sensei93

5 əjdaha! 02.06.2017 22:42, sensei93

tibb sferasından kənarda olan, psixoloji sindrom .. ilk dəfə bu sindrom 1983-cü ildə dan kiley adlı psixoanalitik tərəfindən müəyyən olunmuşdur. adı ceyms matthew barrienin peter pan adlı romanından götürülmüşdür. lakin peter pan sindromu adlı kitabda bu sindrom detalları ilə analiz olunsa da, dsm-iv tərəfindən həqiqi bir xəstəlik kimi qəbul edilmir.

bu sindrom ən çox yetkinlik yaşında, xüsusilə də insanların sosial vəzifələri yarandığı andan etibarən müşahidə edilir. ən çox subay insanlarda olur. dan kiley bu sindromu uşaq kiçik yaşlarda olarkən ananın onu həddindən artıq sıxması və atanın çəkisizliyi (ailədə hakim mövqedə olmaması) ilə əlaqələndirir. bu sindrom bir neçə mərhələyə ayrılır:

10-15 yaş arası: uşaq ətraf mühit ilə əlaqəsini yaşadığı qorxu hissi ucbatından qırmağa çalışır. öz öhdəliklərindən qaçmağa və tək qalmağa çalışır.

16-22 yaş arası: eqoizm və kobudluq hiss olunur.

23-25 yaş arası: həyatdan narazı, bədbəxt və narahat insan təsiri bağışlayır.

26-30 yaş arası: sindrom inkişaf edir və vəziyyət daha dəhşətli olur.

45 yaşından etibarən: yenidən uşaq olmağa çalışılır və istənilməyən həyat rejimindən uzaqlaşır.

#254754 şikayət

dante alighieri

5 əjdaha! 03.06.2017 02:12, sensei93

ilahi komediya əsərini hər kəsə oxumağı məsləhət görürəm, çox ağır və tükləri biz-biz edəcək məqamlara sahib bir əsərdir.. xii əsrdə olan bir insanın bu şəkildə ilahi məşvərəti bu cür əks etdirməsinə biganə qalına bilməz ..

hə bir də sizə danışım dantenin platonik eşqi beatricedən. dante ilk dəfə onu görəndə 9 yaşında olub beatrice isə cəmi cümlətanı 8 yaşında. sonra illər keçib beatrice ona salam verib. sadəcə bu qədər kiçik bir vəziyyətlə belə dante ona dəli kimi aşiq olub. beatrice 24 yaşında ölər və dante isə ona vita nouva (yeni həyat) kitabını yazar.. bunu niyə dedim ?! çünki bu onun italyan dilində ilk əsəridir, ilk əsərlərisə latın dilində olmuşdur .. 3 cildlik ilahi komediya isə ana dilində yazdığı son əsərdir ..

#254778 şikayət

tqdk

5 əjdaha! 22.04.2017 16:20, sensei93

tətbiq olunmayan informasiyalar insan beynini qurudarkən, tətbiq olunmayan informasiyaların insan beyninə ötürülməsinə birmənalı normal bir şey kimi yanaşan tələbə qayırmaq üzrə dövlət komissiyası !

#251425 şikayət

kiçik xoşbəxtliklər

5 əjdaha! 23.04.2017 11:57, sensei93

həyatda insan faciələri qədər insana nələrisə öyrədən başqa bir mühüm detal yoxdur. xəbərsiz xəyanətə uğrayan qadının gecələr yatmayıb da ərini gözləməsi, tək yaşayan və ya boşanmış ya da həyat yoldaşını itirmiş orta yaşlarda bir kişinin evə qayıdanda gördüyü yuyulmamış qablar qarşısında olan çarəsizliyi və ya açıq qalan televizor arasındakı kədər bu iki misal arasında fərq görmürəm. sadəcə bir şeylərin fərqinə hərəkətlərlə yox düşünməklə varmaq lazımdır. düşünmək, insanın öz faciəsini düşünmək onun çata biləcəyi ən böyük müdriklikdir. bizlər dostoyevskinin alçaldılmış və təhqir edilmiş insanlarıyıq. bəsit xoşbəxtliklər ötəridir. geriyə baxırsan yalnız kiçik xoşbəxtliklərin səni tərk etdiyini görürsən və hər şey daha da dözülməz olur ..

