arnold

125 0 0 0

4. nəsil yazar

entry: 125

0 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 6 gün

axşam yazarı

Yeni

Səviyyə 1

0 / 100 XP

14.7K

təxmini söz yazıb

0.2 kitaba bərabər

Statistika

Nailiyyətlər 7 / 14

İlk Addımlar

Yazıçı

Əjdaha Balası

Oxunan

Veteran

Əbədi

Abidə

Qələm Ustası

Əjdaha

Karma Yığıcı

Tanınmış

Vikipedist

Bestseller

Həftəlik Seri

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

zəkalı qızların ortaq xüsusiyyətləri

+20 əjdaha

olmayan xüsusiyyətlərdir.
belə ümumiləşdirmələr mənə çatmır da qardaşım. zəkalı qız deyəndə kimləri nəzərdə tutursunuz? və ya zəka deyəndə nəyi nəzərdə tutursunuz?
hərkəslə səmimi olmaq imiş, bir adam içinə qapanıq, salam alıb verməkdən nifrət edən, cəmiyyət ətrafında olmaqdan nifrət edən bir tip olub eyni zamanda da zəkalı ola bilməz? və ya sosial mühit təsirindən qapalı fikirli böyüyüb və eyni zamanda da zəkalı ola bilməz?
belə söhbətləri görəndə çox vaxt internetdə yayılan "məhsuldar insanların ortaq 7 hobbisi", "ağıllı insanların qulaq asdığı 5 musiqi janrı", "açıq fikirli insanların hər gün etdiyi 6 şey" kimi içi boş, sadəcə reytinq yığmaq məqsədi olan 2-3 qəpiklik məqalələr ağlıma gəlir.
bunun adını uzağı "zəkalı insanlarda görünmək istənilən ortaq xüsusiyyətlər" kimi qoya bilərsiz. sosial araşdırma edən bir alim olsanız belə yenə də zəkalı və ya zəkasız insanların ortaq xüsusiyyətlərini tapıb buna tərif bilmərsiniz, mümkün deyil yəni, çünki tərif versəniz belə mütləq o tərifi səhv çıxardacaq bir misal dolaşıb tapacaq sizi. dönüb ətrafınıza baxıb, dünyanın və insanların necə kompleks bir sistem şəraitində mövcud olduğunu görməyiniz kifayətdir bunu anlamaq üçün.

16 əjdaha! 09.07.2016 16:22, arnold

#220813 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

edx.org

+15 əjdaha

dünyanın bir neçə prestijli universitetlərindən (harvard, mit və.s.) pulsuz kurslar götürüb online təhsil ala biləcəyiniz sayt. demək olarki hər sahə üzrə kurslar açılır və əgər istəsəniz götürdüyünüz hər kurs üzrə 40-50 dollar arası bir məbləğ ödəyərək də rəsmi sertifikatlar alabilərsiniz. qısacası, ənənəvi təhsildən kənara çıxmaq istəyən, "self-study" üsulu təhsili xoşlayan, ya da lap belə deyim, nəsə öyrənməyə həvəsi olan hərkəs bu faydalı məkandan yararlana bilər.

10 əjdaha! 27.01.2016 22:01, arnold

#195811 şikayət

azərbaycan universitetlərinə qəbulda test üsulunun ləğv edilməsi

+15 əjdaha

yerinə daha düzgün bir sistemin gətiriləcəyi təqdirdə olduqca sevinəcəyim bir qərar. soruşsan ki bu test sistemini niyə müdafiə edirsən o dəyqə başlayacaqlar ki ay nə bilim rüşvətin olmadığı yeganə yoldu, yox əfəndim elçibəyin bizə buraxdığı sonuncu mirasdı zad. ən narahat edici məqam odurki bunlara görə rüşvətin olmadığı bir sistem qeyri-adi bir sistemdi, yəni ki bunu sehirli bir yolla, qeyri-adi formada tapmışıq və bu qeyri-adi sistemi nə bahasına olursa olsun rüşvətsizdi deyə qorumaq lazımdı. bunlara görə rüşvət yoxdu deyə bu sistemin neqativ təsirlərini filan hamısını göz ardı eləmək olar. deyəcəksizki hə nədi bu gözəl rüşvətsiz sistemin neqativ halları? 1-2sini yazmaq istəyirəm.
1. universitet oxumağa gedən birinə lazımsız, tonlarla materialın (hansı ki unide oxuyacağı sahə ilə əlaqəsi yoxdu) əzbər öyrədilməsi. misal üçün mən gedib hüquq fakultəsində oxuyacamsa kitabi-dədə qorqudun filanıncı boyunun filanıncı paraqrafında basatın təpəgözü öldürmədən əvvəl yolda neçe neferle meslehetleşmiyini əzbər bilməliyəm ki ədəbiyyatdan 25 düz yaza bilim ki balım 650-dən çox olsun və hüquqşünas olabilim. abituriyent vaxtları nə qədər adam tanıyırdım iii qrup üzrə 670 filan bal topluyub üstünə də tarixdən 25 düz yazıb özlərini ağıllı hesab edirdilər. ama gedib həmən adamdan soruşsandaki xəritədə antik misirin yerləşdiyi ərazini göstər dönüb mal-mal üzümə baxırdılar.
2. tənqidi və analitik fikrin öldürülməsi və yerini mənasız əzbərçiliyə verməsi. test sistemi səndən azərbaycan xalq cümhuriyyətinin nə vaxt yarandığını soruşur, niyə yarandığını yox. test sistemi səndən dədə qorqudun basata təpəgözü öldürmək üçün hansı məsləhəti verdiyini soruşur, dədə qorqudun azərbaycan tarixindəki rolunu yox.

p.s. bir də belə arqument gətirilərki ay nə bilim test sistemi inkişaf etmiş qərbin sistemidi, testdən çıxmaqla sovet dövrünə qayıdırıq filan. ama bunu deyənlərin heç xəbərləri də yoxdur ki o bütün günü övündükləri qərb ölkələrində demək olarki universitetə qəbul test üsulu ilə aparılmır. onlar bizdən çox əvvəl anlayıblar ki üni oxuyacaq adamda əzbərçilik qabiliyyəti yox, tənqidi düşünmə qabiliyyəti və analtik bacarıqlar lazımdır.

