qaqaş olar mən də atım?

131 0 0 0

4. nəsil yazar

entry: 131

1 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 9 gün

axşam yazarı

Yeni

Səviyyə 1

0 / 100 XP

8.6K

təxmini söz yazıb

0.1 kitaba bərabər

Statistika

Nailiyyətlər 9 / 16

İlk Addımlar

Yazıçı

Əjdaha Balası

Əjdaha

Tanınmış

Oxunan

Veteran

Əbədi

Abidə

Qələm Ustası

Əjdaha Kralı

Karma Yığıcı

Məşhur

Vikipedist

Bestseller

Həftəlik Seri

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yalnızlıq

+50 əjdaha

bir insanın hiss edə biləcəyi ən pis şeylərdən biridi. iki cür yalnızlıq olar. biri, həqiqətən dostunun yoldaşının arxadaşının ananın atanın olmamasıdı. dünyada heç kimin yoxmuş kimi hiss etdirir adama özünü, onsuz da heç kimin yoxdur. darıxanda danışa biləcəyin, dərdini ya sevincini bölüşəcəyin biri yoxdur. gördüyün qəşəng bir çiçəyi belə göstərəcəyin, başına gələn gəribə hadisəyi danışacağın bir dostun yoxdur və adama özünü yətim kimi hiss etdirir.
amma bundan daha pisi isə dostun, arxadaşın, anan, atan, bacın, qardaşın varkən hələ də yalnız hiss etməkdi. bir dərdini danışmaq istəsən dərhal vaz keçirsən çünki bilirsən ki o adamın qozuna deyil. bilirsən ki o insan divar kimi dinləyir səni, sən danışsan da danışmasan da fərqi yoxdu özün üçün. yanında onca insan var ama yenə də heç kim yox kimidi. camaat içində yalnız olduğunu görürsən. əvvəl qəbul etmirsən bunu, mənim dostlarım var valideynlərim var axı deyirsən özünə. sonra bu gerçəyi yavaş yavaş başa düşürsən. əsas problem də burdan sonra başlayır. sən yalnızlığı qəbul etdikcə daha da yalnız olursan. hətta, zaman keçdikcə insanları görmək, onlarla danışmaq istəmirsən. gördüyün eşitdiyin bildiyin hər şeyi içində saxlayırsan. və bilirsən ki bu həmişə belə davam edir, edəcək.

43 əjdaha! 13.12.2015 04:39, qaqaş olar mən də atım?

#190185 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

radiooooo.com

+33 əjdaha

dünya xəritəsindən ölkə seçib 1900cü ildən 2010cu ilə kimi o ölkənin il il musiqisini dinləyə biləcəyiniz radio saytıdı. slow, fast, weird kimi kateqoriyalardan hansını seçərsizsə o janrda mahnıları təqdim edir sizə təkcə. mahnının üzərinə klik edəndə mahnının ifaçısını, ilini, janrını da göstərir. hələ də təzə olduğu üçün bəzi asiya və afrika ölkələrinin hər ili yox amma inkişaf edəcəyinə inanıram.
link link

25 əjdaha! 25.03.2016 20:28, qaqaş olar mən də atım?

#204900 şikayət

güldürən hadisələr

+33 əjdaha

üniversitetdə 1-ci kursdaykən bir müəllimimə tapşırığın son təqdim tarixini uzatmaq üçün mail göndərdim. bir neçə mail atdıq bir-birimizə, tarixi müzakirə etdik. ingilis dili müəllimi olduğu üçün ingilis dilində yazışırdıq. axırda, müəllim mənim mailimə təkcə 'copy that' dedi. mən də fikirləşdim ki yazdığımın hamısını copy-paste edib yenidən göndərməmi istəyir. bütün söhbəti yolladım müəllimə. sonradan öyrəndim ki, 'copy that'in mənası razılaşmaq, uzlaşmaq olarmış. müəllim əlbəttə ki cavab vermədi. mən də o gündən bəri müəllimin üzünə baxa bilmirəm.

33 əjdaha! 08.12.2015 22:45, qaqaş olar mən də atım?

#189766 şikayət

kiçik xoşbəxtliklər

+20 əjdaha

azərbaycan ilə türkiyə arasındakı saat fərqinin 1-ə enməsi

18 əjdaha! 27.03.2016 13:16, qaqaş olar mən də atım?

#205087 şikayət

19 mart taksimdə partlayış

+17 əjdaha

bu gün istanbulun ən mərkəzi yeri olan taksimdə olan partlayışdı. almaniya baş konsolluğunun dünən bu ehtimaldan xəbərdar etməyinə baxmayaraq türkiyə hökuməti bunu 'həyatınıza heç qorxmadan davam edə bilərsiz' deyərək inkar etdi.
ankara partlayışından bəri abş, almaniya və diger ölkələrin səfirliklərinin bildirişlərinə baxırıq. bəs belə mi olmalıdı? axı mən türkiyədə yaşayıb türkiyə vətəndaşı ikən təhlükəsizlik haqqında informasiya tapmaq üçün başqa ölkələri izləyirsəm bunda nesə bir səhv var. hər partlayışdan sonra gələn yayın yasağı və internet yavaşlatmasını demirəm belə. partlayış anının kamera qeydinə baxıram, küçənin solunda yürüyənlər həyatda qalırkən, sağında yürüyənlər dünyasını deyişdi ya yaralandı. insan həyatı belə ucuz və dəyərsiz olmamalıdı axı. elə bir xaos yaradıblar ki heç kim evindən çölə çıxmaq istəmir. əvvəldə analar təkcə oğullarını əsgərə göndərəndə qorxardılar ölümdən, indi çölə küçəyə hər çıxanda qorxurlar övladlarını itirməkdən. həyatımızda heç görmədiyimiz -və öldükləri için bir daha da heç görə bilməyəcəyimiz- insanlar için yas tuturuq aylardır. məsələn bu gün parkda yanımda oturan 9-10 yaşlı qız 'akmerkezde patlama olmaz dimi, annem orda çalışıyor' dedi dostuna. belə balaca uşaqların, cavanların, gənclərin, anaların, ataların, yaşlıların layiq olduğu şeylərin bunlar olduğuna inanmıram.
bir də ki, mən balacaykən hamı qorxurdu ki türkiyə irana oxşayacaq. iran kimi qadınların karaçarşaf geyindiyi, qadınların daha geridə qaldığı bir ölkə olmaqdan qorxulurdu. indi baxıram, iranın adı belə geçmir, indi oxşamaqdan qorxulan ölkələr siyahısında 1-ci sırada suriya var.

15 əjdaha! 19.03.2016 17:35, qaqaş olar mən də atım?

#204325 şikayət

güldürən qəribə yuxular

+16 əjdaha

sözlükdə, whatsapp'daki kimi mavi tik funksiyası var idi. məsələn mənim bu yazdığım entryni kimlər oxudu kimlər baxdı hamısını görürəm. mən 'bu necə funksiyadı e' deyə başa düşməzkən atam otaqa gəlib 'sevgilinlə tanışmaq istəyirəm, yeməyə dəvət et' deyir. sevgilimin olmadığını, atamın bunu bildiyini amma yenə də kimi niyə evə dəvət etdiyini şu təzə funksiya qədər belə sorğulamıram.
bir neçə gün sonra sevgilim evə gəlir tanış olmağa. danışır bu universitetdə oxuyuram, bunu edirəm zad. atam dinləyir dinləyir dinləyir, axırda qayıtır ki 'yaxşı. indi susarsansa kemal kılıçdaroğluna qulaq asacam'. yemək boyunca heç kim danışmır, kemal kılıçdaroğlundan başqa.

16 əjdaha! 18.01.2016 14:58, qaqaş olar mən də atım?

#194850 şikayət

isa şahmarlı

+14 əjdaha

bugün intiharının 2 ili tamam olur.
çox şey demək istəyirəm. bu entryni bəlkə 10 dəfədir silib yazıram amma heç nə deyə bilmirəm. cəmiyyətin məntalitəti dəyişmədikcə isa şahmarlı nə ilk idi nə də sonuncu olacaq, təəssüf ki.

13 əjdaha! 22.01.2016 16:34, qaqaş olar mən də atım?

#195241 şikayət

sevgilinin gey çıxması

+19 əjdaha

4 il əvvəl başıma gələn hadisədi. 17 yaşımız vardı və lisedə oxuyurduk. məndən xoşu gəldiyini söylədi, mən də onu bəyənirdim. sevgili olduk. ama bir-birimizi heç öpmürdük. əlimi belə tutmurdu. mənim də əvvəldə heç sevgilim olmamağına görə bunlar normal gəlirdi, heç şübhələnmədim və bu 4 ay davam etdi. axırda mənə dedi ki mən səndən ayrılmaq istəyirəm. mən səbəbini öyrənmək istəyirdim, soruşdum ama səbəbini demədi, ayrıldık. biz sevgiliykən onun çox yakın bir oğlan dostu vardı, yəni mən elə zənn edərdim. sonradan öyrəndim ki indi sevgililərmiş. gey olduğunu gizləməkçün də məndən istifadə etmiş. onda qubarlandım ama indi geriyə baxanda bunları yaşayan özüm deyilmişim kimi gəlir, gəribədi

19 əjdaha! 01.12.2015 21:41, qaqaş olar mən də atım?

#189206 şikayət

gənclərin ən böyük problemi

+13 əjdaha

ümidsizlikdi. gün geçdikçə pisləşən dünyada nə olacağını, geləcəkdə nə edəcəyini bilməmə qorxusu

12 əjdaha! 01.12.2015 15:49, qaqaş olar mən də atım?

#189181 şikayət

qohum

+13 əjdaha

lüğət mənasıyla baxanda əqrəba, ana, ata, qardaş, bacı, əmi, dayı, xala, bibi və s. mənasındadır. amma real həyatda, təəssüf ki, bundan daha çoxudur. insanı olduğu yerdə tutan, əsir edən şeylər vardır. bunlardan ilki məhz qohumluq bağıdır. bu elə bir bağdır ki, edəcəyin hər şeyi, deyəcəyin hər sözü, gedəcəyin hər yeri düşünərək seçmənə səbəb olar. əslində 'bağ' deyə adlandırarkən belə tərəddüd edirəm çünki bu bağ insanın istəyərək yarattığı bir şey deyil. insan hansı qohumunu özü seçir? məsələn dayım qızının bambaşqa biri olmasını istəyə bilərdim amma dəyişə bilmirəm. səvmədiyim vərdişimi var, ola bilər, normaldir. seçmə imkanım olaydı bəlkə onu seçməzdim amma dözməyə məcburam. bəs həqiqətən bir birimizi tanıyırıqmı? 'filankesin övladı'ndan başqa nə deyə bilərlər mənim haqqımda? heç nə. nələri sevirəm, hansı ölkələrə getmək istəyirəm, haraları görmək istəyirəm, nələri heç hoşlamıram, üniversiteti qurtaranda nələr etmək istəyirəm heç birini bilmirlər. amma mühüm deyil, çünki bilmək istəmirlər. təkcə tənqid etmək istəyirlər. "aa belə etmisən amma düz deyildir." "eşitdinizmi filankesin qızı neynəyib?" "xarici ölkəyə qarşı cins dostlarınla getmisən?" "bayramda kəndə niyə gəlmməmisən?" həyatını onlara görə formalaşdırmanı gözləyirlər. həyatı yaşayan sənsən amma qərar vermə və tənqid etmə səlahiyyatı olan onlardı. bu, uzaq qohumlar üçün belədi.
indi dairənin içinə, daha yaxinlara gələlim. ana, ata, qardaş, bacı nisbətən səni daha yaxşı tanıyan amma yenə də səni əsir alan insanlardı. öz adıma danışıram, içimə nəcə nüfuz edibsə artıq, bir yerə gedərkən, bir şey edərkən anam atam necə fikirləşir deyə düşünürəm. məsələn türkiyəliyəm amma həyatıma burda davam etmək istəmirəm. gələcəkdəki xəyallarımın ilki bu ölkədə yaşamamaqdı, amma bilirəm ki bu ailə bağı məni əsir edəcək. əlimi qolumu bağlayacaq. və mən ailəmi atamayacağıma görə, xəyallarımı atacam. ailəm, qohumlar necə fikirləşir deyə deyə istədiyim heç bir şeyi edəməyəcəyim. onlar üçün, məsələn johnny cash sevən, dilbilim ilə maraqlanan, səyyah olmaq istəyən x deyil də, filankesin övladı x olmaya davam edəcəm.
həqiqətən də insanın zənciri, ən böyük əsirliyi yaxınları, qohumları, ailəsidi.

9 əjdaha! 16.01.2016 00:02, qaqaş olar mən də atım?

#194524 şikayət

anaya demək istədiklərimiz

+12 əjdaha

əlbəttə hər ana kimi sən də övladını çox səvirsən. nə vaxtsa xəstələnsəm, dərdim olsa, kədərli olsam həmişə yanımdaydın. sevgin haqqında heç şübhəyə düşmədim. amma mən qarşılıqını verə bilmirəm bu sevginin. ən son nə zaman ürəkdən qucaqladım səni? nə zaman gözəl sözlər söylədim? ən son nə zaman 1,5 dəqiqədən uzun danışmışıq telefonda?

mənim haqqımda nelər bilirsən məsələn? üniversitet, dostlar kimi müəyyən şeyləri soruşmuram. daha abstrakt, daha şəxsi şeyləri soruşuram. ən sevdiyim mahnı hansı məsələn, ya ən sevdiyim qrup, ən sevdiyim kitab? izləməyi ən çox istədiyim film hansıdı? yatmazdan qabaq mütləq dinlədiyim mahnının adını bilirsən? bilmirsən. səni günahlandırmıram, çünki suç məndədi. mən sənə bunlardan heç danışmadım. dinləyəcəyini bilirdim amma yenə də sənə söyləmədim.

dostlarıma baxıram, hamı anasıyla çox yaxındı. telefonda danışarkən hər şeydən danışırlar 'bugün bunu etmişəm, bu yaxşıdı, bu pisdi ve s'. mən ancaq 'yaxşıyam üniversitetdəyəm' deyib susuram. əksərən 'sən neynəmisən' deyə soruşmağım belə həvəssizdi. ana, mən səni sevmirəmmi? insan anasını sevməzmi? bəs niyə belə hiss edirəm?

onsuz da məni ən çox kədərləndirən şey də budur. balaca uşaqkən məni heç döymədin, pis davranmadın. elə etmiş olsan derim ki 'məni dövdün pis davrandın ona görə indi səni sevmirəm', amma elə də deyil. əksinə, dünyanın mərkəzinə qoydun məni həmişə. amma sənə eyni qarşılıqı verə bilməmək mənə çox narahat hiss etdirir özümü. sənə özümü borclu sayıram. artıqdan verdiyin sevgi qarşısında borcluyam və çox suçlu hiss edirəm, bu haqda necə danışsam da başa sala bilmirəm.

bilirəm sən də istəyirsin ki övladınla çox yaxın olasan, hər şeyi bölüşəsən, hamı kimi. amma üzr istəyirəm ana mən bacara bilmirəm.

edit: anama deyəmədiklərimi buraya yazmaq yüngüllətir zənn etdim amma əksinə daha da çox suçlu hiss edirəm özümü. bunu yazdığımı, belə fikirləşdiyimi bilsə, hiss edəcəklərini təxmin etməklə belə dəhşətli vicdan əzabı çekirəm.

11 əjdaha! 28.12.2015 20:28, qaqaş olar mən də atım?

#191856 şikayət

2020-ci ilin ən yadda qalan hadisələri

+9 əjdaha

Dunya icin elbetde corona virus idi. Azerbaycan icin qarabag idi. Menimcunse, O vaxtlar menimcun cox deyerli olan biri var idi, sevgili desen deyil, ama sevirdik de bir birimizi. Qorxurdum ki muharibeye aparacaqlar bir de gore bilmeyecem onu. Axirda aldatdi meni, sonra da ozu geldi danisdi bunu mene, vicdani narahat olub. O gece hec yata bilmedim, prosto aglayirdim. Seher olanda gozlerim berbat halda idi. Nece vaxt ele kecdi. Bir de hec kime guvenib seve bilmerem deye fikirlesirdim, indi ise qucagimda qizim yatir, sevdiyim adamdan

7 əjdaha! 22.01.2026 04:07, qaqaş olar mən də atım?

#396193 şikayət

persepolis

+9 əjdaha

1969-cu il təvəllüdlü marjane satrapi'nin iran şahının devrilməsi, qadınlara hicabın məcburi olması ve muxəliflərin susdurulması kimi mövzuları anlatan kitabıdı. yaxşı bir gələcəyi olsun deyə 14 yaşında viyanaya göndərilən marjane'nin bəzən iranlı olmaqdan utandığını bəzən də milli kimliyini mənimsədiyini görürük. yenə də, viyanada şərqli biri olaraq, iranda isə qərb görmüş biri olaraq yad hiss edir.
kitabın bir də film versiyası vardır. filmdə diqqətimi cəlb edən şeysə, satrapi fransa və ya avstriya kimi ölkələrdə olanda film rəngli olur, ama iranda olan səhnələrin tamamı ağ-qaradı.

7 əjdaha! 25.02.2018 21:33, qaqaş olar mən də atım?

#269051 şikayət

the talking bugs

+9 əjdaha

indie folk rock janrında mahnılar ifa edən italyan musiqi qrubudur. qrup üzvləri Alessandro Di Furio, Fausto Ghini, Youssef Ait Bouazza və Paolo Andrini'dir. mahnıları ingilis dilində olan qrubun view of a nonsense adlı bir albomları vardır.

(youtube:

)

(youtube:

)

(youtube:

)

(youtube:

)

7 əjdaha! 06.01.2016 18:46, qaqaş olar mən də atım?

#193224 şikayət

selvi boylum al yazmalım

+7 əjdaha

1978ci ildə türk rejisor atıf yılmaz tərəfindən çəkilən filmdir. başrollarında türkan şoray, kadir inanır ve ahmet mekin olan film 95 dəqiqədir. 'Sevgi neydi? Sevgi iyilikti, dostluktu, sevgi emekti' filmin ən bilinən sitatıdır.
cemşit, asya və samet'in birlikdə söylədiyi bu mahnı da filmin qəşəng səhnələrindən biridir.

(youtube:

)

maraqlı bir not: filmdə balaca oğlan samet rolunu əslində elif inci adlı bir qız oynamışdır.

7 əjdaha! 14.01.2016 18:33, qaqaş olar mən də atım?

#194385 şikayət

güldürən hadisələr

+8 əjdaha

bugün olmuş hadisədi. əslində təcrübə edənləri güldürmədi amma mənimçün axmaq və gülməlidi.
mənim bir qardaşım var. bir insanın ola biləcəyi ən pis dövrdədi. başqa sözlə, yeniyetmədi və 15 yaşı var. 3 dostuyla birlikdə gülməli olar zənn edib bir restorana zəng ediblər tam 1,5 ildir. adam telefonda danışmaya başlayanda bu ağılsızlar da söyməyə başlayıblar. adam 1 dəfə səbir eləmiş, iki dəfə, üç dəfə. həmişə davam edib. axırda adam dözə bilməyib bunların nömrəsini verip prokurorluqa müraciət edib. polis bunların liseyinə gedib və bunların birini tutub. oğlan da ifadəsində hamının adını verib polise. indi bizim evə də kağız geldi ki oğlunuz belə belə etdiyinə görə haqqında şikayət var. anam da atam da əsəbləşdi ki 'sən necə insansan, atan yaşında adamı lağa qoymusan'. indi qardaşım süd tökmüş pişik kimi otağın bir yanında, atam başqa bir yanda oturur. mən də gülməmək üçün, sakit qalmaq üçün cəhr edirəm.