#251512 şikayət

anton çexov

5 əjdaha! 03.06.2017 00:00, sensei93

antonun qardaşı içkiyə düşkün olan zərif ruhlu bir rəssam olub. çexov ona yazdığı məktubun sonunda belə deyir: özünü tərbiyə etmək və düşdüyün mühitdə səviyyəni saxlamaq üçün yalnız pikviki oxumaq və faustdan monoloq əzbərləmək yetərli deyil. faytona oturub yakimankaya bir həftəlik səfərə çıxmaq yetərli deyil .. bunun üçün gecə-gündüz çalışmaq, daim oxumaq, dərin biliklər qazanmaq, iradəli olmaq lazımdır .. hər saatının qədrini bilməlisən .. səni məhv edən hər şeyə tüpürməyi bacarmalısan .. sındır araq şüşələrini, otur oxu .. heç olmasa turgenevi oxu..

mənsə düşünürəm ki, bəs bu gün biz qardaşımıza ya bacımıza kimisə, nəyisə oxumağı məsləhət görə bilirikmi ?! yoxsa buna gücümüz çatmır, axı bu qədər vecsiz olmamalıydıq ..

#254762 şikayət

rorşax testi

4 əjdaha! 01.05.2017 22:52, sensei93

rorşax testi - ( rorschach testi, rorşax mürəkkəb ləkəsi testi, rorşarx texnikası yaxud qısaca mürəkkəb ləkəsi testi kimi də bilinir) ilə subyektlərin mürəkkəb ləkəsini qavramaları qeydə alınaraq və sonra psixoloji interpretasiyadan, kompleks alqoritmlərdən yaxud hər ikisindən istifadə edilməklə subyektdə analiz aparılması imkanını verən psixoloji testdir. bəzi psixoloqlar bu testdən fərdin şəxsi xarakteristikalarını və emosional fəaliyyətini tədqiq etmək üçün istifadə edirlər. o, əsas fikir pozğunluğunun (psixozun) aşkar edilməsi üçün təyinatlanmışdır, xüsusilə o hallarda ki, xəstələr öz düşünmə proseslərini açıq şəkildə təssəvür etməyə istəksiz olurlar. testə yaradıcısı isveçrəli psixoloq herman rorşaxın adı verilmişdir. rorşax 1960-cı ildə ən geniş istifadə edilən proyektiv test idi. abş milli tədqiqatında rorşax ambulator əqli sağlamlıq vasitələrində istifadə edilən psixoloji testlər arasında 8-ci yerlə qiymətləndirilmişdir. o, şəxsiyyətin qiymətləndirilməsi üçün cəmiyyətin (society of personality assessment) üzvləri tərəfindən istifadə edilən ən geniş yayılmış ikinci testdir və 25% məhkəmə psixoloji dəyərləndirmə hallarında psixiatrlar tərəfindən tələb edillir, adətən mmpi (minnesota multiphasic personality inventory) və mcmi-iii (milon clinical multiaxial inventory) testin batareyasına tez-tez daxil edilir.

#252037 şikayət

yalnızlığın ən çox anlaşıldığı anlar

3 əjdaha! 17.05.2017 21:55, sensei93

insanın yaşadıqları yaşadığına dəymir bəzən. sanki müəyyən vaxt intervalında yaşanan hər şey qum saatından keçib qurtarır və sonra da geriyə baxırsan ki, heç nə qalmayıb. sənə vaxtı ilə doğma gələn hər şey bir göz qırpımında yad olub gedib. gözünü açıb sual verirsən ki, nə baş verdi belə ?! nə oldu bu qədər şeyə ?! unuduldu? yox əlbəttə bu sualı özünə verirsənsə heç nə unudulmayıb. unudulan insan olmur, elə həmçinin yaşanan xatirələr də. unudulan sadəcə zamandır. zamanın axarını ritmini unutmusan xəbərin yoxdu. sonda isə oyanırsan ki, qulağında bir hüznlü musiqi ilə slow motion hər şey gözünün qabağından keçir gedir. sən isə qıraqdan tamaşaçı rolunu oynuyursan.

#253320 şikayət

kolumbiya qalstuku

3 əjdaha! 18.05.2017 21:12, sensei93

kolumbiya mafiasının istifadə etdiyi bu qədim işgəncə növündə qurbanın boğazı kəsilir və onun dilini həmin kəsilən hissədən çölə çıxardırlar ..

#253395 şikayət

azərbaycan tibb universiteti

7 əjdaha! 02.05.2017 21:52, sensei93

dayımın təbirincə desək 90-cı illərə qədər hanısa bir rayona katib getməyin ora qəbuldan daha asan olduğu bir universitet, 1991-2011ə qədər boloniya prosesinə qədər nə qədər olmaya savadlı, talkovi həkimlər buraxan, test sisteminə keçəndən sonra bolonyanı baş-ayaq edib, üzünə-gözünə bulaşdıran azərbaycanın harvardı .. təhsil sistemində olan köklü çatışmazlıqlar daha da qabarıqlaşıb son illərdə, updateləri etmədən dünya tibbindən bir başqa səmtə yönələn bir yer .. histologiya kafedra müdiri eldar qasımovun təbirincə desək; azərbaycanın qaymaqlarını alıb, su qatıb qıcqırmış ayran şəklində buraxan universitet ☺

#252091 şikayət

mafia

4 əjdaha! 23.04.2017 00:00, sensei93

mafia sistemi quruluş olaraq bəlkə də ən çox sevdiyim sistemdir. özlərinə aid bir dünyası var. əsas mövzu etibarlılıq,sədaqətdir. qaydalara uymursansa aradan qaldırılırsan. bir o qədər soyuqqanlı və intellektual olmalısan. həm də söz ehtiyatın çox ətraflı olmalıdır. əgər silah daşıyırsansa nişan almağın çox güclü olmalıdır. həyatı rus ruleti kimi yaşayırsan. hər an öldürülə bilərsən. zirvə özü ilə birlikdə sənin məhvini gətirə bilər.iradən yüksək olmalıdır. düşmənin ayağına baxırsansa gözünün içinə də qorxmadan baxmalısan.

#251451 şikayət

nəcməddin ərbakan

+6 əjdaha

Qəribədi amma nədənsə hazırda rəhmətliyin dediyi bir şey yadıma düşdü ; Dünyada siyasəti sevməyən insanları, insanı sevməyən siyasətçilər idarə edir..

4 əjdaha! 29.12.2019 02:11, sensei93

#291653 şikayət

sözlük yazarları

4 əjdaha! 28.05.2017 14:04, sensei93

dünəndən açılan mədinə başlığından sonra görürəm ki, beyni oturma orqanında ya da başqa yerlərində olan və əlində alıb gəzdirməyə meylli olan tiplər sarıdan bol yerə çevrilib sözlük, baxırsan 5, 4, 3cü nəsil yazardı, doqqaz xoruzudu elə bil, boş başlıqlara 10 dənə entry, mənalı şeylərə gələndə isə qoymağa qoz tapılmır, ancaq söz soxmaq və özünüzü ağıllı göstərməkdən başqa heç nəyə yaramırsız, filankəs troldu, əli elədi, vəli belədi, əlininki olsun münasib yerinizə, 4 illik fasilədən sonra bura girmişdim, yenə soyutduz məni, soxum sizin qəzəlivizə !

#254253 şikayət

turing test

3 əjdaha! 16.05.2017 22:25, sensei93

türinq testi — 1950-ci ildə "mind" jurnalında alan türinq tərəfindən ortaya atılmışdır. kompüterin və ya başqa bir sistemin insanlarla eyni zehni bacarığa sahib olub-olmadığını müəyyən etmək məqsədi daşıyır. ümumi mənada bu test bir mütəxəssisin, maşının performansı ilə bir insanınkını ayırd edib edə bilməyəcəyini ölçür. əgər ayırd edə bilməzsə, maşın insanlar qədər zehni bacarığa sahib deməkdir. bu testdə təcrübəni edən adam kompüter və insanı görmür. təcrübəni edən hansıyla əlaqədə olduğunu bilmədən bunların ikisinə də sual verir. təcrübəni edən adamın soruşduğu suallar və təcrübədə iştirak edən maşın və insanın verdiyi cavablar bir ekranda yazılı olaraq verilir. məqsəd, təcrübəni aparanın uyğun suallar ilə bunlardan hansının insan, hansının kompüter olduğunu tapmasıdır. əgər təcrübəni edən adam etibarlı bir şəkildə bunu söyləyə bilməzsə, o zaman kompüter türinq testini keçər və insanlar qədər qabiliyyətli olduğu fərz edilər.

bu testin çatışmayan cəhətlərini tənqid edən con sörl çin otağı adlandırılan xəyali eksperiment təklif etmişdir.

#253249 şikayət

stendal sindromu

+3 əjdaha

incəsənət əsərləri qarşısında özündən getməyə səbəb olan panik atak: stendal sindromu ..

- devid heykəlindən təsirlənib, uffizi qalereyası'ndakı sənət əsərləriylə sehrlənən turistlərin başına nə gəlir?!
heç bir muzeyi gəzərkən səbəbsizcə huşunu itirən biriylə qarşılaşdınızmı heç? əgər belə birinə rast gəlmisinizsə, bəlkə də stendal sindromu yaşadığını xatırlatmaq lazımdır. stendhal sindromu, bir muzeydə ya da çox gözəl bir sənət əsərinin qarşısında hiss etdiyiniz gözəl duyğularla özündən getmə olaraq bilinir. hyperkulturemia ya da florence sindromu olaraq da bilinən bu pozğunluğun psixosomatik bir narahatlıq olduğu ifadə edilir. kişi, gözəl olaraq təyin bir sənət əsərinin qarşısına keçdiyi zaman, sürətli ürək çırpıntıları, baş gicəllənməsi, huşunu itirmə, qusma və hətta xəyal görməyə qədər gedən simptomlarla üzləşirsinizsə bu tərz bir sindromla başınız bəlada ola bilər. hələ tanınmış bir xəstəlik vəziyyəti olaraq qeydlərə keçməsə də psixologiya diaqnoz və statistika təşkilatı insanların belə bir mövzudan həqiqətən təsirləndiyini ifadə edir. hətta bəzi xəstələr, xəstəxanada müalicə görərək və antidepressant istifadə belə edə bilir.
florensiyadakı santa maria nuova xəstəxanası isə bu mövzuda ən çox şikayətlərin təyin olunduğu bölgənin başında gəlir. devid heykəlindən təsirlənib, uffizi qalereyası'ndakı sənət əsərləriylə sehrlənən turistlər, baş gicəllənməsi və ətrafı tanımama kimi problemlərlə qarşılaşır. sindrom 1979-ci ildə, italyan psixiatr graziella magherini tərəfindən florensiyada müşahidə edilib, diaqnozu qoyulan 100 turistdən sonra təyin olunur. xix əsrdə yaşamış fransız yazar stendhaldan sonra adlandırılan bu sindrom, stendhal'ın 1817-ci ildə florensiyaya olan səfərini izah etdiyi kitabı "naples and florence": ("a journey from milan to reggio"dan ilhamlanmışdır.) stendhal bu kitabında nikkolo maçiavelli, mikelancelo və qalileyin basdırılmış olduğu santa croce basiliski qəbiristanlığını ziyarət edəndə, ovsunlandığını ifadə edir ..

2 əjdaha! 01.05.2017 22:41, sensei93

#252036 şikayət

isveç masası

6 əjdaha! 23.05.2017 18:58, sensei93

üzərindəki təamların maddi heç bir ödənişin olmamasıyla əlaqəli məhdudiyyətsiz istifadəsi üçün nəzərdə tutulan masa .. və bütün dünyada bu formatda öz əksini tapan ifadədir "isveç masası" . 2014-cü il qərarına əsasən, səudiyyə ərəbistanında haram hesab edilən bir anlayış .. “mömün insanlar yalnız sifariş etdiyi yeməyə görə pul ödəməlidirlər”, yeməyin məhdudiyyətsiz istehlakı şəriət qanunlarına ziddir fikriylə bu da bu anlayışa paradoksal baxan bəlirsiz aspektdən yanaşan millətin reaksiyası . həmçinin 2013-cü ildən etibarən rusiya ordusu da skandinav ölkələri kimi hərbi sistemində "isveç masası" yemək stoluna keçmişdir.

#253821 şikayət

black power

2 əjdaha! 03.05.2017 08:35, sensei93

amerikalı atletlər tommie smith və john carlos 1968 olimpiadalarında ayaqqabısız qaçaraq 200 metr yarışmasında 1. və 3. olmuşlar. mükafat mərasimində yumruqlarını yuxarı qaldırıb başlarını önə əyən ikitərəfli black power (qara güc) salamı hərəkətini edərək amerikada əzilən qaradərililəri simvollaşdırma etmişlər. bunun üzərinə beynəlxalq olimpiya komitəsi tommie smith və john carlos'u ömür boyunca olimpiya oyunlarından məhrum etmə qərarı almışdır. 2. sırada duran avstraliyalı peter norman isə onların hərəkətini dəstəklədiyi üçün bir növ sürgün həyatı yaşamışdır. norman öldüyündə isə cənazəsinə həm tommie, həm də carlos qatılmışdır.

#252129 şikayət

potyomkin kəndi