15 əjdaha! 23.02.2016 00:10, arnold

#200282 şikayət

səni deyirlər

+13 əjdaha

(baxma: rəqs eləməklə inqilab eləməyə çalışan azərbaycanlılar)
(baxma: ətiniz tökülsün dedirtən trendlər)

11 əjdaha! 07.09.2018 19:23, arnold

#277666 şikayət

azərbaycan gənci

+13 əjdaha

ailəsindən daimi asılı olan, ailəsinin sözündən çıxmağı bacara bilməyən gənclik. təbii ki, belə vəziyyətin formalaşmasında mövcud mədəni dəyərlərin (və ya dəyərsizliyin) böyük bir rolu var. "qılınc müsəlmanıyıq" mentaliteti ilə uşaq yaşından insanları məktəblərdə və ya evdə döyürlər və azarlayırlar ki, bəs bunu sərbəst buraxsaq dərs oxumayacaq, universitetə girməyəcək, siqaret çəkəcək. nəticə etibarı ilə bu adamlar 30 yaşına gələndə hələ də iş tapmaq üçün atasının kiməsə rüşvət verməyini gözləyirlər, 18 yaşına gəlib çatıb hələ də ölkə xaricinə çıxmaq üçün ailəsindən icazə istəyirlər, 18 yaşına gəlib çatıb hələ də sevgilisinin hətta əlindən belə tutmağa çəkinirlər ki yoldan keçən tanış görər, bunları məcburən və ya psixoloji təsir vasitəsilə tələsik evləndirirlər ki, "avara" qalsa gündə biri ilə yatacaq. universitet tələbəsi görürsən deyir mən əslində oxuyan deyiləm prosta məni müəllimlər və evdəkilər zorla oxudurlar. (bax: wtf) belə üzvləri olan bir gənclikdən hələ ölkəni xilas etməyi gözləmək filan gülüncdür. gərək yavaş-yavaş başlayasan və addım-addım irəliləyəsən.
ailəsinin və qohum-əqrəbasının təkidinə gərək duymadan, ümumiyyətlə repressiv xarici kontrol olmadan mənalı və məhsuldar həyat yaşaya bilən, özünün və ətrafının gələcəyini düşünə bilən və hedonizmə qapılmayacaq bir gəncliyə ehtiyac var bu ölkədə. o gənclik formalaşandan sonra danışa bilərik ki, gəncləri biznesdə, dövlət idarəsində qabağa çəkmək lazımdır filan. bəlkə onda işi-gücü ölkəni çapıb-talamaq olan ancaq ildə bir dəfə prezident yanında müşavirədə tər tökə-tökə danışan nazirlər əvəzinə, ciddi olaraq ölkənin gələcəyini fikirləşən bir intellektual zümrənin formalaşdığını müşahidə elədik.

12 əjdaha! 10.08.2019 14:51, arnold

#289330 şikayət

heç bir şey etməyib hər şeyi hökümətdən tələb edən adam

+8 əjdaha

sovet ideologiyasının azərbaycan xalqında buraxdığı və bugünə qədər davam etməkdə olan ən güclü və təsirli gözləntilərdən biri, bəlkədə birincisi. sosialist keçmişimizə əsasən bugün xalqın hərşeyi dövlətdən gözləməsi normaldı, belə ki sovetlərin hakimiyyəti dönəmində hərşeyi dövlət qarşılayırdı. insanlar məzun olanda dövlət tərəfindən işlə, mənzillə təmin edilirdilər. bazar prinsiplərinin olmadığı və ya olsa da dövlət tərəfindən idarə edildiyi bu tip cəmiyyətdə insanlar dövlətin gücünü sorğulamazlar. çünki bilirlər ki dövlət təbii ehtiyatları mənimsəyirsə bunu xalqın ehtiyaclarını təmin etmək üçün edir. ancaq kapitalizmdə və sərbəst bazar iqtisadiyyatında bu dediklərimiz yoxdur. bazar iqtisadiyyatının hakim olduğu cəmiyyətdə uğurlarının da uğursuzluqlarının da səbəbi sənsən dövlət yox. dövlət sadəcə qanunları qoruyur, bunu təmin etmək üçün polis və məhkəmə qüvvələrini yaradır və bir də sosial təbəqsindən asılı olmayaraq hərkəs bəzi ayrıcalıqlardan yararlansın deyə pulsuz təhsil və səhiyyə sistemi qurur və bu tip digər servisləri təmin edir. lakin sosializmdən kapitalizmə birbaşa keçid dönəmində dilemmalar baş verir və insanlar bu prosesi düzgün anlamırlar. insanlar hələ də uşaqlarına zorla ali təhsil diplomu aldırmaq üçün bilmirlər nə oyunlardan çıxsınlar, çünki onların ağıllarında hələ də sovet rejimidir, elə bilirlər məzun olan kimi işlə təmin olunacaqlar ama bugün o universitetin qozuna de deyil ki sən məzun olanda neyniyəcəksən.

7 əjdaha! 24.01.2016 01:08, arnold

#195384 şikayət

azərbaycanlıların bir-birindən zəhləsi getməsi

+12 əjdaha

həddindən artıq şişirdildiyini düşündüyüm və haqqında bir-iki kəlmə yazmaq istədiyim məsələ.
bütün cənubi qafqaz ölkələrində sorğu keçirilmişdi ki, dövlətin sizə valideyn kimi yoxsa işəgötürən/işverən kimi rəftar etməsini istəyərsiniz. azərbaycan, gürcüstan, ermənistan əhalisi arasında sadəcə azərbaycanlılar bildirmişdilər ki dövlətin bizə valideyn kimi rəftar etməyini istəyirik. mənbə: https://caucasusbarometer.org/en/cb2013az/GOVTROL/
bu bilirsiz nə deməkdir? valideyn uşağını sevməlidir ancaq uşaq valideyninin gücünü sorğulaya bilməz. digər halda isə, işəgötürən işçini sevməyə məcbur deyil ancaq işçini işdə saxlamaq istəyirsə ona hörmət etməyi, insan kimi davranmağı bacarmalıdır, əks halda işçi səni sorğulaya bilər.
insanlara olan sevgiyə gəldikdə isə, əslində fərd olaraq sadəcə öz ailəvi, sənə yaxın adamları dəyişən dərəcələrdə həqiqi mənada sevə bilərsən. yad adamlara sevgi bəsləmək zad gülünc səslənir həm də ki indiki zəmanədə çox süni səslənir. şirkətlərin işçi cəlb eləmək üçün soxuşdurduğu "biz şirkət yox, böyük bir ailəyik" kimi reklamlara oxşuyur bu gəlin bir-birimizi xalq olaraq sevək misalı. fərq orasındadır ki, ikincisini şirkətlər yox dövlət şəxsi maraqları boğub, onları ümumi maraqlara tabe etmək istəyəndə soxuşdurur fərdlərə. əksinə, insanlar bir-birinin işinə qarışmadığı, qanunların pozulmadığı, insanlar arasında ümumi güvən olduğu təqdirdə süni ümumbəşəri sevgiyə ehtiyac da yoxdur.
ümumi güvən necə formalaşır? məmuruva güvənirsən ki, rüşvət almayacaq çünki bilirsən ki, rüşvət alsa məmuru işindən edəcək güclü məhkəmə sistemi var, ona görə yox ki məmuruvu sevirsən. növbə gözləyərkən arxadakı yad adama güvənirsən ki, növbəni pozmayacaq, çünki o adam bilir ki, növbəni pozsa sabah başqası da növbəni pozacaq və bu nəticə olaraq uzun müddət ərzində hərkəsə zərər vuracaq.
şəxsi mənafeyi güdmək probleminə gəldikdə isə, yenə insanlar arasında keçirilmiş sorğulara baxsaz, yad adamlara olan ümumi güvən individualist və kapitalist ölkələrdə daha çoxdur, nəinki bizim kimi mühafizəkar və kollektivist cəmiyyətlərdə. mənbə: https://ourworldindata.org/trust
o ki qaldı azərbaycanlıların bir-birindən pula görə və ya başqa birşeyə görə istifadə etməsinə. bunun səbəbi rüşvət və korrupsiyanın yaratdığı sosial-iqtisadi sistemdir ki, insanların artıq pul qazanmaq üçün hər fürsətə əl atmasına məcbur edir. sabah get norveçdə korrupsiyalaşmış sistem qur, orda camaat bizdəkilərdən betər bir-birinin quyusunu qazacaq. 10 əsr əvvəl orda vikinqlər bir-birini baltalayanda müsəlman ölkələrində az-çox mədəniyyəti təbliğ edən bir sistem var idi.
insan öz təbiəti ucbatından öz maraqlarını güdməyə məcburdur nəinki ümumi maraqları. insan təbiətini dana bilməzsən amma elə bir sistem yarada bilərsən ki, orda insanlar həm öz maraqlarını güdsünlər, həm də bunu edərkən başqalarının hüquq və azadlıqlarına müdaxilə eləməsinlər. bu sistemi yaratmaq da ki çox çətin bir məsələdir. nəzərə alaq ki insanoğlu tarixin 99.9%ı ərzində korrupsiyanın normal bir vərdiş olduğu sistemlərdə yaşayıb. çətin olduğuna görə dünyada bunu həqiqi etməyi bacaran sadəcə bir neçə cəmiyyət var və qalan cəmiyyətlər hələ də bilmirlər bu insan təbiətini danaraq sevgiyə dayanan bir sistem yaratsınlar yoxsa elə həmin bataqlıqda sürünməyə davam etsinlər.
insanların şəxsi maraqlarını (təbiətini) boğub, ümumi maraqlara tabe etmək istəyən totalitar sistemlərin də hansı vəziyyətə gəlib çıxdığını yaxşı bilirik. (bax: sovet ittifaqı) (bax: gulag)

8 əjdaha! 07.01.2019 16:01, arnold

#281296 şikayət

universitet qrup uşaqlarının whatsapp qrupu

+19 əjdaha

universitetin cool oğlanlarının öz aralarında və qızlarla söhbət etdikləri/zarafatlaşdıqları, müəllimlərlə bağlı məzəkeş söhbətlərin getdiyi, arabir dərslərin müzakirə olunduğu, asosyal tələbələrin qozlamadığı, bəzən isə birbirini tanımayan ancaq birlikdə qrup işi görməli olan tələbələrin açdığı, 21-ci əsr tələbə sosial həyatının önəmli parçası, ekvivalenti universitetdəki qrupun messenger qrupu olan virtual söhbət məkanı. sifarişi verən: 92:48

19 əjdaha! 16.03.2016 21:20, arnold

#204009 şikayət

uşaqların döyülməklə tərbiyə edilməsi

+8 əjdaha

döyməklə uşaq tərbiyə edilmir, döyməklə ana-atasının sözündən çıxmayan, onlardan it kimi qorxan, amma onlar yanında olmayanda hər poxun altına girən itaətkar uşaqlar yetişdirilir. bu uşaqlar özlərini tərbiyəli aparırlarsa bunu tərbiyəli olduqlarına görə yox ailə cəlladlarından qorxduqları üçün edirlər. cəlladlar baxıb fəxr edirlər ki bax necə tərbiyəli uşaq yetişdirmişəm. amma bunlara çatmır ki, o uşaq ailəsindan aldığı hansısa bir dəyərə görə özünü tərbiyəli aparmır, ailəsindən qorxduğu üçün özünü "tərbiyəli" aparır.
hərdən fikirləşirəm ki, bizim valideynləri uşağın daxilən tərbiyəli olub-olmamağı maraqlandırmır. valideynlərə lazımdıki uşaq orda-burda valideynin adını batırmasın və filankəs baxıb deməsin ki bu uşağın ana-atası buna tərbiyə verməyib. çox ana-ata bunu rədd eləyər, amma onlar özləri belə xəbərləri olmadan "filankəs nə deyər" mottosunun qurbanıdılar.
hərdən isə fikirləşirəm ki, uşağı döymək uşağı zahirən də olsa tərbiyəli göstərməyin ən asan üsuludur və buna görə də valideynlər bu üsula əl atır. uşaq ilə oturub dəyərlər, əxlaq, tərbiyə haqqında söhbət eləmək, uşaq tərbiyəsi ilə bağlı bir-iki kitab açıb oxumaq təbii ki çətin işdir və zəhmət tələb edir. "uşağın ağzının üstündən vurmaq" üsulu isə çox asan bir alternativ yol təklif edir.

8 əjdaha! 08.06.2016 00:54, arnold

#216928 şikayət

azərbaycanlıların türk olması

+8 əjdaha

etnik qrupu fiziki görünüşlə, qan qarışığı ilə əlaqələndirsən onda nəinki azərbaycanlılar türk deyil, heç bugünki türkiyədəki türklər də türk deyil amk. guya türkiyə əhalisinin neçə faizi altaylarda yaşayan insanlara fiziki görünüşdən oxşuyur ki? əksinə çoxu sifətdən erməniyə, kürdə oxşuyur. onda gərək deyək ki türklər altaylılara oxşamır deyə əslində onlar türk deyil ermənidi?
dəfələrlə edilmiş genetik testlər onsuzda göstərib ki, azərbaycanlılar genetik olaraq kürdlərə daha yaxındır nəinki özbəklərə, qırğızlara. yəni bunu az-çox bu sahədə az-maz araşdırma edən hərkəs bilir. işin maraqlı tərəfi orasındadır ki, baxmayaraq ki genetik olaraq azərbaycanlılar kürdlərə daha yaxındır, azərbaycanlılar genetik olaraq daha çox uzaqda olan özbəklərin dilinə yaxın bir dildə danışır nəinki kürd dilində. bu sırada da söhbətin içinə etnik mənsubiyyət girir hansı ki genetika ilə əlaqəsi olmayan bir qavramdır.
ola bilsin ki azərbaycan dilində ərəb-fars alınma sözləri çoxdur, amma bu dilin türk dilləri qrupuna daxil olması faktını dəyişmir. strukturalarına və dilin özəyinə baxsan ərəb dili ilə azərbaycan dili tamamilə ayrı kainatlara məxsus konseptlərdi. şüphəsiz ki tarixi əlaqələr səbəbindən azərbaycan dilinə çoxlu ərəb sözləri keçibdir, ancaq day buna görə çıxıb deyə bilmərsən ki azərbaycan dili ərəb dilinə daha yaxındı nəinki türk dillərinə.
azərbaycan dili türk dilləri qrupuna aiddi dedim, ancaq türkdili qrupuna aid dildə danışmaq ayrı şeydi, türk olmaq ayrı şeydi. Necə ki danimarkalıların germanic dil qrupuna aid dildə danışmaqları ayrı şeydi, onların alman olub olmamaqları ayrı şeydi. etnik qrupu səciyyələndirən bir zad dildirsə, digər zad mədəni adət-ənənələrdir (qan qarışığı və ya ona oxşar digər bullshit yox). azərbaycanlılar türk dili qrupuna aid dildə danışsalarda, mədəni baxımından qarışıq irsə (türk, fars, ərəb, rus, qafqaz) sahibdirlər. Mənə qalsa ümid edərdim ki kimin qanının türk kimin qanının ərəb olması kimi mənasız söhbətləri saxlayıb, əslində bu mədəni qarışıqlığı yüksək qiymətləndirək. Çünki belə qarışıq irsə sahib az xalqlar var dünyada.

6 əjdaha! 27.12.2018 20:38, arnold

#280737 şikayət

sözlükdə türkcə yazılmasına icazə verilsin kampaniyası

+8 əjdaha

(bax: yazarı sözlükdən soyudan başlıqlar)

8 əjdaha! 03.04.2016 11:03, arnold

#207262 şikayət

feminizm

+7 əjdaha

ilk yayıldığı zamanlarda mütərəqqi bir idea olsa da, digər bütün ideologiyalar kimi sonradan bir növ qatıqlayan ideologiya. keçmişdə feministlər qadın və kişilərə eyni imkanların tanınması, qanun qarşısında cinslərin bərabərliyini təbliğ edirdilərsə indi tam əksi baş verir. bu ideologiyanın fundamental məntiqi ondan ibarət idi ki, işə götürəndə, seçkilərdə səs verəndə, universitetə tələbə qəbul edəndə və ya ümumi desək qanun qarşısında insanın cinsinin heçbir əhəmiyyəti yoxdur. indi isə "bərabər maaş", "hər təşkilatda və ya kabinetdə ən az 50% qadın" kimi absurd fikirlərlə qadınlara "positiv diskriminasiya" adı altında daha çox əhəmiyyət verirlər. adama deyərlər siktir blyaa. diskriminasiya elə diskriminasiyadır dəxli yoxdur o diskriminasiyanın arxasında hansı dırnaq-arası humanist məqsəd dayanır. dövlət bugün positiv diskriminasiya adı ilə hər zibilə burnunu soxursa, sabah onun agendası dəyişəndə artıq başqa adla cəmiyyətin və fərdlərin həyatına müdaxilə edəcək. qərb dünyasında artıq elə bir vəziyyət yaranıb ki, sırf qadın olduğu üçün filankəsə seçkilərdə səs verirlər. deyəndə də deyirlər ki, ancaq mənim cinsimdən olan insan mənim hüquqlarımı qoruya bilər. hələ kanadanın baş naziri justin trudeau da götürüb kabinetinin 50%-ını qadın edəndə bundan soruşurlar ki niyə belə etmisiz. o da deyir ki çünki artıq 2015-ci ildə yaşayırıq. gender bərabərliyi olan bir cəmiyyətdə (hansı ki orijinal feministlər əslində bunu arzulayırdılar) hökumət başçısı deməlidir ki, mən kabinetimi quranda cinsi fərqlilikləri nəzərə almıram, sadəcə kim daha bacarıqlıdırsa onu kabinetə götürürəm. trudeau bunu deyə bilməz, çünki bilir ki adamları kabinetə götürəndə bacarıqdan əvvəl, gender reprezentasiyasının eyni səviyyədə olmasına fikir verib. özü də bilir ki, belə olması ona xeyirdi, çünki cəmiyyətdə belə halda insanlar tərəfindən daha "humanist", "feminist" və daha "proqressiv" görünəcək və nəticədə növbəti seçkilərdə yüksək səs yığacaq. feminist xiyarların qozuna da deyil hakimiyyətə gələn adamın nəsə bir bacarığı var ya yox, əsas odur ki, onunla eyni cinsdən olsun və ya ən azı feminist olsun. bu xiyarlara desən ki, kişilərlə qadınların meyil etdikləri kariyeralar və onların maraqları fərqlidir və buna görə də hər zibilə ən az 50% qadın məcburiyyəti uzun müddət üçün işləməyəcək, sənə həmin dəqiqə seksist damğası vuracaqlar. bu da yaxşı anlaşılandır, çünki normal əks-arqument gətirə bilməzlər və razılaşmadıqları adamlara seksist damğası vurmaqla öz dünyalarında "mənəvi" cəhətdən o adamı guya susdururlar. belə məntiqlə gedən insanların yaşadığı cəmiyyətlərin də axırı yaxşı görünmür. artıq insanlar birbirlərini fərd olaraq yox, hansısa bir mücərrəd qrupun nümayəndəsi kimi görürlər. filankəs ağdırsa deməli qaralar onun qozuna deyil. "privileged" həyat yaşayıblar deyə kişilər heç vaxt qadınların hansı əziyyəti çəkdiyini bilmir və.s.

6 əjdaha! 04.09.2018 21:43, arnold

#277573 şikayət

sovet ittifaqının azərbaycana qazandırdıqları

+7 əjdaha

Çox vaxt haqqında danışılarkən sovet ittifaqından əvvəl hələ azərbaycanı 105 il idarə etmiş rus imperiyasının azərbaycana qazandırdıqları unudulan məsələ. Ancaq bakıda, şamaxıda, qubada ilk müasir məktəbləri açan, kəndliləri feodal mükəlləfiyyətlərdən azad edən, neft sənayesinin yaranmasına imkan yaradan (hansı ki hələ də azərbaycanın iqtisadiyyatı ondan asılıdır), qərbi avropadan investorlar cəlb edən çar imperiyasının rəhbərliyi olub. Bundan əlavə rusiyanın daxilində inkişaf edən proseslər, avropadan liberalizm ideyalarının idxal edilməsi kimi hadisələr azərbaycanda da axundov, sabir, cəlil məmmədquluzadə, nərimanov kimi ziyalıların ortaya çıxmasına kömək edib. Molla nəsrəddindən tutmuş, ilk feminist qəzetlərinə kimi hamısı sovetlərdən əvvəl yaranıb azərbaycanda.
Əlbəttə sovetlərin də az-çox köməyi olub, hər kənddən uşaqları götürüb məktəblərə, universitetlərə göndəriblər. Ancaq sistem totalitar olduğu üçün və xarici dünya ilə informasiya əlaqələrinin həmişə dövlət nəzarəti altında olduğu üçün axundov, məmmədquluzadə kimi yenilikçi adamlar yerinə daha çox itaətkar nəsil yetişdirilib.
Hərşeydən əlavə də rusların və sovetlərin bu qədər təsir yaratmasının səbəbi də o sistemlərin avropa və amerikadakı sistemlərdən üstün olmaqlarına görə yox, azərbaycanın həmin vaxtlar elmi, mədəni baxımdan həm birinci həm də ikinci dünya ölkələrindən çox-çox geridə olmasına görədir. Məsələn, bu tipdə nostalgiyanı nadir hallarda baltikyanı ölkə əhalisi ilə söhbət edərkən eşidə bilərsiniz. Düzdür, orada da sovet nostalgiyasını arzulayan azlıq var, ancaq onların nostalgiyası daha çox universal işlə və evlə təmin olunma kimi məsələlərə görədir nəinki mədəni və siyasi dəyişikliklər.
Bir sözlə, sovetlərin təsirini şişirtmədən əvvəl rus imperiyasının qazandırdıqlarını nəzərə almaq lazımdır. Sovet ideologiyasını, dövlətini və rus mədəniyyətini ilahiləşdirmədən, qərblə eyni səviyyədə və ya üstün olduğunu iddia etmədən əvvəl də əslində bütün bu təsirin azərbaycanın o vaxtlar dünyanın çox gerisində qalması ilə əlaqəli olduğunu nəzərə almaq lazımdır.

5 əjdaha! 10.12.2019 19:00, arnold

#291440 şikayət

ombudsman

+7 əjdaha

konstitusiyada adı çəkilən hüquq və azadlıqların dövlət orqanları tərəfindən pozulmasının qarşısını almaq və əgər pozulma hadisəsi baş verdiyi halda müvafiq qaydada dövlət orqanlarından fərdlərin adından kompensasiya tələb etmək hüququ olan şəxs. qanuna görə milli məclis tərəfindən seçilir və müstəqil fəaliyyət aparır. dövlət orqanlarından, məhkəmələrdən istədiyi vaxt məlumat və ya rəy tələb etmək, prezident və milli məclisə təkliflər vermək hüququ vardır. keçmişdə eyni şəxsin bir dəfədən artıq ombudsman seçilə bilməsinin qarşını alan maddə olduğu halda, hal-hazırda bu maddə yığışıdırılıb və eyni şəxs limitsiz sayda ombudsman seçilə bilər.

7 əjdaha! 04.03.2016 00:49, arnold

#202075 şikayət

400 manat maaş alıb 4 uşaq doğmaq

+8 əjdaha

umbaylama mədəniyyətinin azərbaycansayağı təzahürlərindən biridir. dövlətin sən uşaq doğursan deyə sənə maddi kömək eləməyə borcu yoxdu. dövlət o pulu özündən doğmur. 4 uşaq doğana pul verilməsi, baqşasının mal-mülkünün vergi adı ilə (sovet və digər sosialist dövlətlərində repressiya yolu ilə) dövlət tərəfindən mənimsənilməsi deməkdir. niyə başqasının ömrü boyu işləyib əziyyət çəkərək qazandığı pulu dövlət vergi adı ilə əlindən alıb sənə verməlidir ki istədiyin qədər doğub törəyəsən? dövlət sənin hər ehtiyacıvı qarşılayandan sonra sənin işləyib o ehtiyacları özün qarşılamaq üçün olan motivasiyan də azalır. normal şəraitdə belə bir sistemin uzun müddət həyatda qalması mümkün deyil. sovet dövləti 70 il bu utopiyanı repressiya yolu ilə saxlaya bildi, ancaq bir müddət sonra o da dözə bilmədi, dağıldı.

edit: yoxsulları idarə etməyin asan olması o mənaya gəlmir ki dövlət gecə-gündüz sənin yoxsul olub müflisləşməyivi istəyir. sən yetəri maddi imkanın olmadığı halda gedib 4 uşaq doğub sonra da deyə bilməzsən ki kasıbları rahat idarə edə bilmək üçün dövlət bizə baxmır. əksinə, dövlətə kifayət qədər varlı adam lazımdı ki onlardan vergini alıb sosial-iqtisadi cəhəttən zəif olanlara versin ki dolana bilsinlər. həddindən artıq gəlir bərabərsizliyi cinayəti artırdığı üçün və sistemə qarşə üsyan və.s hallarının ehtimalını artırdığı üçün dövlət də daxil olmala heçkimin xeyrinə deyil. gəliri vergi adı ilə bölüşdürəndə elə bölüşdürmək lazımdır ki kasıblar dövlətin benefitlərindən çox asılı hala gəlməsin + varlılar işləmək motivasiyasını itirməsin. çünki kasıblar benefitdən asılı olsa və varlıların sayı azalsa gələcəkdə vergi ödəyə biləcək varlılar azalacaq və nəticədə hamı kasıb olacaq. necə ki sovet imperiyasında yaşayan insanların hamısı (siyasi elita və vacib bürokratları çıxmaq şərtilə) bərabər formada kasıb idilərsə elə.

8 əjdaha! 08.08.2018 12:10, arnold

#276052 şikayət

hamının sevdiyi halda sevilməyən şeylər

+5 əjdaha

(baxma: azyaşlı uşaqlar)

5 əjdaha! 28.08.2016 20:28, arnold

#226887 şikayət

insan hüquqları və fundamental azadlıqların müdafiəsi haqqında avropa konvensiyası

+5 əjdaha

1950-ci ildə imzalanmış regional müqavilə, və hal-hazırki beynəlxalq hüququn əsas komponentlərindən biri. müqavilən əsas məqsədi avropa ölkələrində insan hüquqlarını və fundamental azadlıqları qorumaqdır. avropa şurasına üzv olmaq üçün isə konvensiyaya qoşulmaq əsas şərtdir. şuraya üzv olan ölkələrin hökumətləri konvensiyanın bütün maddələrinə əməl etməlidilər. əks təqdirdə hüququ pozulan vətəndaş öz ölkəsini avropa insan haqları məhkəməsinə verə bilər.
(bax: avropa insan haqları məhkəməsi)
hələki içlərində azərbaycan da daxil olmaqla 47 ölkə bu müqaviləni ratifikasiya edib və avropa şurasının üzvüdür.
sifarişi verən: krisnayayoxarcunayahe

5 əjdaha! 08.09.2016 21:11, arnold

#228713 şikayət

caucasian

+5 əjdaha

qafqazlı və ya qafqazdan olan insan. "caucasian" həmçinin qərb dünyasında ağdərili mənasını da verir. 19-cu əsrdə avropada alimlər arasnda ağdərili irqinin digər irqlərdən fərqli olaraq qafqaz regionundan, əsasən da gürcüstandan çıxdığında dair fərziyyə var idi. səbəb də 1795-ci ildə gürcüstanda qazıntı zamanı tapılan qədim homosapiensin kəllə sümüyü idi. həmin dövrdə avropalılar arasında mövcud olan ağdərililərin digərdərililərdən üstün olduğu inancını da nəzərə alsaq, amerika və ya afrikada buna oxşar birşey tapmağa cəhd etməyən avropalıların gürcüstanda tapdıqları bu kəllə sümüyünü birbaşa ağdərililərin soy-kökü ilə əlaqələndirməsi də əslində qəribə deyildi. elə buna görə də gələcək elmi nailiyyətlərdən asılı olmayaraq caucasian termini qəlpləşmiş bir termin kimi ağdərililərin mənsub olduğu irqi bildirmək üçün istifadə olunmağa davam etdi.

4 əjdaha! 23.03.2016 20:47, arnold

#204693 şikayət

game of thrones

+5 əjdaha

öz daxilində skyrim, lord of the rings və pornhubu birləşdirən serial.

4 əjdaha! 04.08.2015 19:24, arnold

#177098 şikayət

gülər ismayılova

+5 əjdaha

daha bir mentalitet qurbanı olan şəxs. daha dəqiq desək məcburi evləndirmə, mənasız ailə müdaxilələri, insanların seçim haqqının kobud şəkildə pozulması kimi məsələlər mövcud olduqca bu cəmiyyət elə axıra qədər də belə xəstə qalacaq.
amma gərək məsələlər haqqında danışanda da problemin kökünün nədə olub-olmadığını dəqiqləşdirmək lazımdır. Pedofiliya yetişkin bir insanın seksual baxımından həddi-büluğa çatmamış bir şəxslə əlaqəyə girməsinə və ya əlaqə yaratmasına deyilir. adı çəkilən hadisədə isə qurban şəxsin 17 yaşı var, hansı ki pedofiliya arqumentini öldürür. insanlar bəzən səhv olaraq fikirləşirlər ki, 10-15 yaş arası fərq olursa bu deməli hərcür halda pedofiliyadır.
biz bu hadisəyə pedofiliya desək onda gərək qurbana rasional və yetişkin insan kimi yox, hər bir hadisədə hələ də seçim üçün ailəsinin gözünə baxan bir uşaq/yeniyetmə kimi baxaq. bunu etmək də insanları problemin əsas səbəbindən yayındıracaq və səhv bir məna yaradacaq. belə hadisələrin yaranmasında əsas səbəb ailənin və ya cəmiyyətin fərdlərin və həddi-büluğa çatmış şəxslərin seçim haqqını kobud şəkildə pozması, köləliyi 21-ci əsrdə həyatda saxlamaq çabalarıdır.
ümumiyyətlə 16 yaşına çatmış hər bir insan kimlə sevişər və ya kimlə sevişməz kimi məsələlərdə tam azaddır. istəsə gedər 35 yaşında bir sevgili tapar özünə, istəsə də öz yaşında bir adam.

5 əjdaha! 02.08.2019 16:22, arnold

#289039 şikayət

keçmiş sevgiliyə demək istənilənlər

+5 əjdaha

Son danışığımızda mənə qarşı heç bir hissinin qalmadığını bildirib, daha sonra "bəlkə gələcəkdə həyat bizi qarşılaşdırarsa birşeylər dəyişə bilər, yaşayaq və görək həyat bizə nə edəcək" deməyindən hansı mənanı çıxaracağımı hələ də bilmirəm.
Ümid edirəm özünü yaxşı hiss etmək və ya ayrılıq zamanı pis ayrılmayaq deyə dediyin boş və şablon sözlər deyil bunlar. Əgər boş sözlər deyilsə ən azından 1% ümid belə olsa qoyub getdiyin üçün sənə təşəkkür edirəm.

5 əjdaha! 21.03.2021 20:27, arnold

#322634 şikayət

1984

+6 əjdaha

orwellin şahəsəri. orwell əsas almaniya və ssri totalitarianizmindən ilhamlanaraq bunu yazsa da o tipli ölkələrdə belə görülməyəcək dəhşətləri təsvir etmişdir.
deməli əsərdə belə bir maraqlı söhbət var hansı ki çox düşündürücür. baş qəhrəman dövlət repressiya aparatının başçısından soruşur ki, nə üçün siyasi məhbusları məhv etmədən əvvəl onları "sağaldırsız". adam da deyir ki, biz sovetlərin və nazilərin səhvlərini təkrarlamaq istəmirik. onların sistemində güllələnmədən əvvəlki dəqiqələrdə məhbusların içində mövcud rejimə qarşı böyük bir nifrət olur və nəticədə rejimə söyərək ölürlər. onlar ölsələr də onların nifrəti cəmiyyət içində ruh kimi dolaşır və sonra o sistemin gələcəkdə başına bəla açır. biz isə onları məhv etmədən əvvəl "sağaldırıq", onları elə bir hala salırıq ki, onları məhv etdiyimiz üçün özləri hələ bizə təşəkkür edirlər.

5 əjdaha! 31.01.2019 00:28, arnold

#282703 şikayət

politically correct

+4 əjdaha

əsasən qərb ölkələrində son illərdə məşhurlaşan və bizim kimi kollektivist, senzurasevər cəmiyyətlərdə də yaxın gələcəkdə istifadəsinin yayğınlaşması an məsələsi olan bir zad.
deməli birgün təsadüfən sevinc osmanqızının əli kərimli ilə olan canlı yayımına baxıram, bir də gördüm sevinc osmanqızı ilqar məmmədovu nəzərdə tutaraq "bəzi siyasətçilər son çıxışlarında dedilər ki, seçkilər mitinqlərdən daha vacibdir. onlarla münasibətiniz necə olacaq?" deyə sual verdi. kərimli də yenə ilqarın adını çəkmədən cavab verəndən sonra sevinc osmanqızı qayıtdı ki, bəs çox sağolun ki mümkün olduğu qədər "siyasi cəhətdən korrekt" bir cavab verdiniz.
niyə belə əttökən söhbətlər aparırsınız ala? indi guya orda ilqarın adını çəksə idin nə olacaqdı ki? ilqar inciyəcəkdi ki, məni niyə söhbətin içinə atırsan? siyasətçilərin bir-birinə qeyri səmimi formada söz soxması daha yaxşıdır yoxsa normal və açıq qaydada bir-birləri ilə müzakirələr, debatlar aparmağı?

4 əjdaha! 20.02.2019 00:45, arnold

#283620 şikayət

diş ağrısı

+5 əjdaha

(bax: həyatın nə qədər cındır olduğunun anlaşıldığı anlar)

5 əjdaha! 28.02.2016 13:00, arnold

#201187 şikayət

yeraltından qeydlər

+5 əjdaha

dostoyevskinin beş əsas romanından ilki hesab olunan əsər. əsərdə həddindən artıq asosial olmağın, insanın irrasionallığı və utopik cəmiyyət qurmaq arzusu kimi məsələlər psixoloji və fəlsəfi təhlil edilir.

--spoiler--

əsər yeraltı adam obrazında asosial, cəmiyyətdən həddindən artıq aralı qalmış, heç kimi öz intellekt səviyyəsinə yaxın görmədiyi üçün insanlardan aralı gəzən insanların nə dərəcədə qəzəbli və kinli ruh halında ola biləcəyini göstərir. yeraltında yaşayanlar artıq o dərəcədə cəmiyyətdən uzaqda yaşayırlar ki, nəticədə həyatda nadir hallarda qarşılarına çıxan normal insani hisslərinin hamısını (dostluq, sevgi) insanlar arasında güc mübarizəsi formasında görürlər. yeraltı adam üçün sevgi əslində bir tərəfin digər tərəf üzərində hegemonluq eləməsidir və ya dostluq bir neçə nəfər adamın varlı və hörmətli bir adamın ətrafına toplaşmasıdır və.s. izolasiya şəratində yaşayan, real dünya ilə əlaqəsi sadəcə oxuduğu kitablar olan yeraltı adam üçün bunları başqa formada fikirləşmək mümkün deyil.

yeraltı adam əsərin sonunda belə bir şey deyir:

"biz insan olduğumuz üçün əzilirik. insan-fərdi bədəni və qanı ilə. biz bundan utanırıq, bu həqiqəti bir rüsvayçılıq kimi başa düşürük və buna görə də qeyri-mümkün, ümumiləşdirilmiş bir insana çevrilməyə çalışırıq."

öz həyatının və individual bədəninin limitlərini görən insan bu həqiqəti qəbul eləyə bilmir. insan əgər rasional bir varlıqdırsa bu həqiqəti qəbul eləməlidir, ancaq dostoyevskinin fikrində insan irrasional bir varlıqdır. bu irrasionallıq yeraltı adamın əsərin ilk hissəsindəki qeydlərindən də görmək mümkündür. yeraltı adam ciyərində böyük ehtimal ciddi bir xəstəlik olduğuna baxmayaraq, həkimlərə qarşı olan kin/nifrəti ucbatından həkimə getmir və özü də bilir ki bunu etməklə sadəcə özünə ziyan vurur. şuurlu olduğu halda tam bir irrasional heyvan kimi davranır yəni. bunu başqa vəziyyətlərə şamil edəndə də belədir. yəni insan heç də həmişə öz maraqlarını və ya öz cəmiyyətinin maraqlarını güdmür. bu irrasionallığa baxmayaraq, insan utopik bir cəmiyyət yaratmaq xəyalındadır. sosializm, kommunizm, demokratiya, liberalizm adı altında romantik ideologiyalarla utopiya yaratmaq istəyir hansı ki həmin utopiyada hər kəs xoşbəxtdir və heç kəsin problemi yoxdur. ancaq insan təbiətcə irrasional olduğu üçün belə bir utopiyaya çatsa belə heç kim zəmanət vermir ki, insan öz əli o "mükəmməl" cəmiyyəti dağıtmayacaq. dostoyevski elə buna görə də həyatı boyu "romantik" qərb ideallarının rusiyada kor-koranə tətbiq olunmasına şübhə ilə yanaşıb.

--spoiler--

5 əjdaha! 12.08.2018 00:43, arnold

#276317 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

arnold

son bəyənilənlər:

oxuyucuların bəyəndikləri:

arnold

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: