yazsın. çox böyük şey olub, 11 yaşıma keçirəm. pəh.

hə, nə deyirdim. bu ad günüm önəmli idi. özü də illərdir boşanma söhbətlərini ertələyən bir ailə üçün ümid işığı idi, sözün düzü, artıq mən də inanmağa başlayırdım ki, bu günün nəsə xüsusiliyi var. xüsusiliyi olmağına, xüsusiliyi var idi. o da o oldu ki, həmin gün atamla anam ayrılmağa bir dəfəlik qərar verdilər və yenə bir ad günü sonrası yine bana hasret, yine bana hüsran var filan beşmekan. sabahsı gün nənəm gəldi ki, barışdırsın, amma alınmadı, atam 2 gün hələ şəhərdə qalıb işə qayıtmalıydı, amma elə o gün qayıtdı. bir neçə ay sonra da boşandılar, onsuz.

2011-dən sonra da demək olar həyatımız o qədər dibdən daha dibə düşdü ki, ad günüdü, yaş üstünə yaş gəlir, 12 yaş, 13 yaş zibildən daha zibil olmağa başlayırdı. atamla aram pozulurdu, hətta yeni ailə həyatı qurmağa hazırlaşdığı bir dövrdə bunu məndən gizlətməyi və mənim başqa insanlardan öyrənməyim ona qarşı nifrət yaradırdı. bütün ailənin psixologiyası pozulduğu və məndən başqa hamının major depressionla boğuşduğu illərdə ad günüləri ürəkdə yaranan səbəbsiz sıxıntıdan başqa bir şey deyildi, hətta problem kimi görünürdü gözümə. yenə qohumlar gəlirdi, yenə mamam qəşəng süfrələr qururdu, yenə aş ən sevdiyim yeməklər içində ilk 3-ə girirdi, amma oktyabr kimi bir ay məhz o gün nəsə ürəyimə yatmırdı.

illər keçdi, hər şey yaxşılığa doğru irəlilədi və həm ailəm, həm özüm üçün kainat necəsə kömək əli uzatdı. yəni o çuxurdan qalxa bildik biz. major depression artıq həyatımızda yox idi, qardaşımı aparmaqçün onlarla psixoloq axtarmırdıq, mamamın da karyerasında işlər yolunda getməyə başlamışdı.

2018-ə qədər isə ad günüləri mənim üçün önəmsiz bir şey idi, həqiqətən. 2018-də isə mən başa düşdüm ki, daha doğrusu, ətrafımdakı düzgün insanlar mənə başa saldı ki, sən bu gün doğulmusansa, yəqin ki, ən az 2-3 nəfər bu günə minnətdar olacaq, çünki axı biz insanıq, dəyərli hiss etməyimiz, yaxud başqalarının bizi elə görməsi çox normaldır. yəni bundan çəkinməməliyəm, bundan utanmamalıyam - insanlar məni sevə bilər, sevgi gözəl şeydir. ətrafındakı insanların 4-5 gün əvvəldən səni düşünüb hansısa əşyanı görüb sənə yaraşdırması, alması, sənə hədiyyə etməsi önəmli şeylərdir. materialist bullshitləri qoy kənara, onlar hələ bir sənə nəsə arzu edirlər. vao! önəmlidir, önəmli. açığı, bəlkə də, deyil e, dünya səthi bir aləmdir. bəlkə də, deyil. amma düzü, bunu hiss etmək xoşuma gəlir. ilk dəfə bax o gün gözləmədiyim adamların məni düşündüyünü biləndə başa düşdüm ki, fərqində olmasam da, kiminsə həyatında rol oynamışam, kiminsə həyatında butterfly effectinin baş verməsinə mən səbəb olmuşam. ya da olmamışam e, bu da ayrı məsələ. elə bir təvəqqem də yoxdur.

keçən il isə başa düşdüm ki, səhv insanların ətrafındayam. bu il isə heç nəyə fikir vermirəm. səhv insan, düz insan, ciddi insan, qeyri-ciddi insan. nə fərqi var? bir dənə ömürdü, onu da zir-zibillə, aşağı-yuxarı - axır ki, yola veririk də. insan övladı da day belə gəlib, belə də gedəcək, ha ad günün olsun, ha olmasın. sadəcə bu il özümü sevib dəyər verməyimçün atdığım addımlarım təqdirə layiqdi. ən azından, cəhd edirəm. ad günüm mübarək. 4-cü ildir ki, ad günümə in the wake of poseidona qulaq asa-asa girirəm və deyəsən, yaxşı ki, varam.

silinmiş entry.

12 əjdaha! 23.10.2020 23:27, adelchist

#307189 şikayət

1 dəfə gəldiyin həyatda səhər 9 axşam 6 işləmək

+15 əjdaha

"normal" sayıla biləcək işimdən heç bir planım, frilans işlərim olmadan çıxmağımın əsas səbəbi olan fikirdir.

çünki başa düşdüm ki, 9-6 aralığında işləmək nə icazə verir ki, aldığım pulu istədiyim şeylərə xərcləyə bilim, nə də sevdiyim işləri görə bilim. 6-da işdən çıxdın, 1 saat tıxaca düşdün, evə gedib bir tikə yemək yedin, bununla da yorğun düşüb heç nə etmədən yatmağı gözləyirsən. və sabah oyanmalı olduğun üçün də gecəyə qədər qalıb nəsə etmək kimi lüksün də olmur.

indi 4-5 yerdə frilans kimi işləyirəm və ofis işi deyil deyə sosiallığım çox aşağı düşüb, vaxt bölgüsü məcburiyyəti, daha çox dedlayn insanı yorur, amma bu belə 9-6 işləməkdən qat-qat yaxşıdı.

edit: varlı ailənin uşağı-zadı deyiləm, allah eləməsin. işdən çıxdığım dövrdə 1 frilans işim var idi sadəcə, hansı ki xərclərimi çox azaltsam, mənə bəs edəcəkdi. mən də onu nəzərimdə tutub işdən çıxdım. 1 ay işsiz qalandan sonra 1 frilans işim daha oldu, ondan da 1 ay sonra 2 frilans iş özü gəldi. yəni ki, planlanmamış, qəti qərarlar vermədən əvvəl düşünsəniz, yaxşıdı.

12 əjdaha! 04.02.2022 13:52, adelchist

#344991 şikayət

ikinci qarabağ müharibəsi

+14 əjdaha

ikinci qarabağ müharibəsidirsə belə (ki məncə, deyil, 1 ay sonra "sentyabr döyüşləri" kimi xatırlanacaq) yenə öz içimizdən bir-birimizi diddiyimiz hadisədir. kosmopolit, pasifist olanların başına açmadıqları oyun qalmır, hamı bir-birinə zəhər qusur. yalançı şovinistlər whatsapp statuslarında, sosial mediada göstərdikləri tək adamlıq tamaşaları ilə təngə gətiriblər. heç kim ağzının danışığını bilmir və bilmək də istəmir, cəbhədə olanların vəziyyətinə görəmi narahat olaq, ya bu axmaqların yazdıqlarınamı əsəbiləşək, insan seçməkdə çətinlik çəkir. hamı nəsə yazanda elə bil and içib ki, sözləri camaatın 7 qatından keçməlidir, halbuki istifadə olunan kəlmələri daha həssas seçmək olar.

o qədər bəllidir ki, çətinlik, müharibə görməmiş bir nəslin yetişdiyi (97-98-dən sonrasından danışıram). necə davranmalıyıq, bilmirik. ən xırda problemdə belə bir-birimizi boğuruq. bütün dünyada baş verməyibmiş kimi öz taleyindən gileylənənlər var hələ, bəs niyə belə oldu, pandemiya, müharibə dövrünə düşdü gəncliyim. sənin gəncliyinə asqırım, gözlə də iki dəqiqə.

hələ də dəqiq itki sayının açıqlanmaması (biz tərəfdən) dünya miqyasında və müharibə propagandası baxımından yaxşı addımdır, çünki hər insanın məhləsinə uzağı 2-3 şəhid gəlir, digərlərindən xəbərimiz yoxdur, amma media qarşı tərəfin rəsmilərinə istinadən 500-dək yaralı olduğunu deyəndə biz sanki düşünməyəcəyikmi bir 600-ü də bizdə var? deyəsən, düşünməyəcəyik, çünki insanlar şəhid xəbərləri 1-1 gəldikcə orada 15 nəfərin öldüyünü düşünür, həqiqətən də, yüzlərləsinin yox.

bircə şey bilirəm ki, orada həyatını itirən adamların canı hər şeydən üstündür və heyif ki, kimlərinsə kefi belə istəyir, planları belə cızılıb deyə ölənlər onlar oldular.

bununla belə, dünən rusiyadan çıxan yük maşınları iran ərazisi ilə norduzdan ermənistana daxil olur. bir çoxunun güldüyü informasiya müharibəsi məsələsində isə nə qədər geridə qaldığımızı başa salmaq mümkün deyil, çünki bütün rəsmilərin twitter hesablarının reply hissəsində türklərin bizə etdiyi yardımlardan danışılır, rusiya və iranın ermənistana etdiyi yardımdan yox.

bu arada, cənubi azərbaycan adlandırdığımız bölgədə bizim saytlara çıxış məhdudlaşdırılıb. normalda dini əlində bayraq edən bir ölkənin əzəldən xristian olan qonşusuna yardımı gözlərimizi yaşartdı, tolerantlıq burada qazanmalıydı, hə mütləq?

12 əjdaha! 29.09.2020 12:35, sistem robotu

#305273 şikayət

ata

+16 əjdaha

vaxtında terapiyaya getmədiyi üçün mənim getməyimə səbəb olan və neçəsə aydır aldığım dəstək sayəsində 1 ay əvvəl hər dəfə bir zəngi, mesajı və sairə ilə günümün içinə pox qoyduğunu anladıqdan sonra mənə qarşı olan sevgisinin şərti olduğunu dərk etməyə məcbur qaldığım insandı. yəni məni şərtlərlə sevən insandı - onun istədiyi kimi olmasam, məni sevgisizliyi ilə cəzalandırmağa hazır olan, məni olduğum kimi qəbul etməyən, qəbul edəcək götə sahib olmayan, mən həyatımı özünə uyğun qurmağa çalışan biridir. insan ayrı da qala bilmir - illərin emosional təcavüzüdür ki, bir az artıq-əksik söz deyən kimi özün pis olursan, amma faktiki olaraq öz sağlamlığın üçün belə ailə fərdlərindən uzaq durmalısan.

15 əjdaha! 18.06.2023 02:38, sistem robotu

#373991 şikayət

azərbaycanın geridə qalma səbəbləri

+16 əjdaha

başı qapazlı millət olmağımızdır. yuxarıda sadalanan hər şeyin səbəbi mənə elə gəlir ki, bundan irəli gəlir. bütün tarix boyu əzilən, başına vurub konfeti alınan bir ölkə və millət olduğumuz üçün özümüzə qarşı inamımız, etiraz edə bilmə qabiliyyətimiz, şikayətimizi dilə gətirmə bacarığımız yoxdur, əziliriksə, buna qarşı səs çıxartmırıq, çünki heç vaxt çıxartmamışıq. biz həmişə bizim axmaqlığımızdan istifadə edən bir qəhrəman gözləmişik ki, o bizi səsləsin, ondan sonra küçələrə tökülüşək (baxma: 1993). bu da öz içimizdə passiv aqressiv olub çölə yaltaqlanmağımıza, içimizdəki aqressiyanı başqaların həyatına paxıllıq eləməklə, ona-buna söz atmaqla, gənclərin həyatını qaraltmaqla çıxarırıq. əyləncəli, xoş, uğurlu həyat yaşayan adamları görməyə gözümüz yoxdu.

tarixdən dərs çıxarmırıq. azərbaycanlıların əksəriyyəti də nə ölkəsini, nə də millətini sevir. kim nə edirsə, ölkəni daha da aşağı batırmaq üçün edir. ona görə də geridə qalmağa məhkumuq.

13 əjdaha! 17.11.2022 14:37, adelchist

#362622 şikayət

sevil beynəlxalq qadın sənədli film festivalı

+12 əjdaha

2020-ci ildən bəri fəaliyyət göstərən gender məsələlərinə fokuslanan sənədli film festivalıdır.

qurucusu aygün rəşiddir. aygün rəşid beynəlxalq mediada lgbtqa+, gender problemləri ilə bağlı yazı və fotoreportajları ilə fəaliyyət göstərir. və yəqin ki, ona görə də bu festivalı gender məsələlərinə işıq tutan filmlərin platforması olsun deyə yaradıb.

bu festivalı digər festivallardan (onsuz da, azərbaycanda 1-2 festival var) fərqləndirən şey həm də regionlarda keçirilməsidir. keçən il "mən bahara layiqəm" şüarı altında 21 film nümayişi keçirib, 5 gün əsas festival tədbirlərini gəncədə keçirib, 12 ustad dərsi təşkil ediblər. əslində, bu rəqəmlər festival üçün, xüsusən də, azərbaycanda olan, dövlət tərəfindən maliyyələşməyən, genderi əsas mövzu təyin edən və regionlarda daim problem və çətinliklərlə üzləşən festival üçün çox güclü rəqəmlərdir.

keçən il festivala 74 ölkədən 414 film müraciəti olub. düzdür, bu say həm də müraciətin pulsuz olması səbəbilə belə yüksəkdir, amma hər halda da.

saytları link

,

film aç-da olan müsahibələri link

,

başqa bir müsahibə link

12 əjdaha! 20.02.2022 16:56, adelchist

#345931 şikayət

the smiths

+11 əjdaha

1982-ci ildə ingiltərədə qurulan rok qrupu. hərəyə bir ayrı təsir edir, belə də supergücləri var. demək mən ilk dəfə qulaq asanda popa bənzədib xəfif soyumuşdum. həm də adı da 5-ci sinif ingilis dili kitablarından fırlamış kimidir deyə ayrı bir əsəb olurdum. sonra dost tövsiyyəsi üzərinə bir mahnılarına 2-3 dəfə ard-arda qulaq asıb depressiya şilləsini düz qulağımın dibinə yeyəndən sonra başa düşdüm ki, bu qrup nədir, nə deyildir. bu arada, qrupun adının şablon olmasının səbəbi belə verilir ki, o dövrlər rok qruplarının adları çox kreativ, dəyişik olurmuş. qardaşlar da düşünüblər ki, biz ən çox bilinən soyadı götürüb öz sadəliyimizi ortaya qoyaq.
qrup çox yaşamır, 5 il sonra dağılır; mahnı sözlərini, əsasən, Morrissey yazırmış və özü də əsas vokalda olduğu üçün bir növ bir liderlik mövzusu var imiş ortada. həmin dövrlərdə digər bir dominant üzv olan johnny marr ona əks olan bir şəxsiyyətə malik olduğu üçün qrupu bu iki şəxsin daxili çəkişmələri ilə aşağıya düşürməkdənsə, bir dəfəlik dağılışmağın daha yaxşı olduğunu düşünüblər.
heç fərq etmir, 5 il, ya 50 il, uzun illər unudulmayacaq indie rock babalarıdılar.
ən sevilən, bilinən mahnılarından:

(youtube:

)

(youtube:

)

(youtube:

)

(youtube:

)

8 əjdaha! 02.09.2018 21:15, adelchist

#277501 şikayət

10 milyonuncu vətəndaşın doğulması ilə bağlı konsertlərin keçirilməsi

+14 əjdaha

biri var imiş, biri yox imiş, bir gün dərəbəyliyin baş alıb getdiyi azərbaycan adlı yabılar ölkəsində böyük şirkətlərin işləyən beyinləri bir yerə yığılıbmış. yenicə xəbər tutduqları 10 milyonuncu vətəndaş xəbərindən xoşbəxtlikdən göydə uçurmuşlar. birdən bu şirkətlərin ağlına gözəl bir fikir düşübmüş: bu xəbəri virala çevirib qara camaatın patriot və beyinsiz təbəqəsini oyalamaq. bu cibləri və evləri böyük insanlar xalqı öz arxaları ilə çəkə bilmişdilər, amma əsas məsələ 13 yaşlı qızın eyni vaxtda intihar etmiş olmasıymış.
bunu görən digər təbəqədəki insanlar buna qarşı passiv etiraza başlayıblarmış. amma bu, heç bir nəticə vermirmiş.
sonda məktəb direktoru qızın yıxıldığını bəyan edib, insanlar da 10 milyonuncu adamı da, 9 milyondan birini də unudub eyni cürə robotvari yaşayışlarına davam edibmişlər. göydən 3 alma düşdü, hamısı da özümündü.
tərif: xalqın yarısını sevindirib, yarısını təəccübləndirən hadisə.
edit: başlıq üstümə qaldı

12 əjdaha! 08.04.2019 12:55, adelchist

#285085 şikayət

ikinci qarabağ müharibəsi

+12 əjdaha

1 ay 2 gündür müharibə davam edir. bərdə və gəncənin bombalanması və günahsız insanların ölümündən sonra indi də goranboy atəşə tutulur. dünən bərdədən paylaşılan şəkillərdən sonra instagramda bəzi gənclər müharibə ərzində həyatını itirmiş (öldürülmüş) uşaqların da şəklini özününkü ilə paylaşaraq "mən rahat böyüyə bildim, onlar isə yox" kimi bir challenge başlatdılar.

bunları yazmaq çətindir, çünki bu haqda nəsə danışmaq istəyəndə, yaxud bombalanan şəhərlərlə bağlı araşdırmalar aparıb hazırda oradakı vəziyyətin necə olduğunu öyrənməyə çalışanda hiss etdiyin miskinliyə son verə bilmirsən. düzü, belə şeylər olanda adam bir az özünə əsəbiləşir ki, burada üzülməyə haqqı olan insan sən deyilsən.

1 aydır şəhidlərin adları yalnız müxtəlif səhifələrdə 1-1 paylaşılır. oradakı vəziyyətdən xəbər gəlmədikcə başımız qarışır azad etdiyimiz torpaqlara, prezidentin odlu-alovlu çıxışlarına, itkilərimizdən xəbərimiz də yoxdur (itkilərin sayının müharibənin sonunda bütöv paylaşacağını ilham əliyev özü qeyd etmişdi).

atamla hər dəfə zəngləşəndə üstünə basa-basa qeyd edir ki, bu günlərdə baş verən hər şeyi qeyd elə, gələcəkdə bir jurnalist kimi bu günlərdən memuar, yaxud dokumental kitab yazsan, indiki faktlar sənə lazım olacaq. amma düzü, özümdə o cürə cəsarəti də tapmıram. bu arada, iş yoldaşları ona bizim rayondan videolar atırlar. rayonun mərkəzində daş üstündə daş qoymayıblar, çünki orada yaşayan sakinlər yoxdur və köhnə evlərin, kafelərin daşlarını kərpiclərini səngərlər üçün istifadə ediblər.

həmişə tarixi kitablardan oxumuşuq, həmişə qəhrəmanlar başqalarının dövründən çıxıb elə bil, ya da tarix olanlar bizə uzaq qalıblar, indi özümüz tarixin düpbədüz ortasındayıq. 27 sentyabrda başlayan atışmaları önəmsiz zənn edən neçə-neçə insan belə (biri özüm) indi daha inamlıdır ki, doğrudan da, ölkə çətin vəziyyətdədir.

bu dövrlərdə həm də türkiyə fransız məhsullarını boykot edir - cavabı gecikmir, fransız mediası cavabını sadəcə şəkillərlə (erdoğan və xanımının geyimlərindəki fransız parçalar) verir. terror qruplaşmaları artıq əvvəlkindən daha çox gündəmdədirlər. türkiyədə yanğınlar, pakistanda terror hadisələri, fransda islamofob məsələlərin qızışması vəziyyəti çətinləşdirir.

bu gün martdan bəri ilk dəfədir azərbaycanda koronavirusa yoluxanların sayı 1000-i keçdi. sağalanlar da çoxaldıqca ölənləri sayı da artmağa davam edir.

twitter, facebook, instagram artıq gənclər üçün əvvəlkitək əhəmiyyət daşımır, amma çalışdıqlarını edirlər. heşteqlərdən istifadə hər gün baş verir, amma TT-ə çıxartmaq cəhdləri artıq güclü deyil. ermənilər isə BBC news və ny times-ın bərdədən olan reportajlarının altında propagandasını yaymağa davam edir. əgər bir az vaxtınız varsa və onlardan hansısa biri ilə "prosta" söhbət edirsinizsə və söhbət etdiyiniz insanın intellekti sən deyən qədər güjdü deyilsə, danışdıqca adamın necə öz-özünü təkzib etdiyini və dolayı yolla sənə haqq verdiyini görəcəksən.

müharibəni bizim başlatdığımızı deyirlər - hansı ki, çox məntiqlidir, ermənistanın bu iqtisadiyyatla başı üçün də olmazdı heç - və buna görə bizi günahlandırırlar. bəs bunlara sual verən yoxdur ki, bu müharibənin zəmini nədir? siz bizi torpaqlarımızdan qovan, xocalını törədən deyilsiniz? indi biz onun qarşılığını veririk deyə günahkar biz oluruq? əgər ermənistan əvvəlkitək rusiyaya arxalansaydı, koronavirus olmasaydı və ölkənin rifahı yerində olsaydı, yenə torpaqsız qalan, geri çəkilməyə məcbur edilən biz olardıq. indi ağlamağa yer tapıblar deyə özlərini victim kimi göstərirlər. sadəcə dəhşətdir.

bir də daxildəki xiyarlardan xəbərlər var. bəzi insanlar əsgərlərə pay göndərilən paketləri mənimsəyir və rayondan bakıya qayıdanda satırmış. ona görə xəbərdarlıq edirlər ki, əgər o paketlərin birbaşa sərhəd ərazilərinə çatdığını dəqiqliklə bilmirsinizsə, dostunuzun dostunun tanışının nə bilim nəyinəsə inanmayın.

hikmət hacıyev fanlığı ilə yanaşı, anar eyvazovun da işini yerinə yetirdiyinin şahidi oluruq müharibə başlayandan bəri. 25-26 sentyabrda onu vəzifəyə təyin etməklərinin səbəbini indi görürük.

8 əjdaha! 29.10.2020 20:06, adelchist

#308398 şikayət

musiqi jurnalistikası

+10 əjdaha

dünyada bu boyda "billboard"ların, "rolling stone"ların, "clash"ların var olduğu təqdirdə azərbaycanda mövcud olmayan anlayışdır.
musiqi jurnalistikası başqa bir deyimlə musiqi tənqidi də anlanır və musiqini sevən jurnalistlərdən çox, vaxtı ikən musiqi ilə məşğul olmuş insanların yiyələndiyi peşədir.
yuxarıda sadaladığım jurnallara daha çoxunu misal vermək olar və bunu da qeyd etmək lazımdır ki, 80-ci illərdə türkiyədə də musiqi sektorunu bir-birinə vuran musiqi jurnalı olub o da "blue jean".
fanzin, jurnal, qəzet keçmişi o qədər də parlaq olmayan (klassikləri, 18-ci əsrin sonu, 19-cu əsrin əvvəllərindəki babalarımızın yaratdığı jurnal/qəzetləri kənarda tutaraq deyirəm) bir ölkə üçün musiqi jurnalistikası da xəyala yaxın bir şeydir.
hətta məhz buna görə də radiolarımızın heç birində janr bölgüsü görmək mümkün deyil. günorta xalq mahnıları verən aztv (105.0) gecə 5-də michael jackson verir. musiqi tənqidçisi, dolayı yolla janr bölgüsünə tabe tutulmuş radio sistemi olmayan bir ölkə üçün də standartdan üstün musiqi sektoru gözləmək bir az ağrılıdır. azərbaycan ölməyib, amma nəsə pis iy verir

5 əjdaha! 02.05.2020 01:02, adelchist

#294863 şikayət

sözaltı etiraf

+12 əjdaha

necə baş verdi ki, 14-15 yaşlı yeniyetmə ikən birdən söz6-nın azı 10 illik yazarı olmuş oluram, birdən ağlıma gəldi, məni dəli elədi şəxsən.
obyektiv şəkildə deyə bilmərəm ki, söz6 mənim inkişafıma yaxşı təsir etdi, ya pis, amma indi köhnə entrylərə baxmaq dəhşətli dərəcədə kövrəldici gəlir mənə.

10 əjdaha! 15.09.2025 01:53, adelchist

#392396 şikayət

sözlükdə yaraşıqlı oğlanların olmaması

+11 əjdaha

sözlükdəki bir çox insanın nə qədər seksist olduğunu bir daha göstərən başlıqdır. kişilərin xarici görkəmi ilə bağlı başlıq açılanda təhqirin birini bir qəpikdən deyirsiniz ("yaraşıqlı kişi axtaran getsin başqa platformalara", "bu başlığı açanlar tükəzbanlardı", "ay beləsiz, heləsiz", "zato biz ağıllıyıq" və s.), amma bu sözlükdə "filan şeyi filan edən qadın", "bunu belə edən qız", "filantəhər xalaşka", "alma soyan qadın", "nə bilim nə qadın" kimi başlıqlar açılanda biriniz də çıxıb "a bala, bura qadınları müzakirə eləməyə gəlmisiz? rəddolun "filan yerə" (ya da alternativ bir səviyyəsiz yerə) deyə bilmirdiniz, əksinə uzun-uzun entrilər yazırdınız, mırtlaşırdınız, deyirdiniz-gülürdünüz. sonra da "azərbaycanlı qadının təcavüz gündəliyi" kimi başlıqlarda öz hekayəsini bölüşən adamların entrylərinə onlarla əjdaha basırdınız. indi sizin bu elədiyiniz nədi, göstərdiyiniz reaksiya nədi, yazdığınız nədi də?

bura yazıb sözlükdəki oğlanların xarici görkəmini müzakirə edən adam da düz eləmir, ona da haqq qazandırmıram. hər iki tərəf eyni dərəcə seksistdi və belə edib sözlüyün məqsədini dəxlisiz şeylərçün istifadə edirsiniz. hansı ki bu başlıqları görmək istəməsək də, qaça bilmirik, çünki top 1-dədi.

8 əjdaha! 06.03.2022 01:20, adelchist

#346717 şikayət

8 mart

+15 əjdaha

zərif olmayan, ana olmaq istəməyən (childfree), ailə qurmaq barəsində düşünməyən, şəhid anası olmayan, xoş gün üzü görməmiş, 14 yaşında evləndirilmiş, qətlə yetirilmiş, döyülmüş, alçaldılmış, qız övlada hamilə olduğu üçün xor görülmüş, təhsildən yayındırılmış, qaynana hökmranlığına boyun əyməyə məcbur qalmış, hər hansı bir səbəb görə boşanmış qadınların da günüdür.

14 əjdaha! 08.03.2022 18:49, adelchist

#346867 şikayət

dokubaku beynəlxalq sənədli film festivalı

+9 əjdaha

2 il əvvəl haqqında yazdığım və o 2 ildən sonra tərkibində baş verməyən hadisənin qalmadığı sənədli film festivalıdır. daxili və xarici problemləri olmasaydı, xeyli iş görəcəkdilər istər əvvəlki komanda ilə, istər indiki. bu il əsas icraçı direktor kimi oqtay namazovu görürük dokubaku staffında. saytlarını yeniləyiblər, instagramlarında yeni postlar paylaşıblar, yeni əməkdaşlıqlar qurublar və sairə, və ilaxır.

ələlxüsus, möhtəşəm xəbərlərlə qayıdıblar. etiraf etmək lazımdır ki, onların kiçik pub, kafe, yaxud geniş teatr zalları, mərkəzlərdə keçirdikləri nümayiş günlərinin yerini vermir, amma onlayn nümayiş təşkil ediblər. 7 gün ərzində bu platformadan qeydiyyatdan keçərək link

nümayişləri pulsuz izləyə bilərsiniz. filmlərin kateqoriyalarını, sinopsis, yaxud açıqlamalarını oxumaq üçün, treylerlərinə baxmaq üçün dokubakunun saytına link

keçid edə bilərsiniz.

7 əjdaha! 30.11.2020 23:22, adelchist

#312038 şikayət

hər şeyin pisə doğru getdiyinin anlaşıldığı anlar

+9 əjdaha

fevralda "yəqin, başım qarışıqdı, düzələrəm" deyə düşünüb artıq 11 aydır mental sağlamlığının düzəlmədiyini və hətta sözün əsl mənasında fiziki olaraq da tək qaldığın üçün bunun get-getə pisləşib dərinləşdiyini dərk etdiyin andır.

7 əjdaha! 23.12.2020 01:18, adelchist

#314188 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

adelchist

son bəyənilənlər:

oxuyucuların bəyəndikləri:

adelchist

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: